新聞類別
財經
詳情#
【蘋果日報】
上個禮拜四長和系業績會，市民見唔到「超人」李嘉誠點評股樓、講吓政治社會議題，硬係有啲唔慣，不過大家唔使望到頸都長，因為誠哥好快又出嚟同大家見面，就係出席呢個禮拜三嘅大埔慈山寺「佛教藝術博物館」啟用儀式喇。
出席名單上除咗主人家誠哥，亦邀請咗中聯辦主任王志民、特首林鄭月娥。不過華華聽聞，誠哥兩個仔「小超」李澤鉅（Victor）同埋「小小超」李澤楷（Richard）都會出席撐老豆，翻查返，喺公式場合三父子同場可謂非常少有，對上可能要數返Richard仲喺和記黃埔年代，可見誠哥係幾咁重視今次個典禮。
查實去過慈山寺嘅，有可能會經過呢間建築中嘅佛教藝術博物館，佢其實就喺巨型觀音像下面，誠哥希望可以透過呢個館促進正信佛教、弘揚價值、融入社區。介紹返，慈山寺係由誠哥捐款興建，一般人都可以去參學，唔收取費用，不過要事先登記，否則就肯定摸門釘。
李華華
mailto:LiWaWa@AppleDaily.com
LiWaWa@AppleDaily.com
長青網 - 一站式長者及護老者生活資訊網站
上個禮拜四長和系業績會，市民見唔到「超人」李嘉誠點評股樓、講吓政治社會議題，硬係有啲唔慣，不過大家唔使望到頸都長，因為誠哥好快又出嚟同大家見面，就係出席呢個禮拜三嘅大埔慈山寺「佛教藝術博物館」啟用儀式喇。
出席名單上除咗主人家誠哥，亦邀請咗中聯辦主任王志民、特首林鄭月娥。不過華華聽聞，誠哥兩個仔「小超」李澤鉅（Victor）同埋「小小超」李澤楷（Richard）都會出席撐老豆，翻查返，喺公式場合三父子同場可謂非常少有，對上可能要數返Richard仲喺和記黃埔年代，可見誠哥係幾咁重視今次個典禮。
查實去過慈山寺嘅，有可能會經過呢間建築中嘅佛教藝術博物館，佢其實就喺巨型觀音像下面，誠哥希望可以透過呢個館促進正信佛教、弘揚價值、融入社區。介紹返，慈山寺係由誠哥捐款興建，一般人都可以去參學，唔收取費用，不過要事先登記，否則就肯定摸門釘。
李華華
mailto:LiWaWa@AppleDaily.com
LiWaWa@AppleDaily.com
長青網 - 一站式長者及護老者生活資訊網站
回應 (0)
