新聞類別
財經
詳情#
【蘋果日報】【周末專題】「納米樓嚟！好細喎！」陳太在兒子兩年前想買入恒地（012）何文田加多利軒一個實用180方呎劏房前，溫馨提示這一句。最終她還是幫兒子支付一半首期即約40萬元，事關兒子食「鐵飯碗」，收入穩定，工作數年又儲得40多萬元，認為趁後生要買樓，不諱言受社會氣氛影響，出現遲買會貴的想法。
記者：陳家雄
陳太懶理坊間唱淡納米樓，抱住「既來之，則安之」的心態，覺得「做人日求三餐，夜求一宿，細有細住，180呎都夠兩公婆住。」
400萬買加多利軒劏房
陳太一家住將軍澳，兒子兩年前話想買樓，「我都有心買樓，大又好，細又好，趁自己後生咪幫個仔上車。」兒子的同學是地產經紀，推介何文田加多利軒，於是兩母子去睇示範單位，兒子看完後鍾意，但母親就有點微言，當時跟兒子說：「納米樓嚟！好細喎！」但兒子話無所謂，認為上了車，踏出第一步先。她續稱：「無辦法，有時睇錢銀，逐步逐步嚟，等遲吓有機會再轉其他單位。」兒子補充，選擇這個樓盤因位處市區、擁34校網，就算放租都有不俗的回報。
當日揀了實用面積180方呎的劏房，成交價約400萬元，支付兩成首期即約80萬元，陳太幫手支付一半首期約40萬元，另外40萬元是兒子的儲蓄，記者問外貌看似年輕的兒子當年入市時幾多歲，他說那年23歲。陳太滿臉笑容地說：「就係見阿仔叻，儲到咁多錢，我先至有呢個心。同埋佢供得起，因為有份穩定嘅工作。趁佢後生，有咁嘅能力。」
40多萬元對陳太而言「話多唔多話少唔少」，她甚至覺得當時樓價瘋狂，「2016年樓市我覺得係最高呀，係受到成個社會影響，如果當時唔買，遲吓樓價唔知點樣，會唔會繼續高呢？到時上車就仲難。咁阿仔有份穩定嘅工作，我又有多少積蓄。我覺得有機會，就上！」隨即落定20萬元購買。
不過，坊間多年來不斷批評納米樓，甚至又有人指納米樓或跌價三成。自言做人簡單的陳太就覺得：「既然買咗就唔會諗咁多，其他嘅嘢到時先算。佢跌嘅，我咪自己攞嚟住囉！或者攞呢層樓去做按揭買過第2層囉！」始終當初「銀紙得咁多」，現在起碼踏出第一步。
驗樓師：單位獲93分
供款兩年多，隨住利息上升，月供由約1.3萬元增至約1.4萬元，等到今年終於入伙，收樓後第一個感覺係細，她認為：「住就無話住唔到。如果兩公婆住都得嘅，大有大住，細有細住。住慣咗就住得到。有已經好啦！唔好要求好似大陸啲樓大到咩咁。日求三餐，夜求一宿，有個地方瞓已經好好。」整個單位的交樓質素不俗，自我評90分，「凡事既來之，則安之，咩事都會承受，賣唔出，咪自己住」。
最後由資深驗樓師詹濟南驗收，主要扣分是淋浴間水龍頭冷熱手掣傾斜不平衡，反映手工欠佳，但不影響喉管耐用度。另外，浴室及開放式廚房有部份鋪磚出現窿隙。是次單位驗樓獲93分，驗收首批4個單位評分由90至95分，詹sir稱，恒地新樓「間中會沉落嚟，有時會畀到好嘢你」。
長青網 - 一站式長者及護老者生活資訊網站
記者：陳家雄
陳太懶理坊間唱淡納米樓，抱住「既來之，則安之」的心態，覺得「做人日求三餐，夜求一宿，細有細住，180呎都夠兩公婆住。」
400萬買加多利軒劏房
陳太一家住將軍澳，兒子兩年前話想買樓，「我都有心買樓，大又好，細又好，趁自己後生咪幫個仔上車。」兒子的同學是地產經紀，推介何文田加多利軒，於是兩母子去睇示範單位，兒子看完後鍾意，但母親就有點微言，當時跟兒子說：「納米樓嚟！好細喎！」但兒子話無所謂，認為上了車，踏出第一步先。她續稱：「無辦法，有時睇錢銀，逐步逐步嚟，等遲吓有機會再轉其他單位。」兒子補充，選擇這個樓盤因位處市區、擁34校網，就算放租都有不俗的回報。
當日揀了實用面積180方呎的劏房，成交價約400萬元，支付兩成首期即約80萬元，陳太幫手支付一半首期約40萬元，另外40萬元是兒子的儲蓄，記者問外貌看似年輕的兒子當年入市時幾多歲，他說那年23歲。陳太滿臉笑容地說：「就係見阿仔叻，儲到咁多錢，我先至有呢個心。同埋佢供得起，因為有份穩定嘅工作。趁佢後生，有咁嘅能力。」
40多萬元對陳太而言「話多唔多話少唔少」，她甚至覺得當時樓價瘋狂，「2016年樓市我覺得係最高呀，係受到成個社會影響，如果當時唔買，遲吓樓價唔知點樣，會唔會繼續高呢？到時上車就仲難。咁阿仔有份穩定嘅工作，我又有多少積蓄。我覺得有機會，就上！」隨即落定20萬元購買。
不過，坊間多年來不斷批評納米樓，甚至又有人指納米樓或跌價三成。自言做人簡單的陳太就覺得：「既然買咗就唔會諗咁多，其他嘅嘢到時先算。佢跌嘅，我咪自己攞嚟住囉！或者攞呢層樓去做按揭買過第2層囉！」始終當初「銀紙得咁多」，現在起碼踏出第一步。
驗樓師：單位獲93分
供款兩年多，隨住利息上升，月供由約1.3萬元增至約1.4萬元，等到今年終於入伙，收樓後第一個感覺係細，她認為：「住就無話住唔到。如果兩公婆住都得嘅，大有大住，細有細住。住慣咗就住得到。有已經好啦！唔好要求好似大陸啲樓大到咩咁。日求三餐，夜求一宿，有個地方瞓已經好好。」整個單位的交樓質素不俗，自我評90分，「凡事既來之，則安之，咩事都會承受，賣唔出，咪自己住」。
最後由資深驗樓師詹濟南驗收，主要扣分是淋浴間水龍頭冷熱手掣傾斜不平衡，反映手工欠佳，但不影響喉管耐用度。另外，浴室及開放式廚房有部份鋪磚出現窿隙。是次單位驗樓獲93分，驗收首批4個單位評分由90至95分，詹sir稱，恒地新樓「間中會沉落嚟，有時會畀到好嘢你」。
長青網 - 一站式長者及護老者生活資訊網站
回應 (0)
