新聞類別
財經
詳情#
【蘋果日報】藥房佬魏戎鈞（Eddie）是高登大藥房前股東，4年前退股離場，去年東山再起，夥拍4名股東合資700萬元進軍本港商場搞傳統藥房升級版。目前有6間分店，包括4間領展場及1間港鐵場，希望今年增設10間分店，以商場舖為主，「商場會保護返個行業，唔會畀咁多同類商店入場」。
記者：陳家雄
去年Eddie與4位朋友合資700萬元創辦Wecare唯家，他形容是傳統藥房升級版。「點解咁大個紅海，仍然有心做？我自己作為消費者、香港人，價錢、服務質素、環境及配套好緊要，做生意除咗價錢有冇優勢，我成日諗點樣令客人選擇我哋而唔去其他舖頭」。他將藥房業形容為「紅海」，因為行業鬥價嚴重，「一兩間、兩三間藥房癡埋一齊，已經鬥到冇錢賺，或者為吸客而蝕本」。
鬥價無出路，點先係正道？他做生意的理念是「幫客人增值」，例如知識增值，客人來買鈣片，為他解釋不同品牌、成份分別等，又例如配套增值，曾與聽力師合作，客人憑單可以做一次免費驗耳。傳統藥房的擺貨、選貨及運作模式，他覺得沒與時並進，「我想畀客人有shopping感覺，就算唔幫襯，都會想入嚟睇吓有乜新嘢！」不過舊式藥房亦有不少地方可取，除了藥劑師及中醫師服務，他覺得：「舊藥房係做民生生意，日日同街坊接觸，關係唔係一買一賣，係好有人情味，我哋想保留呢樣嘢，畀人覺得貼心。例如知道你生活習慣，介紹你需要嘅嘢。」他說：「我哋係將傳統藥房升級，服務關心多啲街坊及香港人。」
店舖銷售藥物、日用品、美容及保健產品，與萬寧及屈臣氏有何不同？Eddie說：「我哋冇上架費或推廣費，只要產品啱路線、客人就合作。呢種寄售模式，賣幾多找幾多數，打開平台畀多啲品牌。」
不收上架費 引入冷門貨
他坦言，不收上架費並非很大優勢，經營模式與大型連鎖店仍有距離，所以嘗試從世界各地引入當地著名或好用的產品。例如已引入一個天然酵素清潔系列，「有驚喜，賣得唔錯！我哋會同客人講平日用漂白水、洗潔精清潔係好乾淨，但唔排除會殘留化學物影響健康，客人都非常願意接受呢啲新產品」。
從價錢及貨種突圍而出，亦因應市場變化而彈性處理。「大型連鎖店各間分店都有差異，貨種、市場都唔同，有啲針對美容，有啲針對健康。我哋盤貨會諗多一步，究竟街坊會唔會接受呢樣嘢？點先啱佢？我哋有不同區份分店，客戶層有少少唔同，有啲區份老人家多啲，就着重老人家產品，有啲年輕家庭多啲，就多啲嬰兒產品。我覺得做生意，會唔會用心去就每間分店、每一個客戶群去諗，呢樣嘢好重要。」
開業10個月，目前所有分店租金涉資約40萬元。對於選擇領展商場拓展業務，Eddie認為：「領展商場係幾好嘅地方，首先周邊屋苑都發展成熟。其次，唔一定係領展，每個商場本身都有規劃，租戶組合要做到多元化，照顧不同家庭。傳統藥房太容易開，好多時一條街有好多間，但商場會保護返個行業，唔會畀咁多同類型商戶入場。」
領展年年加租，會否擔心影響業務的持續性？Eddie說：「租金睇整體經濟，每次簽租約一定會加，只不過加幾多。暫時未去到裝修或轉舖，我覺得做生意永遠面對好多唔同問題，只不過呢刻點樣去將自己業務做好比較緊要。租領展場手續、裝修及設計各方面要求都比街舖高好多，但調返轉咁講，我覺得係相輔相成。商場配套人流穩定，好似落雨天，你唔會驚舖頭滲水，啲人都寧願行商場。」
長青網 - 一站式長者及護老者生活資訊網站
記者：陳家雄
去年Eddie與4位朋友合資700萬元創辦Wecare唯家，他形容是傳統藥房升級版。「點解咁大個紅海，仍然有心做？我自己作為消費者、香港人，價錢、服務質素、環境及配套好緊要，做生意除咗價錢有冇優勢，我成日諗點樣令客人選擇我哋而唔去其他舖頭」。他將藥房業形容為「紅海」，因為行業鬥價嚴重，「一兩間、兩三間藥房癡埋一齊，已經鬥到冇錢賺，或者為吸客而蝕本」。
鬥價無出路，點先係正道？他做生意的理念是「幫客人增值」，例如知識增值，客人來買鈣片，為他解釋不同品牌、成份分別等，又例如配套增值，曾與聽力師合作，客人憑單可以做一次免費驗耳。傳統藥房的擺貨、選貨及運作模式，他覺得沒與時並進，「我想畀客人有shopping感覺，就算唔幫襯，都會想入嚟睇吓有乜新嘢！」不過舊式藥房亦有不少地方可取，除了藥劑師及中醫師服務，他覺得：「舊藥房係做民生生意，日日同街坊接觸，關係唔係一買一賣，係好有人情味，我哋想保留呢樣嘢，畀人覺得貼心。例如知道你生活習慣，介紹你需要嘅嘢。」他說：「我哋係將傳統藥房升級，服務關心多啲街坊及香港人。」
店舖銷售藥物、日用品、美容及保健產品，與萬寧及屈臣氏有何不同？Eddie說：「我哋冇上架費或推廣費，只要產品啱路線、客人就合作。呢種寄售模式，賣幾多找幾多數，打開平台畀多啲品牌。」
不收上架費 引入冷門貨
他坦言，不收上架費並非很大優勢，經營模式與大型連鎖店仍有距離，所以嘗試從世界各地引入當地著名或好用的產品。例如已引入一個天然酵素清潔系列，「有驚喜，賣得唔錯！我哋會同客人講平日用漂白水、洗潔精清潔係好乾淨，但唔排除會殘留化學物影響健康，客人都非常願意接受呢啲新產品」。
從價錢及貨種突圍而出，亦因應市場變化而彈性處理。「大型連鎖店各間分店都有差異，貨種、市場都唔同，有啲針對美容，有啲針對健康。我哋盤貨會諗多一步，究竟街坊會唔會接受呢樣嘢？點先啱佢？我哋有不同區份分店，客戶層有少少唔同，有啲區份老人家多啲，就着重老人家產品，有啲年輕家庭多啲，就多啲嬰兒產品。我覺得做生意，會唔會用心去就每間分店、每一個客戶群去諗，呢樣嘢好重要。」
開業10個月，目前所有分店租金涉資約40萬元。對於選擇領展商場拓展業務，Eddie認為：「領展商場係幾好嘅地方，首先周邊屋苑都發展成熟。其次，唔一定係領展，每個商場本身都有規劃，租戶組合要做到多元化，照顧不同家庭。傳統藥房太容易開，好多時一條街有好多間，但商場會保護返個行業，唔會畀咁多同類型商戶入場。」
領展年年加租，會否擔心影響業務的持續性？Eddie說：「租金睇整體經濟，每次簽租約一定會加，只不過加幾多。暫時未去到裝修或轉舖，我覺得做生意永遠面對好多唔同問題，只不過呢刻點樣去將自己業務做好比較緊要。租領展場手續、裝修及設計各方面要求都比街舖高好多，但調返轉咁講，我覺得係相輔相成。商場配套人流穩定，好似落雨天，你唔會驚舖頭滲水，啲人都寧願行商場。」
長青網 - 一站式長者及護老者生活資訊網站
回應 (0)
