稱被噴迷煙拉上樓　男子失財11萬

【蘋果日報】一名穿着「孖煙囪」內褲的男子，昨晨由深水埗基隆街一單位匆匆跑落樓求助，聲稱被一名女子用迷魂煙迷暈，並偷去其11萬元現金。警員調查後列作盜竊案，正追緝一名年約30至40歲、蓄短髮的中國籍女子下落。
現場是基隆街160A號一個劏房單位，昨晨9時許，48歲男事主報稱在街頭被一名女子用迷魂煙迷暈後，被帶上樓上一個劏房單位，其間被偷去約11萬元現金。
僅穿孖煙囪跑落樓
涉案女子得手後逃去。有街坊目擊事發後男事主赤着腳，並穿紅色上衣和黑色孖煙囪內褲匆匆跑落樓，「先係有個女人，着灰色衫走落嚟，走咗轉彎。分幾鐘之後有個男人落嚟，佢好慌張茅晒咁，問有冇見到個女人，話俾佢偷咗錢」。街坊形容男事主當時似不太清醒，「佢話啱啱由大陸返嚟，有個人行過身邊，之後就暈暈哋俾人拉咗上去」。男事主自行報警，其後返單位穿回褲子等候警員到場調查。警方調查後列作盜竊案，暫未有人被捕。
■記者文兆麟
長青網 - 一站式長者及護老者生活資訊網站