坦言炒股「輸多過賺」

【蘋果日報】鍾絳虹並不熱衷玩股，她坦言過往股市投資「輸多過賺」，但股票令她看化人生，「能夠睇通睇透，先可以睇到事物嘅真相。」
初入行時，鍾絳虹把所有投資押落「大笨象」滙控（005），結果「大家知道滙控個股價，我咪又係變咗（蟹貨）囉。」她指工作繁忙，無暇時時留意股價升跌，以前認購的新股不少變了「蟹貨」，笑言自己亦犯了散戶通病。
從事IPO多年　看化了
不過，從事IPO多年，令她都看化了，「我參與嘅IPO，有啲股價曾經十蚊得返一蚊，甚至一百蚊得返十蚊。」她說看化不是一件壞事，「你能夠睇通睇透，先可以睇到事物真相，情緒唔會咁波動，領悟到每一樣嘢最終都可能歸零，股票亦一樣。」
鍾絳虹在機械化的新股登記工作中，施展創意創先河推出e-IPO，改革散戶往後認購新股的習慣。
她笑言，自己沒有家庭負擔，做事沒有顧忌，亦很難做到Old Seafood，「九成人喺我呢個年紀，已經兒女成群家庭美滿，但我唔係主流嘅人。一個唔圓滿嘅人，其實就同年青人一樣，有好多嘢都未去到好滿足。」
長青網 - 一站式長者及護老者生活資訊網站