舊樓重建　深水埗變食街

【蘋果日報】近年深水埗福榮街及福華街一帶有大量食肆進駐，甚至有食店打入米芝蓮街頭小吃推介，儼如食街。深水埗區議員何啟明表示，自從區內舊樓重建項目近年不斷增加，新派食肆開始進駐區內，不但帶旺高登電腦中心附近一帶，連對面馬路的北河街及基隆街飲食業亦興旺起來。
區議員：物價貴咗
不過，何議員稱北河街一邊舊樓以劏房戶為主，飲食業暢旺雖為居民帶來更多選擇，但同時引發食物通脹。「以前仲有20蚊雲吞麵，依家茶記食個早餐31蚊已經係平，午餐平均46蚊至50蚊一位，只有明哥飯店平民化少少，物價太貴，基層寧願返屋企煮都唔出街食。」而舊牌檔遷上北河街街市熟食市場後，較為着重保持本土風味。「熟食市場日頭同夜晚可以叫小菜啤酒，唔會平太多，以經營牌檔特色小菜為主。」他指如今不少食店由服務街坊轉型成全港市民的搵食地圖，價格只會越走越高。
長青網 - 一站式長者及護老者生活資訊網站