華懋新樓天花剝落「麻雀枱咁大」

【蘋果日報】新盤質素參差。讀者黃小姐去年以月租12萬元承租華懋九龍塘賢文禮士一個1,979方呎四房單位，居住一年相安無事，日前晚上客廳天花批盪剝落，令她驚慌，慶幸無人受傷，已向屋宇署申報及要求管理處派員跟進。
黃小姐表示，當晚全家人已睡覺，突然間客廳傳來巨響，「出房睇下囉！天花剝落咗，唔係油漆囉，直情有啲石屎咁跌咗落嚟，剝落嘅範圍有一張麻雀枱咁大。」慶幸時值夜晚12時，無人受傷，「新樓嚟㗎嘛，住唔夠一年，咁樣冧落嚟，真係好危險囉！」，「冇理由咁大個發展商，啲樓質素係咁樣囉……諗唔到會喺新樓發生，唔係住咗十幾廿年嘅油漆剝落，唔係話今次傷唔到人就無問題。」
記者現場直擊，出現問題的地方位處大廳正中間，面積約4呎乘2呎，超過8平方呎。正下方見零散碎片，最大一塊大過一隻手掌，每塊碎片夾雜英泥及油漆，厚度相當於5元硬幣，部份碎口鋒利，現場執起一塊可以鎅開紙張。已剝落位置沒有鋼筋外露，相信只是批盪層剝落。土地註冊處資料顯示，單位由一名王姓買家於2017年以約4,800萬元買入，黃小姐去年承租，單位屬原裝設計。昨晚截稿前，華懋未有回應。
資料來源：蘋果日報2018年12月24日

長青網 - 一站式長者及護老者生活資訊網站