專家：港股本周闖30500

【蘋果日報】港股上周連升三日後，假期前的周四略為回吐50點，假期間中美皆有利好經濟數據出台，專家料加上A股最少仍能升數月，港股上升勢頭不變。
美中皆有利好數據出台
美國及中國製造業PMI雙雙回升、美國非農新增職位勝預期、貿易戰中美雙方不斷釋出友善態度，港股ADR周末率先升256點至30193點。
正榮金融業務部副總裁郭家耀估計港股本周會繼續破頂，「上星期回吐沽壓唔算勁，今個星期勁升又未必，不過有機會上30500」。他建議有貨在手者可繼續持有，「唔使急放，雖然唔會升好多，但人人升你冇份都好失落」。他指各地央行放水，業績符合預期，市場氣氛已改變，對前景比較樂觀，「冇人覺得經濟好好，只係去年睇得太淡，今年大家都搵肯派息同業績唔錯嘅股份去買」。
郭家耀指A股亦將成為港股的上升動力，「A股升兩、三成唔算係咩特別周期，通常蜜月期都有六至八個月，又會提升入摩因子仲有條件升，中資金融股有接力機會」。
另外，市場本周焦點為美股企業公佈今年首季業績，以及聯儲局周四凌晨2時公佈3月議息紀錄。
長青網 - 一站式長者及護老者生活資訊網站