新聞類別
港聞
詳情#
【蘋果日報】在無限機遇、美好生活和身份認同的口號和吶喊下，香港正高速納入「九市兩特區」的大灣區拼圖，今天發着大灣夢，明天便成大灣人。《蘋果》過去30天走遍廣州、深圳、東莞、澳門等大灣區核心城市，尋找一個個抱着投資希望、創業夢想、生活憧憬而率先走入大灣區的港人，但看到的是一個個絕望、憤怒、被迫走上維權路的故事。昨天的大灣人，今天卻已夢碎。《蘋果》將一連多日揭開大灣區港人的血淚故事。
逾百警強拆祖屋 24小時監控
港人深圳祖屋遭強拆！港人江先生一家在深圳龍崗擁有五幢祖屋，但去年起多次遭當地政府逼遷，他們堅拒遷出，當局竟出動逾百人強行入屋大肆破壞、斷水斷電兼圍封，更硬稱祖屋是違規建築。他惟有走上維權之路，數月來向公安、上訪局和駐粵辦等求助，卻投訴無門，當局更在屋外裝設多部天眼監控，令他深受壓力：「我好惶恐、徬徨，呢度係人治，官係講權力而唔使守法，話拆就拆。」
港人：呢度生命財產冇保障
57歲的江先生，其父1988年於深圳龍崗以6,400元人民幣購入1.6萬呎農地，1994年建成五幢面積各3,000多平方呎的四層高村屋，分給江先生五兄弟姊妹，每逢過時過節也會舉家北上居住，亦視為退休之所。惟去年2月起，深圳龍崗南灣街道辦事處、土地整理局、村幹部和拆遷辦等不斷派人上門，聲稱其祖屋範圍已納入舊城改造項目，要求他們遷走，「話會賠償我搬遷費，日後建好樓畀番一層我」，但他不接受。
直至去年11月一個清晨，逾百人爬梯闖入江先生的家園，部份人身穿警察、防暴等字眼的制服，並戴上頭盔、手持盾牌強行拆屋，更出動挖泥機大肆破壞，「屋外嘅門樓、擋土牆、舊式廚房、茶室統統被破壞，斷水斷電，用膠板將我東面屋苑圍起」。當局還派出保安24小時在屋外駐守，又裝設四個天眼全天候監控，令江氏一家不敢回來居住。
「真係唔相信眼前係事實，我明明有房產證，但呢度生命財產卻冇保障，呢度係人治，啲官權力大過法。」江先生為守護家園決定維權，但不論到公安局、上訪局、駐粵辦、港澳辦等求助，各部門只互相推搪。雖然不動產登記中心證實該土地是江先生名下，但南灣街道辦職員卻稱是根據現有法例拆屋，如業主不認同，可循司法途徑上訴。
事件令他對內地法制沒信心，指不及香港法制健全，更直斥特首林鄭硬推大灣區，但根本無配套協助港人解決問題，「喺大灣區買樓買地冇保障，我哋有乜權利？乜法律？點處理都唔知」。
業主抗議黑箱工程 遭鎖電梯
「去上訪，唔係要成班人去先得；成班人去，可能告你尋釁滋事罪！」數十名2000年已北上成為業主的港人，想不到20年後，為着大廈更新電梯工程，竟冒險跟200名內地業主聯手走上維權之路。港人業主鄭先生慨嘆：「內地維權，真係一步一驚心！」
集體維權恐被控尋釁滋事
深圳市羅湖區愛國路東湖大廈共有兩棟樓高30層的商住大廈，落成至今已21年，共312戶，當中港人業主約30多戶，其餘有不少雙非兒童家長。惟2015年3月，大廈管理處通告指，大廈電梯維修公司「升立」承接了兩大廈共六部電梯的更新「升級」工程，總款項人民幣76萬元。業主雖不用掏分文，但不少業主直指過程未經招標，屬黑箱作業。因為升立只屬電梯維修保養公司，以採購各種零件來裝嵌電梯。「邊個零件唔得就採購邊個零件，只係裝嵌出嚟。」李姓業主稱其電梯質量、使用程度、安全指數都不達標，擔心出現「食人電梯」。
其後管理處強行將六部電梯上鎖，引發業主及業主委員會大戰，並多次報警，因而觸發過半數業主聯名向街道辦上訪，要求即時解散業委會，並選出新一屆業委會。至今業主們的維權群組有160多人加入，「喺大陸維權，真係好難；除咗要面對惡勢力恐嚇、不明身份人士襲擊外，仲可能被有關當局捉拿，控告尋釁滋事罪」。業主胡先生坦言：「要到市政府上訪，講真我哋好多人都係唔敢，最後都係派一個女業主，佢一個人去交信。」其間，多名業主被保安及身份不明人士跟蹤和騷擾，又觸發業主們與保安多次衝突，有惡保安更恫嚇要「捉人」，以鎖電梯來刁難業主。
至於街道辦則採拖字訣，業主代表多次派員到羅湖區政府及市住房和建設局上訪亦徒勞無功。「去年8月，迫於無奈只好派代表到市政府上訪。」惟上訪過程，業主儼如「人球」，幸而最後解散舊業委會，選出新業委會。經過近四年抗爭，業主終推翻原來招標，可自行揀選心儀的品牌，稍後會再投票選出。
澳門阻爛尾樓買家 來港示威
「我冇諗到我哋好似內地咁，發聲會被打壓」、「以為澳門只限制人入境，點知我哋奉公守法嘅市民都被限制出境」、「回歸前說50年不變，但現在20年已經倒退成咁，我們子孫會點？」三名澳門人因購入以大灣區作招徠的爛尾樓，最終血本無歸，今年2月他們計劃到香港請願，惟出境時突遭扣查。三人事後慨嘆澳門一國兩制已漸消失，更擔心這些白色恐怖陸續有來。
「回歸20年唔夠已倒退」
約400名澳門人早年因聽信當地特首崔世安宣揚大灣區發展，到江門巿分別以18萬至過百萬元投資一個大型商住樓花，直至去年中才驚覺樓盤入伙無期。過去多個月，受害人的微信群組已有2,500人加入，包括港澳市民，並多次到樓盤請願，又寫信給崔世安，但毫無寸進。眾人趁今年2月21日粵港澳三地官員在港舉行會議到場請願，並在群組內留下姓名、電話及來自地區等，好讓召集人統籌。
惟澳門人林小姐當日出境時被帶進房間扣查，並問她：「你去香港做乜？去邊？幾時返？」又要求她簽下個人資料證明書，寫上姓名、地址、電話、職業及父母姓名等。「我問佢究竟發生乜事，我犯咗乜事，但佢哋只係話電腦故障。」林小姐填過證明書，擾攘約15分鐘後才獲放行，但她直言事件黑暗，估計有警察潛入群組收集情報。
而損失過百萬元的黃小姐的遭遇也類同：「澳門人一向較沉默，連早年政府推出23條立法，大部份市民包括我都覺得事不關己，但現在覺得自己唔可以沉默下去。」Cici當日遭扣查時堅拒簽個人資料證明書，最終也獲放行，但事後她得知有人在請願前一日到珠海，過關時遭扣查，要求他簽下證明書承諾一周內不去香港。「好恐怖！讀書時聽過吾爾開希搞民運嘅遭遇，以為係歷史，點知發生喺自己身上，點解澳門話回歸50年不變，但20年唔夠已經倒退？」
發展商收錢不交舖 照袋租金
港人Sunny大前年初試投資佛山市順德區買舖，但付款後卻無法辦理房產證，其後向順德消委會、稅務局、國土局求助，甚至上訪亦無用，不禁慨嘆：「政府成日宣傳大灣區，叫市民上嚟投資，但有事時求助唔到，合法求助、合法爭取權益都唔得，真係好無助！」
買家辦房產證被拒
順德的廣進國際商業中心在當地標榜成為規模第一的「順德人的家居建材城」，佔地20萬平方米，共14棟商場及兩棟公寓，提供逾600個舖位。2016年項目開業時，發展商更邀請藝人楊怡、吳卓羲等剪綵。41歲的Sunny眼見第一期已有商舖進駐，又有政府領導到場支持，遂於2016年以80萬元人民幣購買第二期一個地舖，又與發展商簽10年返租協議。怎料發展商過去三年竟未將資料遞上國土局，令逾一半業主未能辦理房產證：「我哋去（順德區）國土局、消費者委員會上訪，佢哋直程話間舖法律上未完全屬於我。」
荒謬的是商城卻一直營運，場內幾乎全部商舖已租出，但租金發展商就袋袋平安。「我錢就畀晒，合同、發票都有，但間舖都未完全係我嘅，香港政府宣傳大灣區發展，我跟咗佢返嚟，原來冇support（支援）！」上月底順德區國土局邀請業主開會，惟官員竟稱投資有風險，不願承擔責任。Sunny日前求助公安望能立案調查，但對方直言不會立案：「發展商資金投入去重組，都要辦手續就冇事啦，咁大個廣進你驚佢走佬咩？」
維權路上，Sunny氣憤指是內地官員有法不依，但又無處申訴，「我哋查過有明確條例保障，但始終唔知邊個部門執法，法例喺度但冇人執法」。他只好聯同約200名業主入稟，要求發展商辦理房產證，「辦唔到證我真係一鋪冇晒，香港政府又唔幫，我依家求助無門，欲哭無淚」。經此一役，他斷言日後不會再北上發展，更考慮移民：「如果真係做咗大灣人，我擔憂香港變成大陸咁樣，到時好難預料。」
長青網 - 一站式長者及護老者生活資訊網站
逾百警強拆祖屋 24小時監控
港人深圳祖屋遭強拆！港人江先生一家在深圳龍崗擁有五幢祖屋，但去年起多次遭當地政府逼遷，他們堅拒遷出，當局竟出動逾百人強行入屋大肆破壞、斷水斷電兼圍封，更硬稱祖屋是違規建築。他惟有走上維權之路，數月來向公安、上訪局和駐粵辦等求助，卻投訴無門，當局更在屋外裝設多部天眼監控，令他深受壓力：「我好惶恐、徬徨，呢度係人治，官係講權力而唔使守法，話拆就拆。」
港人：呢度生命財產冇保障
57歲的江先生，其父1988年於深圳龍崗以6,400元人民幣購入1.6萬呎農地，1994年建成五幢面積各3,000多平方呎的四層高村屋，分給江先生五兄弟姊妹，每逢過時過節也會舉家北上居住，亦視為退休之所。惟去年2月起，深圳龍崗南灣街道辦事處、土地整理局、村幹部和拆遷辦等不斷派人上門，聲稱其祖屋範圍已納入舊城改造項目，要求他們遷走，「話會賠償我搬遷費，日後建好樓畀番一層我」，但他不接受。
直至去年11月一個清晨，逾百人爬梯闖入江先生的家園，部份人身穿警察、防暴等字眼的制服，並戴上頭盔、手持盾牌強行拆屋，更出動挖泥機大肆破壞，「屋外嘅門樓、擋土牆、舊式廚房、茶室統統被破壞，斷水斷電，用膠板將我東面屋苑圍起」。當局還派出保安24小時在屋外駐守，又裝設四個天眼全天候監控，令江氏一家不敢回來居住。
「真係唔相信眼前係事實，我明明有房產證，但呢度生命財產卻冇保障，呢度係人治，啲官權力大過法。」江先生為守護家園決定維權，但不論到公安局、上訪局、駐粵辦、港澳辦等求助，各部門只互相推搪。雖然不動產登記中心證實該土地是江先生名下，但南灣街道辦職員卻稱是根據現有法例拆屋，如業主不認同，可循司法途徑上訴。
事件令他對內地法制沒信心，指不及香港法制健全，更直斥特首林鄭硬推大灣區，但根本無配套協助港人解決問題，「喺大灣區買樓買地冇保障，我哋有乜權利？乜法律？點處理都唔知」。
業主抗議黑箱工程 遭鎖電梯
「去上訪，唔係要成班人去先得；成班人去，可能告你尋釁滋事罪！」數十名2000年已北上成為業主的港人，想不到20年後，為着大廈更新電梯工程，竟冒險跟200名內地業主聯手走上維權之路。港人業主鄭先生慨嘆：「內地維權，真係一步一驚心！」
集體維權恐被控尋釁滋事
深圳市羅湖區愛國路東湖大廈共有兩棟樓高30層的商住大廈，落成至今已21年，共312戶，當中港人業主約30多戶，其餘有不少雙非兒童家長。惟2015年3月，大廈管理處通告指，大廈電梯維修公司「升立」承接了兩大廈共六部電梯的更新「升級」工程，總款項人民幣76萬元。業主雖不用掏分文，但不少業主直指過程未經招標，屬黑箱作業。因為升立只屬電梯維修保養公司，以採購各種零件來裝嵌電梯。「邊個零件唔得就採購邊個零件，只係裝嵌出嚟。」李姓業主稱其電梯質量、使用程度、安全指數都不達標，擔心出現「食人電梯」。
其後管理處強行將六部電梯上鎖，引發業主及業主委員會大戰，並多次報警，因而觸發過半數業主聯名向街道辦上訪，要求即時解散業委會，並選出新一屆業委會。至今業主們的維權群組有160多人加入，「喺大陸維權，真係好難；除咗要面對惡勢力恐嚇、不明身份人士襲擊外，仲可能被有關當局捉拿，控告尋釁滋事罪」。業主胡先生坦言：「要到市政府上訪，講真我哋好多人都係唔敢，最後都係派一個女業主，佢一個人去交信。」其間，多名業主被保安及身份不明人士跟蹤和騷擾，又觸發業主們與保安多次衝突，有惡保安更恫嚇要「捉人」，以鎖電梯來刁難業主。
至於街道辦則採拖字訣，業主代表多次派員到羅湖區政府及市住房和建設局上訪亦徒勞無功。「去年8月，迫於無奈只好派代表到市政府上訪。」惟上訪過程，業主儼如「人球」，幸而最後解散舊業委會，選出新業委會。經過近四年抗爭，業主終推翻原來招標，可自行揀選心儀的品牌，稍後會再投票選出。
澳門阻爛尾樓買家 來港示威
「我冇諗到我哋好似內地咁，發聲會被打壓」、「以為澳門只限制人入境，點知我哋奉公守法嘅市民都被限制出境」、「回歸前說50年不變，但現在20年已經倒退成咁，我們子孫會點？」三名澳門人因購入以大灣區作招徠的爛尾樓，最終血本無歸，今年2月他們計劃到香港請願，惟出境時突遭扣查。三人事後慨嘆澳門一國兩制已漸消失，更擔心這些白色恐怖陸續有來。
「回歸20年唔夠已倒退」
約400名澳門人早年因聽信當地特首崔世安宣揚大灣區發展，到江門巿分別以18萬至過百萬元投資一個大型商住樓花，直至去年中才驚覺樓盤入伙無期。過去多個月，受害人的微信群組已有2,500人加入，包括港澳市民，並多次到樓盤請願，又寫信給崔世安，但毫無寸進。眾人趁今年2月21日粵港澳三地官員在港舉行會議到場請願，並在群組內留下姓名、電話及來自地區等，好讓召集人統籌。
惟澳門人林小姐當日出境時被帶進房間扣查，並問她：「你去香港做乜？去邊？幾時返？」又要求她簽下個人資料證明書，寫上姓名、地址、電話、職業及父母姓名等。「我問佢究竟發生乜事，我犯咗乜事，但佢哋只係話電腦故障。」林小姐填過證明書，擾攘約15分鐘後才獲放行，但她直言事件黑暗，估計有警察潛入群組收集情報。
而損失過百萬元的黃小姐的遭遇也類同：「澳門人一向較沉默，連早年政府推出23條立法，大部份市民包括我都覺得事不關己，但現在覺得自己唔可以沉默下去。」Cici當日遭扣查時堅拒簽個人資料證明書，最終也獲放行，但事後她得知有人在請願前一日到珠海，過關時遭扣查，要求他簽下證明書承諾一周內不去香港。「好恐怖！讀書時聽過吾爾開希搞民運嘅遭遇，以為係歷史，點知發生喺自己身上，點解澳門話回歸50年不變，但20年唔夠已經倒退？」
發展商收錢不交舖 照袋租金
港人Sunny大前年初試投資佛山市順德區買舖，但付款後卻無法辦理房產證，其後向順德消委會、稅務局、國土局求助，甚至上訪亦無用，不禁慨嘆：「政府成日宣傳大灣區，叫市民上嚟投資，但有事時求助唔到，合法求助、合法爭取權益都唔得，真係好無助！」
買家辦房產證被拒
順德的廣進國際商業中心在當地標榜成為規模第一的「順德人的家居建材城」，佔地20萬平方米，共14棟商場及兩棟公寓，提供逾600個舖位。2016年項目開業時，發展商更邀請藝人楊怡、吳卓羲等剪綵。41歲的Sunny眼見第一期已有商舖進駐，又有政府領導到場支持，遂於2016年以80萬元人民幣購買第二期一個地舖，又與發展商簽10年返租協議。怎料發展商過去三年竟未將資料遞上國土局，令逾一半業主未能辦理房產證：「我哋去（順德區）國土局、消費者委員會上訪，佢哋直程話間舖法律上未完全屬於我。」
荒謬的是商城卻一直營運，場內幾乎全部商舖已租出，但租金發展商就袋袋平安。「我錢就畀晒，合同、發票都有，但間舖都未完全係我嘅，香港政府宣傳大灣區發展，我跟咗佢返嚟，原來冇support（支援）！」上月底順德區國土局邀請業主開會，惟官員竟稱投資有風險，不願承擔責任。Sunny日前求助公安望能立案調查，但對方直言不會立案：「發展商資金投入去重組，都要辦手續就冇事啦，咁大個廣進你驚佢走佬咩？」
維權路上，Sunny氣憤指是內地官員有法不依，但又無處申訴，「我哋查過有明確條例保障，但始終唔知邊個部門執法，法例喺度但冇人執法」。他只好聯同約200名業主入稟，要求發展商辦理房產證，「辦唔到證我真係一鋪冇晒，香港政府又唔幫，我依家求助無門，欲哭無淚」。經此一役，他斷言日後不會再北上發展，更考慮移民：「如果真係做咗大灣人，我擔憂香港變成大陸咁樣，到時好難預料。」
長青網 - 一站式長者及護老者生活資訊網站
回應 (0)
