「俾佢斬多幾刀，我就唔知點啦」

【蘋果日報】遭兇徒斬傷後腦的劉經理，前日事發後被送院施手術、在頭部取出數小塊碎骨，現時情況穩定，留院廣華的劉經理看來精神不錯。他昨在病榻上向《蘋果》記者講述「死過番生」經歷時猶有餘悸，並感謝警員救他一命，「真係多謝嗰位叫阿龍嘅警察，好彩佢開咗一槍，如果唔係俾佢（兇徒）斬多幾刀，我就唔知點啦……」
劉的上司盧先生與同事，昨晨11時30分帶同果籃到醫院探望。劉表示襲擊其兇徒曾多次到超市偷竊，因見對方是道友，以往發現他偷竊都沒追究，「只係叫佢放低啲嘢，算數，叫佢走。」前日中午12時許，該名慣匪又出現，劉懷疑對方又想偷竊，於是「指指佢，叫佢走啦」，對方離去後劉繼續工作。
頭部取出數塊碎骨
豈料對方走後竟持刀折返並施襲，「無端端揸刀衝入嚟，當時我喺後場做嘢，出面啲人大聲嗌『個道友揸住把刀衝入嚟呀』，我唔知咩事，出去睇吓，見佢揸住把刀，一入嚟就劈我，我避唔到，俾佢斬到！」 劉負傷反抗，疑兇再揮刀準備劈他時，幸好警員及時開槍制止，「如果唔係，俾佢再斬多幾刀，我就唔知點㗎啦。」他感謝警察開槍救命， 「真係多謝嗰位叫阿龍嘅警察，好彩佢開咗一槍。」
劉後腦有兩處刀傷，幸傷勢不重，一直清醒，前日由救護員送抵廣華醫院後，醫生即安排替他做手術，取出頭部碎骨。劉受訪時展示醫生從其頭部傷處取出的數小塊碎骨。
■記者文兆麟
長青網 - 一站式長者及護老者生活資訊網站