人脈網絡成強大後盾

【蘋果日報】新品牌要入屋，首先要令人留下印象。May在2017年將茶老七帶來香港，短短一年多時間，產品曝光率極高，全因她針對目標顧客群，將過往推廣化妝品的宣傳策略、人脈網絡應用在茶葉上。「今年會進軍日本市場，有朋友喺當地向salon銷售頭髮產品，知道我轉做茶葉後就幫我推銷。日本女士都愛飲茶，尤其係烏龍同普洱有助減肥，加上我哋嘅包裝喺當地市場好受落，有千幾間salon表示有興趣」。
鋒味月餅分享會內品茶
以往在美容界合作的朋友不少已成為忠實支持者，去年曾跟娃娃達人Ning Lau聯乘布娃娃造型茶包，又找來時尚插畫師Mickco設計限量版禮盒，就連謝霆鋒去年舉行鋒味中秋月餅分享會，茶老七亦駐場示範茶藝。May自嘲似「回到未嫁時」，以往掌管著名品牌，各大商場主動邀請擺pop up store，現時卻要密密發電郵爭取機會進場。「現時嘅銷售渠道主要係網上訂購及喺商場擺pop up store，增加曝光機會」。每次展銷，名人朋友都會到場支持，變相成為星級宣傳活動。
長青網 - 一站式長者及護老者生活資訊網站