王秀琳火燒廚房

【蘋果日報】王秀琳寓所大前晚發生火警，她昨日在社交網上載的「嚇人」相片，可見單位極速被濃煙包圍，幸好消防員火速趕到現場將火撲熄，整個廚房都燒清光，但最重要是人狗都平安無事。王秀琳昨日接受本報訪問時自言猶有餘悸：「真係好感激消防員，佢哋真係好快去到現場，仲有要多謝嘅係工人姐姐，真係好感動，嗰日係星期日，工人姐姐放假返屋企準備休息，突然發現抽油煙機冒煙，佢熄咗總掣後就即刻叫管理員同埋打電話畀我，當時佢都好驚，冇幾耐就着火。」
發生火警時王秀琳正在妹妹家中，她說：「我嚇到成個人震晒，收線就即刻報警，趕到返去嘅時候消防員已經到咗，工人姐姐就攬住我兩隻狗，赤腳走咗落樓下。」更謂消防員表示只要稍遲兩分鐘報警，整間屋有可能燒清光。
採訪：小米
長青網 - 一站式長者及護老者生活資訊網站