新聞類別
娛樂
詳情#
【蘋果日報】旗袍設計師蔡毅明兩年前跟澳洲籍丈夫誕下混血囝囝Max，熱愛中國文化的蔡毅明決心要教導囝囝謙卑有禮、孝順長輩及尊師重道，堅持將中國傳統禮節思想傳承下一代。
蔡毅明模特兒出身，一直以來深受中國文化影響，修讀時裝設計的她醉心旗袍設計，2011年創立自家品牌，大家一想起旗袍，就會想起她的設計，中國文化得以傳承，中國禮儀就用來教仔。
只講廣東話
兩年前蔡毅明與澳洲籍丈夫育有兒子Max，日前她帶同一歲多的Max接受訪問，原來自Max出世至今，蔡毅明都只會跟囝囝講廣東話，她說：「揀學校我應該都係行國際學校，但一定程度嘅鞭策都需要，有一樣嘢我好緊張，就係我要佢識中文，當然揀國際學校都要有中文、普通話堂上，我同佢講廣東話，係想佢聽完識得講，依家小朋友基本上唔會唔識英文，我反而擔心佢越嚟越大會唔識中文。」
着重身教，蔡毅明希望孩子認識中國人基本的傳統禮節，她說：「依家好多小朋友唔識得尊重、孝順，呢樣嘢好希望佢識，外國小朋友比較自由自在，可能未必識孝順尊重。爹哋識好多唔同知識可以教佢，中國傳統文化我會講解多啲。」她續說：「我都係有個嚴父嘅家庭出生，對佢某程度上控制會係好事，不過就唔想好似我哋以前咁大壓力，我覺得玩同有開心一面好緊要。」她也感恩得到丈夫的精神上支持，盡力讓兒子有個開心愉快的童年。
代表性衣着
80後的蔡毅明於2010年創辦製作公司，同時發覺很多人對旗袍有需求，一年後決心創立個人品牌Yi-ming，她說：「每次去歐洲我都會帶定啲長衫出去，萬一有event要去，會覺得着上長衫係有代表性。」又指經營品牌多年，開心長衫的文化在這幾年深受重視。
撰文：羅慧敏
攝影：葉君海
場地提供：KidsKiss Kingdom（Shek Mun）
長青網 - 一站式長者及護老者生活資訊網站
蔡毅明模特兒出身，一直以來深受中國文化影響，修讀時裝設計的她醉心旗袍設計，2011年創立自家品牌，大家一想起旗袍，就會想起她的設計，中國文化得以傳承，中國禮儀就用來教仔。
只講廣東話
兩年前蔡毅明與澳洲籍丈夫育有兒子Max，日前她帶同一歲多的Max接受訪問，原來自Max出世至今，蔡毅明都只會跟囝囝講廣東話，她說：「揀學校我應該都係行國際學校，但一定程度嘅鞭策都需要，有一樣嘢我好緊張，就係我要佢識中文，當然揀國際學校都要有中文、普通話堂上，我同佢講廣東話，係想佢聽完識得講，依家小朋友基本上唔會唔識英文，我反而擔心佢越嚟越大會唔識中文。」
着重身教，蔡毅明希望孩子認識中國人基本的傳統禮節，她說：「依家好多小朋友唔識得尊重、孝順，呢樣嘢好希望佢識，外國小朋友比較自由自在，可能未必識孝順尊重。爹哋識好多唔同知識可以教佢，中國傳統文化我會講解多啲。」她續說：「我都係有個嚴父嘅家庭出生，對佢某程度上控制會係好事，不過就唔想好似我哋以前咁大壓力，我覺得玩同有開心一面好緊要。」她也感恩得到丈夫的精神上支持，盡力讓兒子有個開心愉快的童年。
代表性衣着
80後的蔡毅明於2010年創辦製作公司，同時發覺很多人對旗袍有需求，一年後決心創立個人品牌Yi-ming，她說：「每次去歐洲我都會帶定啲長衫出去，萬一有event要去，會覺得着上長衫係有代表性。」又指經營品牌多年，開心長衫的文化在這幾年深受重視。
撰文：羅慧敏
攝影：葉君海
場地提供：KidsKiss Kingdom（Shek Mun）
長青網 - 一站式長者及護老者生活資訊網站
回應 (0)
