新聞類別
財經
詳情#
【蘋果日報】
王維基嘅香港電視（1137，簡稱HKTV）因「一男子因素」下被迫由電視轉做網購，大台TVB成為最大贏家。搞咗網購幾年，HKTV雖然仲未止蝕，但都吸引到唔少市民用過。開咗咁耐，最出奇就竟然係搵咗Do姐拍廣告，仲要喺大台播，唔少人都驚訝點解出名小氣嘅大台會肯接受。
近排大台參多腳攪埋網購，唔少人認為係追住王維基嚟打，王維基就話「如果市場越來越旺，HKTVmall必定係最大得益者」。有記者問到大台CEO李寶安點睇王維基同公司關係，佢話：「王維基絕對唔係競爭對手，我歡迎佢！佢幫襯我，畀廣告我賺，我衷心希望佢成功！」原來利字當頭，大家都有數講，唔怪得會放生Do姐。
噚日李寶安仲賣花讚花香，話旗下myTV SUPER唔同YouTube，「如果睇30分鐘，（觀眾）會願意睇30秒廣告，會覺得係應份、會enjoy！唔似幾分鐘短片咁一彈出就想交叉，我哋都唔畀交叉！」對於big big channel成立不久已不斷有廣告，李寶安話「雖然係宣傳，但你會唔會覺得厭惡？我就覺得好好笑好好睇。」大台咁hard sell，唔知觀眾又有咩睇法呢。
李華華
mailto:LiWaWa@AppleDaily.com
LiWaWa@AppleDaily.com
長青網 - 一站式長者及護老者生活資訊網站
王維基嘅香港電視（1137，簡稱HKTV）因「一男子因素」下被迫由電視轉做網購，大台TVB成為最大贏家。搞咗網購幾年，HKTV雖然仲未止蝕，但都吸引到唔少市民用過。開咗咁耐，最出奇就竟然係搵咗Do姐拍廣告，仲要喺大台播，唔少人都驚訝點解出名小氣嘅大台會肯接受。
近排大台參多腳攪埋網購，唔少人認為係追住王維基嚟打，王維基就話「如果市場越來越旺，HKTVmall必定係最大得益者」。有記者問到大台CEO李寶安點睇王維基同公司關係，佢話：「王維基絕對唔係競爭對手，我歡迎佢！佢幫襯我，畀廣告我賺，我衷心希望佢成功！」原來利字當頭，大家都有數講，唔怪得會放生Do姐。
噚日李寶安仲賣花讚花香，話旗下myTV SUPER唔同YouTube，「如果睇30分鐘，（觀眾）會願意睇30秒廣告，會覺得係應份、會enjoy！唔似幾分鐘短片咁一彈出就想交叉，我哋都唔畀交叉！」對於big big channel成立不久已不斷有廣告，李寶安話「雖然係宣傳，但你會唔會覺得厭惡？我就覺得好好笑好好睇。」大台咁hard sell，唔知觀眾又有咩睇法呢。
李華華
mailto:LiWaWa@AppleDaily.com
LiWaWa@AppleDaily.com
長青網 - 一站式長者及護老者生活資訊網站
回應 (0)
