「貿戰只是歷史重演」

【蘋果日報】勞力密集型的製造業最受工資上升影響，解決方法不外乎尋找勞工低成本的生產地，或者機械化及電子化。港商陳志光在90年代選擇前者，他認為柬埔寨夠窮，人窮則發奮，「窮、冇飯食，佢會有原動力。人就係因為保障太好而老化，好似以前嘅香港人，你話競爭力有幾強，因為冇綜援、咩都冇。」
已縮細內地業務
談到轉移陣地時，他慎重強調「我哋唔係完全撒走，只不過係開拓一個新據點。我哋大陸仍然有（業務），只不過比重縮到好細。」
初到高棉時，公司將以往中國式威權管治方式應用在柬埔寨人身上，但對方性格有別於華人，加上工會強勢，碰得一鼻子灰，「你鬧佢、佢就同工會投訴，傾唔掂就罷工」。於是乎他改變策略，每日將工人成績詳列牆壁，「柬埔寨人嘅文化是自卑形成自大。佢一睇到（產量），你唔使炒佢魷魚，佢自己走。」
語言不通、繙譯有誤亦會導致勞資矛盾叢生，所以陳志光僱用多個繙譯、互相對照內容為免被人從中作梗。
前陣子中美磨擦波及不少港商，由於陳志光在中國的廠房規模只剩數百人，影響相當輕微。在他看來，貿易戰不過是歷史重演，今輪由中國取代日本成被針對者，打擊華為如同30年前制裁東芝，而對方要求訂立不平等條約如同搶掠，所以談判不可取，「美國點解不斷去取消你訂立嘅條約？隨便取消係冇信用，失信於天下，仲何來咩談判呢？」
長青網 - 一站式長者及護老者生活資訊網站