新聞類別
港聞
詳情#
【蘋果日報】小心街頭騙財！天水圍一名市民早前凌晨回家途中遇到一名女子搭訕，她聲稱子女有病需看醫生，但提款卡被櫃員機「食卡」，請求事主即場提款協助，並稱以支付寶立即還錢給事主。其間該女子向事主展示疑似支付寶轉賬的手機畫面，事主見她言之鑿鑿信以為真，提款700元給她，事後發現收不到對方轉賬，始知被騙。
記者：黎國剛
20多歲的李先生向《蘋果》講述受騙經過，上月30日星期六凌晨2時許，他返回天水圍家途中經過天盛苑樓下公園，突然有一名30餘歲身材嬌小的女子向他搭訕，「先生，唔該，唔該」，李指對方自認街坊，「問我記唔記得佢，佢話住喺附近」。該名女子表示家中年幼子女患病，急需現金看醫生，但提款時被櫃員機食卡，要求李幫忙提款700元，她會以支付寶還款給李。
「全程㩒住手機畀我睇」
李指對方其後展示手機內一個類似支付寶的程式，「全個過程都係㩒住部手機畀我睇，之後佢仲攞我電話號碼，發個轉賬結果畀我，但凌晨時分核實唔到」。
李形容當時「覺得佢講嘅嘢好真實，諗住好少人會整個假程式嚟呃人」，李出於好心，即場提款700元給對方。
至早上，李又接獲該名女子的WhatsApp，要求再以同樣方式提款數百元到公園交給她應急。
李隨即起疑，「已經係朝早，佢應該可以搵到其他朋友幫手，好奇怪仲叫我㩒錢幫忙」。李查閱自己的支付寶賬戶，發現未收到凌晨時分轉賬的700元，連忙質問對方，「佢解釋因為之前借錢畀朋友，但對方冇還，所以朋友幫唔到手。佢仲堅持話自己有轉賬畀我，叫我查清楚，仲話會唔會係周末假期問題，等埋星期一睇吓收唔收到轉賬」。
李一度以為支付寶像銀行一樣周末停止辦公，惟至周一他發現仍收不到款項，對方亦已失聯，李方知墮入騙局，他事後以電郵報案，希望警方追緝騙徒，又呼籲巿民小心這類騙案。
蘋果踢爆
強權當道，歪風四起。
上有沙中綫剪筋，下有美人計騙財。此時此刻的香港，偷呃拐騙、巧取豪奪之事層出不窮。
讀者路見不平事，請即向《蘋果》報料，踢爆大小劣行。一經「蘋果踢爆」版獨家採用，即獲酬500元。
「蘋果踢爆」報料WhatsApp：6383 6568
長青網 - 一站式長者及護老者生活資訊網站
記者：黎國剛
20多歲的李先生向《蘋果》講述受騙經過，上月30日星期六凌晨2時許，他返回天水圍家途中經過天盛苑樓下公園，突然有一名30餘歲身材嬌小的女子向他搭訕，「先生，唔該，唔該」，李指對方自認街坊，「問我記唔記得佢，佢話住喺附近」。該名女子表示家中年幼子女患病，急需現金看醫生，但提款時被櫃員機食卡，要求李幫忙提款700元，她會以支付寶還款給李。
「全程㩒住手機畀我睇」
李指對方其後展示手機內一個類似支付寶的程式，「全個過程都係㩒住部手機畀我睇，之後佢仲攞我電話號碼，發個轉賬結果畀我，但凌晨時分核實唔到」。
李形容當時「覺得佢講嘅嘢好真實，諗住好少人會整個假程式嚟呃人」，李出於好心，即場提款700元給對方。
至早上，李又接獲該名女子的WhatsApp，要求再以同樣方式提款數百元到公園交給她應急。
李隨即起疑，「已經係朝早，佢應該可以搵到其他朋友幫手，好奇怪仲叫我㩒錢幫忙」。李查閱自己的支付寶賬戶，發現未收到凌晨時分轉賬的700元，連忙質問對方，「佢解釋因為之前借錢畀朋友，但對方冇還，所以朋友幫唔到手。佢仲堅持話自己有轉賬畀我，叫我查清楚，仲話會唔會係周末假期問題，等埋星期一睇吓收唔收到轉賬」。
李一度以為支付寶像銀行一樣周末停止辦公，惟至周一他發現仍收不到款項，對方亦已失聯，李方知墮入騙局，他事後以電郵報案，希望警方追緝騙徒，又呼籲巿民小心這類騙案。
蘋果踢爆
強權當道，歪風四起。
上有沙中綫剪筋，下有美人計騙財。此時此刻的香港，偷呃拐騙、巧取豪奪之事層出不窮。
讀者路見不平事，請即向《蘋果》報料，踢爆大小劣行。一經「蘋果踢爆」版獨家採用，即獲酬500元。
「蘋果踢爆」報料WhatsApp：6383 6568
長青網 - 一站式長者及護老者生活資訊網站
回應 (0)
