新聞類別
港聞
詳情#
【蘋果日報】深水埗向來予人龍蛇混雜印象，當中尤以九江街來頭最響，屬本土黑社會幫派猛人的孕育地，曾有「惡人谷」的稱號，過去無人不識，香港藝術節本月推出一齣以這條街道為名的舞台劇，劇中女角蔡運華飾演的「港漂」，訪問三名曾在九江街江湖打滾的男子，勾勒出深水埗以至香港大環境的歲月變遷，她近日以「港女」身份重回區內，重新細訴舊街坊、港人以至旅客對當區歷史的不同演繹。
記者：莫家文
攝影：劉柏麟
「深水埗係一個混雜同有本土味的地方！」擔任舞台劇演員及六合彩主持的蔡運華（Shirlee），自幼在石塘嘴長大，年少時只知深水埗是電子產品集中地，有心儀產品才會去走一轉，連外地朋友亦對該區有誤解，「台灣同外國朋友睇過電影《古惑仔》系列，一嚟香港就問深水埗夜晚係咪成日有古惑仔反枱同擸刀劈友？」要由她解釋深水埗並非一個無法無天的三不管地帶，「嗰度有嘢食有嘢玩，好草根，想買嘢問人都肯回答你。」釋除外人對該區的疑慮。
江湖幫派在街上廝殺
不過，Shirlee對深水埗理解確實不深，直至十年前才與該區「we connect」，出道尚淺的她獲委派到深水埗鴨寮街進行街頭表演，當時她與同事擔心被人中斷演出，「旁邊有收機佬叫賣，阻住人做生意，演到一半俾人阻止點算？」現場環境亦不算乾淨，上有冷氣機滴水，下有坑渠，最終她硬着頭皮表演的時候，反有意想不到的效果。「演個陣全場靜晒，跌咗道具旁邊有街坊幫你執番，相比銅鑼灣商場保安話你阻碇，呢度反應簡直好好！」自此便對這區改觀。「呢度江湖味好重，但都有心地善良嘅人；雖然區內龍蛇混雜，親身經歷之後又有唔同感覺，唔會有人喺度蝦蝦霸霸。」
2015年底，Shirlee應文化界及本地設計師邀請，在周日以時裝模特兒身份在深水埗街頭出席棚仔花生騷，表達布巿場「不遷不拆，還布販謀生權」的訴求，以至本月獲邀於舞台劇《九江》中飾演一個內地來港的女生，以本地黑社會為論文題材，訪問三個昔日在九江街打滾的男子漢，回顧區內變遷，逐步拉近她與深水埗的距離，進一步拉近與家人的關係。
Shirlee剛接下《九江》舞台劇後，獲悉家翁自幼在九江街長大，便多約他共膳和傾談，打聽昔日深水埗巿貌，重新體會區內變遷。Shirlee表示，從家翁口中得知，童年時確從街坊口中聽聞晚上有江湖幫派在街上廝殺，但對平民來說卻與他們無關，只是當成司空見慣的傳聞，「深水埗以前靠海有碼頭，老爺細細個未做嘢，有魚佬見到叫佢哋成班細路搬魚上岸，事成就送幾條魚做報酬，呢啲都係當年鄰里互相幫忙嘅寫照。」
「深水埗是個藏寶庫」
如今的深水埗，海岸線消失了，但已非江湖風雲地，反而有不少港人或旅客特地到來尋寶，「深水埗係個藏寶庫，我哋有時要搵道具，會走下地攤或排檔，搵番幾十年前嘅黑膠碟或者經典撥輪盤電話，相比中環同一樣物件，價錢可以相差十幾倍，呢度係平靚正！」蔡運華亦會趁空閒到街巿熟食中心尋找街坊小菜的味道。
「我希望重新了解深水埗係個點樣嘅地區，《九江》係講社團同惡人，但係依家社團同惡人嘅定義已經唔同咗；社團可以係地區團體，惡人唔需要係黑社會，一樣可以恰到平民百姓。」深水埗之惡名，大概只有深入體會，才會有另一番感覺。
港故事
有些人有些事，越是美好越留不住。本土手藝、傳統行業、街頭老店，都帶給我們生活的溫度和記憶的厚度，如果你知道有這樣的故事，歡迎提供。（致電或WhatsApp 6383 6568 註明「港故事」）。
長青網 - 一站式長者及護老者生活資訊網站
記者：莫家文
攝影：劉柏麟
「深水埗係一個混雜同有本土味的地方！」擔任舞台劇演員及六合彩主持的蔡運華（Shirlee），自幼在石塘嘴長大，年少時只知深水埗是電子產品集中地，有心儀產品才會去走一轉，連外地朋友亦對該區有誤解，「台灣同外國朋友睇過電影《古惑仔》系列，一嚟香港就問深水埗夜晚係咪成日有古惑仔反枱同擸刀劈友？」要由她解釋深水埗並非一個無法無天的三不管地帶，「嗰度有嘢食有嘢玩，好草根，想買嘢問人都肯回答你。」釋除外人對該區的疑慮。
江湖幫派在街上廝殺
不過，Shirlee對深水埗理解確實不深，直至十年前才與該區「we connect」，出道尚淺的她獲委派到深水埗鴨寮街進行街頭表演，當時她與同事擔心被人中斷演出，「旁邊有收機佬叫賣，阻住人做生意，演到一半俾人阻止點算？」現場環境亦不算乾淨，上有冷氣機滴水，下有坑渠，最終她硬着頭皮表演的時候，反有意想不到的效果。「演個陣全場靜晒，跌咗道具旁邊有街坊幫你執番，相比銅鑼灣商場保安話你阻碇，呢度反應簡直好好！」自此便對這區改觀。「呢度江湖味好重，但都有心地善良嘅人；雖然區內龍蛇混雜，親身經歷之後又有唔同感覺，唔會有人喺度蝦蝦霸霸。」
2015年底，Shirlee應文化界及本地設計師邀請，在周日以時裝模特兒身份在深水埗街頭出席棚仔花生騷，表達布巿場「不遷不拆，還布販謀生權」的訴求，以至本月獲邀於舞台劇《九江》中飾演一個內地來港的女生，以本地黑社會為論文題材，訪問三個昔日在九江街打滾的男子漢，回顧區內變遷，逐步拉近她與深水埗的距離，進一步拉近與家人的關係。
Shirlee剛接下《九江》舞台劇後，獲悉家翁自幼在九江街長大，便多約他共膳和傾談，打聽昔日深水埗巿貌，重新體會區內變遷。Shirlee表示，從家翁口中得知，童年時確從街坊口中聽聞晚上有江湖幫派在街上廝殺，但對平民來說卻與他們無關，只是當成司空見慣的傳聞，「深水埗以前靠海有碼頭，老爺細細個未做嘢，有魚佬見到叫佢哋成班細路搬魚上岸，事成就送幾條魚做報酬，呢啲都係當年鄰里互相幫忙嘅寫照。」
「深水埗是個藏寶庫」
如今的深水埗，海岸線消失了，但已非江湖風雲地，反而有不少港人或旅客特地到來尋寶，「深水埗係個藏寶庫，我哋有時要搵道具，會走下地攤或排檔，搵番幾十年前嘅黑膠碟或者經典撥輪盤電話，相比中環同一樣物件，價錢可以相差十幾倍，呢度係平靚正！」蔡運華亦會趁空閒到街巿熟食中心尋找街坊小菜的味道。
「我希望重新了解深水埗係個點樣嘅地區，《九江》係講社團同惡人，但係依家社團同惡人嘅定義已經唔同咗；社團可以係地區團體，惡人唔需要係黑社會，一樣可以恰到平民百姓。」深水埗之惡名，大概只有深入體會，才會有另一番感覺。
港故事
有些人有些事，越是美好越留不住。本土手藝、傳統行業、街頭老店，都帶給我們生活的溫度和記憶的厚度，如果你知道有這樣的故事，歡迎提供。（致電或WhatsApp 6383 6568 註明「港故事」）。
長青網 - 一站式長者及護老者生活資訊網站
回應 (0)
