港人登珠峯日日經歷雪崩　今啟程攀洛子峯　沿途記錄氣候變化

【蘋果日報】【關注氣候】
【蘋果日報】港人黃偉建去年登上世界最高的珠穆朗瑪峯，成為第九位成功登頂的香港人。攀爬高山多年的他，因為去年的經歷，切身感受到氣候變化的影響，「冰川融化嘅速度越嚟越快，每日都有雪崩，對於攀山者嘅危險性都有所提高」。黃偉建計劃今年攀登世界第四高的洛子峯，沿途記錄氣候變化的狀況，並且採訪當地居民以了解極端天氣為當地帶來的影響。黃於今天啟程，若成功登峯，將是首個登上洛子峯的香港人。
記者：李雨夢
「本來舊年係打算一次過登珠峯同埋洛子峯，但喺珠峯落返嚟之後就發覺冰川融緊，雪崩情況好嚴重，雪巴人覺得危險，所以就冇去埋洛子峯。」對於未能一次登上兩座高山，黃偉建有少許遺憾，但也因為這次經歷，令他感受到氣候變化如何導致惡劣天氣的生成，「都好大衝擊，因為冰川融化係對所有攀山者嘅危險性都增加緊」。他說，每年都有不少攀山愛好者魂斷珠穆朗瑪峯，隨着極端天氣的影響，對於安全的挑戰將越來越大。
冰川移動加快冰隙收窄
攀爬珠峯期間，黃偉建發現目前只有三條鋁梯連接冰隙，比以往需要五條鋁梯來得少，「其實反映緊冰隙收窄嘅情況，因為冰川移動得更加快」。
在海拔5,270米的珠峯基地營，黃偉建每天都聽到「劈哩啪啦」的聲音，「成個冰川係移動緊，只係一個星期，我上完去6,000米再落返嚟嘅時候，原本個營已經唔見咗，雪巴人幫我哋成個營區移返埋啲，保護返個安全，如果唔係可能瞓瞓吓覺已經沖走咗」。
在山上，黃偉建每日都在經歷貼近死亡的時刻，「因為每一刻都唔知下一步會點，當氣溫變化同埋成個山都喺度移動緊嘅時候，會發生好多事情。每一日都有人發生緊意外，除咗攀山者之外，仲包括雪巴人，可能係凍傷咗，或者跌落冰隙入面消失於人間」。他形容自己每日都在恐懼中生活，「因為未登到頂已經聽到好多人發生意外，都會諗會唔會聽日就輪到我呢？所以攀山時候0.01%都唔可以出錯」。
黃偉建過去曾攀爬多座世界名山，例如瑞士少女峯、沙巴神山、韓國雪嶽山，都不及登上珠峯的經驗來得震撼，「過去20幾年嘅爬山都冇咁大體會，純粹係覺得啲山好靚、好多人去，其實係當去景點遊，但舊年因為要爬世界最高峯，所以個準備同心態都唔同咗，各樣危險性都增加咗」。
或成首登洛子峯頂港人
黃偉建去年在尼泊爾逗留了兩個月，並在基地營逗留一個半月，「好清楚睇到冰川點樣影響緊我哋攀山者嘅安危，所以都想將呢個訊息帶返出嚟」。今年黃偉建計劃登上世界第四高的洛子峯，今日啟程，將會沿途記錄氣候變化所帶來的影響，並且採訪當地居民，若成功登峯，將是首個登上洛子峯的香港人。
長青網 - 一站式長者及護老者生活資訊網站