港媒自我審查增　爆料者恐身份被揭

【蘋果日報】【拆局】
中共要保護政權，筆桿子或較槍桿子更緊要，要令港媒「噤聲」，《逃犯條例》勢成最具殺傷力武器，不止記者或時事評論員會有陷冤獄危機，令港媒自我審查情況大增，有資深傳媒人分析，向傳媒爆料揭發內地黑幕的人士也會擔心身份被揭露而卻步，重要的新聞資訊或從此消失。
香港是中國境內唯一仍能揭露中共政權醜聞或腐敗的地方，惟當移交逃犯修例過關後，或令傳媒報道相關新聞時自我設限，免被針對。
「中國新聞會因此萎縮」
曾當記者的立法會議員毛孟靜稱：「如果你係長駐北京，真係腳都軟埋」，指一旦誤中地雷：「編輯、報館點撐你呢？最多都係幫你畀罰款，但係要坐監、任何司法上嘅後果，係要個人承擔，心理上係有好大壓力，有關中國新聞係會因此萎縮。」現時不少採訪中國新聞的外國記者會視香港為緩衝地方，她指日後「可能唔嚟香港，去新加坡……中國新聞嘅前境係好黯淡」。
除傳媒或自我設限，修例更勢影響知情人士借港媒爆料。記協前主席麥燕庭指：「如果內地嘅人知香港記者咁易被拉、被引渡，（覺得中共）想要嘅係背後放料嘅人，仲會唔會同香港記者講嘢，仲肯爆料？」她稱：「冇咗呢啲消息人士，就會冇咗好多資訊，所以影響好深遠。」
■記者許偉賢
長青網 - 一站式長者及護老者生活資訊網站