新聞類別
港聞
詳情#
【蘋果日報】梁福元是三屆十八鄉鄉事委員會主席，替建制派配票二十、三十年，上屆立法會超級區議會選舉，他配票給工聯會王國興，但他指另一參選人、民建聯李慧琼即使夠票仍不願過票給王，導致後者落敗，梁說：「政治係咁自私啦！」
建制派向來對配票肯做肯認不肯談，只有梁福元百無禁忌，大爆內幕，例如上屆新界西他配票給田北辰、麥美娟、何君堯，另外梁志祥與陳恒鑌也受惠於他的影響力，五人全部當選。
他透露有些鄉頭對何君堯甚是不滿，手上選票再多也不願給這個人，梁見鄉村票行不通，便用屋苑、社團票替他抬轎。
撰文：陳勝藍 攝影：董立華
據說我們都有120歲命，梁福元61歲剛剛步進人生下半場便退下，本月初交出十八鄉鄉主席龍頭棍，肚裏選舉古仔多的是，他說：「好似王國興上次（2016年超區）我哋谷畀佢，但民記（民建聯）冇畀佢，記得嗎？民記冇畀佢嘛。」
記者問，王國興並非鄉事出身，幫他作甚？梁這樣說：「我覺得大家建制。我拉票畀民仔（民建聯），嗰啲人（鄉頭）覺得：『抬咗咁多年轎畀民仔，我就唔抬喇！』佢分分鐘流畀泛民嘛，我話畀王國興囉，都係建制啦！」
政治係自私
民建聯又怎樣幹掉王國興？梁福元說得明白：「李慧琼谷嘛，李慧琼多咗票，王國興唔夠票囉！」記者還道建制派一條心，怎麼民建聯與工聯會水火不容？「唔係唔啱，佢保咗佢嗰個先（民建聯力保李慧琼），但係六點之後應該知道——民意調查好準——李慧琼已經夠票，你嘅票可以谷埋畀王國興，就兩個人出，你估佢哋當時唔知？」
建制派在地區選舉配票由來已久，在超級區議會也來這一套，他解釋：「通常幾大選區，屯門畀邊度，元朗畀邊度，沙田畀邊度，配票嘛。沙田畀佢（李慧琼），但沙田夠票，應該剩低嘅票畀王國興，但嗰邊冇畀，我哋元朗谷行畀佢。」
超區以全港為單一選區，元朗的票再多也難及民建聯全港勢力，「我哋六點計到應該李慧琼夠票，又多谷王國興，但（民建聯）冇叫停，繼續投票都係投畀李慧琼，變成王國興唔夠票，已經嗌救命，（民建聯）已經知道，但都冇㩒掣畀票佢。」
大海航行靠舵手，建制派總有大佬協調選舉，務求令最多自己人入局吧？「當然有大佬，但係大佬冇出聲，我哋就繼續行。」記者問梁福元，誰是大佬／選舉協調人，他答：「我唔知喎，我未去到咁高層次，我哋喺下面地區做事。」是中聯辦嗎？「嗰啲完全唔知」。
參選人理應全力以赴而非配票，但建制派向來以阿爺的大局為重，協調為首，以他們的準則來說上屆超區異於往常，浪費選票，「浪費咗，政治係咁自私啦，政治係自私」。
梁福元認為政黨應該以大局為重，放下個人仇怨，「後來建制派（民建聯）自己自私，選票谷晒畀李慧琼，到九點，三點水做個『也』啦，池（遲）呀！三點水做個也就遲，三點水做個『去』字就想辦『法』，有水就有辦法！」
結果王國興無「法」連任立「法」會，以23萬高票落敗。李慧琼固然勝出，黨友周浩鼎也入局，分別比王國興多出七萬多及三萬多票，而王只要來多一萬餘票便可壓倒第五位的涂謹申當選。事後大批市民湧到小西灣王國興議員辦事處慶祝他落選，驚動了香檳，也滾搞了徐小鳳名曲《喜氣洋洋》。
話說回頭，王國興早在選舉前揚言每票必爭，不與民建聯協調，落敗後又歸咎自己不夠努力，但時任工聯會會長林淑儀不點名批評有人耍下三流手段，誤導選民王國興已夠票。
其實新界人最希望鄉事入主立法會，話說謝偉俊來自十八鄉瓦窰頭村，與梁福元岳母同村，雖然謝先生本人從未在新界出選，2012年白韻琹出戰超區卻因此受惠，梁透露有村民說：「唔係喎，佢係原居民嘅太太，我們有啲人、村要出嚟支持佢！」最終白姐姐落選。
倒帶香港回歸前後，鄉事在立法局／會人多勢眾，每每有五、六名代表，如今只有鄉議局主席劉業強一人，梁福元接order配票，不無欷歔，「唉，都係咁抬轎啦，阿爺、鄉議局話點，發哥（劉皇發生前）點就點啦，都冇自己鄉事份喺度，你話點就點囉，唔係點呀？」
反觀民建聯勢力日益壯大，大小通吃。梁福元將立法會鄉事代表漸少歸咎新界人惰性，做慣乞兒懶做官，但他透露一事，元朗區議會一般由元朗六鄉鄉事出任主席，2012年自己身為副主席竟被拉下馬，正、副主席都落入非鄉事的建制派手上，據悉有人違反承諾，當時主席就是民建聯梁志祥。梁福元怒吼：「喂，連個副（主席）都殺埋，阿爺又好，你哋建制好，好似對鄉事呼之則來，揮之則去。我覺得，喂，好似當我哋鄉事冇power，鄉事好似冇料㗎？鄉事就喺上屆區議會（2015——2019年）做主席，沈豪傑上去做囉。」
綜觀整個訪問，他說得最多是「大局為重」四個字，說得出做得到，2016年立法會新界西選舉，某些團體配票給梁志祥與其民建聯黨友陳恒鑌，事前問過梁福元，他也表示支持，「起碼冇反對！」為了大局，梁又配了「三幾千票」給工聯會麥美娟。
要大局為重
另外他答應了當時仍是新民黨的田北辰，十八鄉半數選票給他打底，主要來自十八鄉北十多條村，後來十八鄉南幾條村也一併交給這個人，一共「萬幾兩萬票」，投票日黃昏但見田二少形勢大好，打算將餘下選票配予何君堯，未料惹來爭議。
話說2011年何君堯越級挑戰時任鄉議局主席、人稱新界王的劉皇發，爆冷當選屯門鄉事委員會主席，將在位四十多年的發叔拉下馬。公平競爭本沒甚麼，在老叔父眼中何先生卻是臣弒其君，大逆不道，到2012年立法會選舉給他好看，可只得萬餘票慘敗，2016年捲土重來。
梁福元憶述：「有啲鄉頭話：『我嘅票有多都好，都唔畀何生！』我哋聽到聲音。鄉事唔畀佢，我喺我個鄉一啲屋苑、社團團體票、組織票都可以畀佢。」十八鄉多鄉村，屋苑也自不少，其業主立案法團聽從所屬鄉村村長以至當區區議員，而村長、區議員正是梁的樁腳。結果何君堯得三萬五千票當選，當中約二千票來自梁福元。
事後鄉事可有怪責梁福元？「阿爺話大局為重嘛，如果影響到建制派得唔到呢啲立法會席位，到時阿爺怪責，唔只怪責我，大家分分鐘都孭飛，大家都有影響，啱唔啱？佢（何君堯）要求唔係好多，佢贏幾千票，佢要求千幾票，我畀兩千票，係咪OK晒先？佢喺其他地方都有票嘛。」
梁福元可謂劉家家臣，當年追隨劉皇發左右，其後發叔兒子劉業強接過鄉議局主席帥印，梁也扶植新君，曾有某位副主席請纓取代劉業強，出任立法會鄉議局界別議員，梁也出言殺退，這樣一個人怎能襄助曾經絆倒發叔的何君堯？
他解釋：「（何）整冧發叔箒，發叔咪一樣坐返上去個位。可能他年少或者一時冇想通，人總有錯，始終都係建制，阿爺或其他建制都覺得為咗香港大局為重，平衡各方面政治勢力，呢個都係建制及愛國人士，都係鄉事，有多餘嘅票，我覺得無妨，唔好浪費。」
上屆梁福元一度與上水鄉主席侯志強籌組新界黨，分別打拼立法會新界西、東議席，梁自言毫無難度，「我參選？搏命啦！上得戰場怕咩呀，梗係有信心先去打仗。新界鄉議局二十七鄉嚟講，（元朗）係最大區，六個鄉入面我估計超過十萬原居民，你話有幾多票喺度？成個新界西咁大，所以邊有難度？」最終還是沒去馬，理由仍然是那句大局為重：「如果我上，拎住幾萬票，就會拖低兩、三件，分分鐘冧檔，我上一件跌兩件，即係得不償失，我又唔係好大興趣做呢啲，如果我做，我抬咗廿幾年轎，一早上啦！」如果他上，建制派哪兩人落馬？「當然係最後兩件（何君堯、麥美娟），我哋票源比較接近，鄉事嗰邊，因為我哋幫佢哋抬轎。你諗到邊兩個被我一扯扯去兩、三萬票，你話係邊個？佢（何君堯）贏都係贏幾千票。」
選票是這樣配成的：新界村民選村長，村長選鄉主席，鄉主席選鄉議局領導層，到了立法會選舉，鄉議局向鄉主席下指示，鄉主席找村長，村長聯絡村民，梁福元說：「我抬轎抬咗二十、三十年，票喺邊度唔通我唔知？原居民、村民嘅要求係乜，市區居民要乜，唔通我唔知？所以票源喺邊，瞭如指掌啦！」
新界六百多條村，一千五百多個村長，雙村長制之下，原居民代表固然由自己人出任，即使居民代表也九成由原居民擔當，容易說話，「因為鄉村一半係原居民，搬嚟住嘅（外人）通常入鄉隨俗，邊個會同你爭呢個居民代表？條鄉村基本上票源村長係知道嘅，如果睇選民名冊同淵源、關係，好容易計到票，睇到票源。」
元朗六鄉原居民選票十多萬張，單計十八鄉便有四萬，各黨派卻可望而不可拉，「建制入去拉票都拉唔到啦，何況泛民？好多鄉村入面係私家地，你走入去，分分鐘報警拉人，『你走入嚟做乜？唔好白撞！』好多鄉村有鄉村嘅傳統，所以一般政黨好難入鄉村」。
建制在新界有基本盤，泛民亦然，梁透露：「泛民唔使擺人喺度，唔使人去車、去拉票，自動幾乎接近有一半（選民）支持泛民，但我們九牛二虎之力，又搵人車又搵人拉，都係攞一半票。呢個政治版圖係好清晰，係我抬轎嘅經驗。」
長青網 - 一站式長者及護老者生活資訊網站
建制派向來對配票肯做肯認不肯談，只有梁福元百無禁忌，大爆內幕，例如上屆新界西他配票給田北辰、麥美娟、何君堯，另外梁志祥與陳恒鑌也受惠於他的影響力，五人全部當選。
他透露有些鄉頭對何君堯甚是不滿，手上選票再多也不願給這個人，梁見鄉村票行不通，便用屋苑、社團票替他抬轎。
撰文：陳勝藍 攝影：董立華
據說我們都有120歲命，梁福元61歲剛剛步進人生下半場便退下，本月初交出十八鄉鄉主席龍頭棍，肚裏選舉古仔多的是，他說：「好似王國興上次（2016年超區）我哋谷畀佢，但民記（民建聯）冇畀佢，記得嗎？民記冇畀佢嘛。」
記者問，王國興並非鄉事出身，幫他作甚？梁這樣說：「我覺得大家建制。我拉票畀民仔（民建聯），嗰啲人（鄉頭）覺得：『抬咗咁多年轎畀民仔，我就唔抬喇！』佢分分鐘流畀泛民嘛，我話畀王國興囉，都係建制啦！」
政治係自私
民建聯又怎樣幹掉王國興？梁福元說得明白：「李慧琼谷嘛，李慧琼多咗票，王國興唔夠票囉！」記者還道建制派一條心，怎麼民建聯與工聯會水火不容？「唔係唔啱，佢保咗佢嗰個先（民建聯力保李慧琼），但係六點之後應該知道——民意調查好準——李慧琼已經夠票，你嘅票可以谷埋畀王國興，就兩個人出，你估佢哋當時唔知？」
建制派在地區選舉配票由來已久，在超級區議會也來這一套，他解釋：「通常幾大選區，屯門畀邊度，元朗畀邊度，沙田畀邊度，配票嘛。沙田畀佢（李慧琼），但沙田夠票，應該剩低嘅票畀王國興，但嗰邊冇畀，我哋元朗谷行畀佢。」
超區以全港為單一選區，元朗的票再多也難及民建聯全港勢力，「我哋六點計到應該李慧琼夠票，又多谷王國興，但（民建聯）冇叫停，繼續投票都係投畀李慧琼，變成王國興唔夠票，已經嗌救命，（民建聯）已經知道，但都冇㩒掣畀票佢。」
大海航行靠舵手，建制派總有大佬協調選舉，務求令最多自己人入局吧？「當然有大佬，但係大佬冇出聲，我哋就繼續行。」記者問梁福元，誰是大佬／選舉協調人，他答：「我唔知喎，我未去到咁高層次，我哋喺下面地區做事。」是中聯辦嗎？「嗰啲完全唔知」。
參選人理應全力以赴而非配票，但建制派向來以阿爺的大局為重，協調為首，以他們的準則來說上屆超區異於往常，浪費選票，「浪費咗，政治係咁自私啦，政治係自私」。
梁福元認為政黨應該以大局為重，放下個人仇怨，「後來建制派（民建聯）自己自私，選票谷晒畀李慧琼，到九點，三點水做個『也』啦，池（遲）呀！三點水做個也就遲，三點水做個『去』字就想辦『法』，有水就有辦法！」
結果王國興無「法」連任立「法」會，以23萬高票落敗。李慧琼固然勝出，黨友周浩鼎也入局，分別比王國興多出七萬多及三萬多票，而王只要來多一萬餘票便可壓倒第五位的涂謹申當選。事後大批市民湧到小西灣王國興議員辦事處慶祝他落選，驚動了香檳，也滾搞了徐小鳳名曲《喜氣洋洋》。
話說回頭，王國興早在選舉前揚言每票必爭，不與民建聯協調，落敗後又歸咎自己不夠努力，但時任工聯會會長林淑儀不點名批評有人耍下三流手段，誤導選民王國興已夠票。
其實新界人最希望鄉事入主立法會，話說謝偉俊來自十八鄉瓦窰頭村，與梁福元岳母同村，雖然謝先生本人從未在新界出選，2012年白韻琹出戰超區卻因此受惠，梁透露有村民說：「唔係喎，佢係原居民嘅太太，我們有啲人、村要出嚟支持佢！」最終白姐姐落選。
倒帶香港回歸前後，鄉事在立法局／會人多勢眾，每每有五、六名代表，如今只有鄉議局主席劉業強一人，梁福元接order配票，不無欷歔，「唉，都係咁抬轎啦，阿爺、鄉議局話點，發哥（劉皇發生前）點就點啦，都冇自己鄉事份喺度，你話點就點囉，唔係點呀？」
反觀民建聯勢力日益壯大，大小通吃。梁福元將立法會鄉事代表漸少歸咎新界人惰性，做慣乞兒懶做官，但他透露一事，元朗區議會一般由元朗六鄉鄉事出任主席，2012年自己身為副主席竟被拉下馬，正、副主席都落入非鄉事的建制派手上，據悉有人違反承諾，當時主席就是民建聯梁志祥。梁福元怒吼：「喂，連個副（主席）都殺埋，阿爺又好，你哋建制好，好似對鄉事呼之則來，揮之則去。我覺得，喂，好似當我哋鄉事冇power，鄉事好似冇料㗎？鄉事就喺上屆區議會（2015——2019年）做主席，沈豪傑上去做囉。」
綜觀整個訪問，他說得最多是「大局為重」四個字，說得出做得到，2016年立法會新界西選舉，某些團體配票給梁志祥與其民建聯黨友陳恒鑌，事前問過梁福元，他也表示支持，「起碼冇反對！」為了大局，梁又配了「三幾千票」給工聯會麥美娟。
要大局為重
另外他答應了當時仍是新民黨的田北辰，十八鄉半數選票給他打底，主要來自十八鄉北十多條村，後來十八鄉南幾條村也一併交給這個人，一共「萬幾兩萬票」，投票日黃昏但見田二少形勢大好，打算將餘下選票配予何君堯，未料惹來爭議。
話說2011年何君堯越級挑戰時任鄉議局主席、人稱新界王的劉皇發，爆冷當選屯門鄉事委員會主席，將在位四十多年的發叔拉下馬。公平競爭本沒甚麼，在老叔父眼中何先生卻是臣弒其君，大逆不道，到2012年立法會選舉給他好看，可只得萬餘票慘敗，2016年捲土重來。
梁福元憶述：「有啲鄉頭話：『我嘅票有多都好，都唔畀何生！』我哋聽到聲音。鄉事唔畀佢，我喺我個鄉一啲屋苑、社團團體票、組織票都可以畀佢。」十八鄉多鄉村，屋苑也自不少，其業主立案法團聽從所屬鄉村村長以至當區區議員，而村長、區議員正是梁的樁腳。結果何君堯得三萬五千票當選，當中約二千票來自梁福元。
事後鄉事可有怪責梁福元？「阿爺話大局為重嘛，如果影響到建制派得唔到呢啲立法會席位，到時阿爺怪責，唔只怪責我，大家分分鐘都孭飛，大家都有影響，啱唔啱？佢（何君堯）要求唔係好多，佢贏幾千票，佢要求千幾票，我畀兩千票，係咪OK晒先？佢喺其他地方都有票嘛。」
梁福元可謂劉家家臣，當年追隨劉皇發左右，其後發叔兒子劉業強接過鄉議局主席帥印，梁也扶植新君，曾有某位副主席請纓取代劉業強，出任立法會鄉議局界別議員，梁也出言殺退，這樣一個人怎能襄助曾經絆倒發叔的何君堯？
他解釋：「（何）整冧發叔箒，發叔咪一樣坐返上去個位。可能他年少或者一時冇想通，人總有錯，始終都係建制，阿爺或其他建制都覺得為咗香港大局為重，平衡各方面政治勢力，呢個都係建制及愛國人士，都係鄉事，有多餘嘅票，我覺得無妨，唔好浪費。」
上屆梁福元一度與上水鄉主席侯志強籌組新界黨，分別打拼立法會新界西、東議席，梁自言毫無難度，「我參選？搏命啦！上得戰場怕咩呀，梗係有信心先去打仗。新界鄉議局二十七鄉嚟講，（元朗）係最大區，六個鄉入面我估計超過十萬原居民，你話有幾多票喺度？成個新界西咁大，所以邊有難度？」最終還是沒去馬，理由仍然是那句大局為重：「如果我上，拎住幾萬票，就會拖低兩、三件，分分鐘冧檔，我上一件跌兩件，即係得不償失，我又唔係好大興趣做呢啲，如果我做，我抬咗廿幾年轎，一早上啦！」如果他上，建制派哪兩人落馬？「當然係最後兩件（何君堯、麥美娟），我哋票源比較接近，鄉事嗰邊，因為我哋幫佢哋抬轎。你諗到邊兩個被我一扯扯去兩、三萬票，你話係邊個？佢（何君堯）贏都係贏幾千票。」
選票是這樣配成的：新界村民選村長，村長選鄉主席，鄉主席選鄉議局領導層，到了立法會選舉，鄉議局向鄉主席下指示，鄉主席找村長，村長聯絡村民，梁福元說：「我抬轎抬咗二十、三十年，票喺邊度唔通我唔知？原居民、村民嘅要求係乜，市區居民要乜，唔通我唔知？所以票源喺邊，瞭如指掌啦！」
新界六百多條村，一千五百多個村長，雙村長制之下，原居民代表固然由自己人出任，即使居民代表也九成由原居民擔當，容易說話，「因為鄉村一半係原居民，搬嚟住嘅（外人）通常入鄉隨俗，邊個會同你爭呢個居民代表？條鄉村基本上票源村長係知道嘅，如果睇選民名冊同淵源、關係，好容易計到票，睇到票源。」
元朗六鄉原居民選票十多萬張，單計十八鄉便有四萬，各黨派卻可望而不可拉，「建制入去拉票都拉唔到啦，何況泛民？好多鄉村入面係私家地，你走入去，分分鐘報警拉人，『你走入嚟做乜？唔好白撞！』好多鄉村有鄉村嘅傳統，所以一般政黨好難入鄉村」。
建制在新界有基本盤，泛民亦然，梁透露：「泛民唔使擺人喺度，唔使人去車、去拉票，自動幾乎接近有一半（選民）支持泛民，但我們九牛二虎之力，又搵人車又搵人拉，都係攞一半票。呢個政治版圖係好清晰，係我抬轎嘅經驗。」
長青網 - 一站式長者及護老者生活資訊網站
回應 (0)
