變娛樂活動　增上癮風險

【蘋果日報】網購改變都市人的消費模式，當感到無聊或空虛時便上網「搵嘢買」，令購物變成一種娛樂，甚至為解悶方法，與過往以目標為本的購物方式不同。精神科專科醫生傅子健表示，網購的促銷優惠易令人覺得，「幾十蚊就買到筍嘢、好抵」，因而沉迷。
傅稱，從行為心理學分析，網購利用人性的心理弱點，包括以各種優惠或宣傳，如名人或KOL賣廣告，讓顧客容易有「人有我有」、「代言人用咗都覺得好」的心態，造就衝動購物。此外，網購會帶來期待感，如等待拆禮物一樣，對於空虛寂寞、生活不開心的人來說，可有暫時麻醉的作用，從而沉迷網購。
似沉迷賭錢
網購可以成癮，其中的關鍵是產生吊癮現象，「當你去網購，若貨不對辦，自然好失望，但只要有一次好啱心水，例如件衫好啱着、好靚，就會覺得好似中獎咁，好滿足、好有快感，然後會繼續沉迷落去，情況好似賭錢上癮一樣」。對容易衝動購物的市民，傅建議瀏覽購物網前，要果斷及反客為主，直接訂購所需物品，避免墮入廣告陷阱。同時要提防因無聊而漫無目的去瀏覽購物網，更需為自己制訂玩手機的守則，例如避免依賴手機。
■記者梁麗兒
想輕輕鬆鬆健康啲，記住留意健康蘋台
http://health.appledaily.com.hk/
長青網 - 一站式長者及護老者生活資訊網站