無人店經營模式　撐起劏場租金

【蘋果日報】夾公仔機專門店可以令死場「翻生」，不外乎自助形式營運，以及帶旺人流這兩大生意特質。盛匯商舖基金創辦人李根興表示，行內租舖位去做夾公仔生意的趨勢冒起，支持死場劏舖的租值，料這類劏場的平均租金至下年同期，將有20%至30%上升空間。
「一做就租幾十個舖」
李根興續指，現時「舖頭最大敵人唔係租，係請唔到人」，故以無人店形式營運的生意有得做，市面上不難發現自助洗衣店、自助販賣機越開越多，而夾公仔機專門店則是商界迅速冒起的無人店類別之一。他認為，這類生意減省請人成本，公仔成本又不是太高，料日後越開越多。
他表示，專門店有較多數量的夾公仔機，吸引人流效果較街邊擺一、兩部機明顯得多，故死場業主歡迎這類生意進駐；再加上WaWa Planet同層有一間面積頗大的咖啡店，能做到協同效應，「夾完公仔覺得攰就去餐廳坐吓，坐到悶悶地又去夾過」，互相帶旺人流。
李根興指出，近期尖沙嘴首都廣場每間舖成交價約120萬至130萬元，若以5厘回報計算，估計每間舖月租大約4,000至5,000元，「根本好平，因為係死場」。不過他指，首都廣場最差的時間已經過去，「好似啲夾公仔機，一做就租幾十個舖位」，有助推動租金叫價略為回升。
長青網 - 一站式長者及護老者生活資訊網站