新聞類別
娛樂
詳情#
【蘋果日報】十年可以經歷多少變化？或者看看樂壇組合Mr.。2008年出道，首五年三度在紅館開騷，推出近八十首歌曲，三年前隊員間出現意見分歧，然後各走各路，這樣的十年如坐過山車。瞬息萬變的巨輪，卻沖不走Mr.重聚的心，五子已經重整旗鼓，準備五月踏上紅館舞台，齊齊高唱：「如果我未死，來釋放自己。」
樂隊Mr.的十年經歷了很多，由出道初期的人氣鼎盛，到後來負面新聞不絕，這樣的試煉反而令成員變得豁達：「太順利嘅話，樂隊就冇乜故事。我哋到依家都仲係(o靚)仔，(o靚)仔就要能屈能伸，嗰啲係畀我哋嘅考驗。」譚健文（Dash）認為Mr.還能重聚已是小確幸：「好多樂隊最後都割席，正面、負面都係有得着。」
感激學懂包容
他們的得着是成長，布志綸（Alan）感激彼此學懂包容，以前的壞脾氣、心胸狹窄、沉默通通甩掉，當時無歇息的工作環境，不但容易發生磨擦，也令負面情緒沒有消化的能力。Dash感性地說：「佢哋四個嘅名係最深刻，由唔係好熟到熟咗，再去到唔知點相處，依家可以繼續，呢四個人我一世都唔會唔記得，因為最開心、最唔開心、最火滾嘅嘢，都係同呢四個人發生。」
喜愛做自己，但曾經迷失的Mr.安好歸來，宣佈再踏上紅館舞台，主題就是入行十周年，但只演兩場，Alan坦言：「開頭開一場都擔心，我哋冇出嚟講嘢一排，亦冇乜好大gimmick畀大家，好彩發佈會嗰日，見到咁多fans喺度。」Mr.表示演唱會不要太多花巧，Dash坦言同期出道的好友陳偉霆曾提議：「佢叫我哋一路彈、一路跳，我覺得唔好搞咁多嘢，我哋唔應該挑戰呢啲難度。」Alan相信網民會有不少意見，但Mr.不一定接納。
「賣點唔係抵睇」
黎澤恩（Ronny）則相信到了適當的時候：「今次會幾感性，唔係爆炸性嗰種。之前有人問我哋有冇嘉賓，但為咗抵睇而要有嘉賓？Mr.嘅賣點唔係抵睇，反而係坦坦白白玩音樂。」杜志烜（Tom）更預告演唱會開場，會與歌迷重溫過去十年時光，希望集齊回憶，是帶有感觸和感動的溫暖開場感覺。
撰文：盧妹
攝影：沈健程
化妝：Wendy of Wendy's Workshop
髮型：MingLeung of corner.hk
場地提供：The Stadium
資料來源：蘋果日報2018年12月24日
長青網 - 一站式長者及護老者生活資訊網站
樂隊Mr.的十年經歷了很多，由出道初期的人氣鼎盛，到後來負面新聞不絕，這樣的試煉反而令成員變得豁達：「太順利嘅話，樂隊就冇乜故事。我哋到依家都仲係(o靚)仔，(o靚)仔就要能屈能伸，嗰啲係畀我哋嘅考驗。」譚健文（Dash）認為Mr.還能重聚已是小確幸：「好多樂隊最後都割席，正面、負面都係有得着。」
感激學懂包容
他們的得着是成長，布志綸（Alan）感激彼此學懂包容，以前的壞脾氣、心胸狹窄、沉默通通甩掉，當時無歇息的工作環境，不但容易發生磨擦，也令負面情緒沒有消化的能力。Dash感性地說：「佢哋四個嘅名係最深刻，由唔係好熟到熟咗，再去到唔知點相處，依家可以繼續，呢四個人我一世都唔會唔記得，因為最開心、最唔開心、最火滾嘅嘢，都係同呢四個人發生。」
喜愛做自己，但曾經迷失的Mr.安好歸來，宣佈再踏上紅館舞台，主題就是入行十周年，但只演兩場，Alan坦言：「開頭開一場都擔心，我哋冇出嚟講嘢一排，亦冇乜好大gimmick畀大家，好彩發佈會嗰日，見到咁多fans喺度。」Mr.表示演唱會不要太多花巧，Dash坦言同期出道的好友陳偉霆曾提議：「佢叫我哋一路彈、一路跳，我覺得唔好搞咁多嘢，我哋唔應該挑戰呢啲難度。」Alan相信網民會有不少意見，但Mr.不一定接納。
「賣點唔係抵睇」
黎澤恩（Ronny）則相信到了適當的時候：「今次會幾感性，唔係爆炸性嗰種。之前有人問我哋有冇嘉賓，但為咗抵睇而要有嘉賓？Mr.嘅賣點唔係抵睇，反而係坦坦白白玩音樂。」杜志烜（Tom）更預告演唱會開場，會與歌迷重溫過去十年時光，希望集齊回憶，是帶有感觸和感動的溫暖開場感覺。
撰文：盧妹
攝影：沈健程
化妝：Wendy of Wendy's Workshop
髮型：MingLeung of corner.hk
場地提供：The Stadium
資料來源：蘋果日報2018年12月24日
長青網 - 一站式長者及護老者生活資訊網站
回應 (0)
