新聞類別
港聞
詳情#
【蘋果日報】1989年六四後，時為學聯代表的林耀強曾經長期拒絕起床，「日日喺學聯會所瞓到下晝兩、三點」，當時21歲的年輕人既不hea也非懶，「其實當時係唔識點樣面對世界」。他深信年輕人的參與可令世界變得更好，是故當年5月初動身北上。六四凌晨，子彈在他頭上橫飛，聲援卻目睹流血收場，信念一度崩潰。說是「一度」，因為隨後再在中國僅有的自由土壤，振作起來，每年續在維園守護真相。近年學生組織往往將六四看成「鄰國的事」，漸行漸遠，當年打前鋒的林耀強自稱是「過來人」，理解年輕人在傘運後出現的無力感，但他強調最黑暗與低沉之時，往往更要堅持，否則邪惡的巨獸，吞噬的不只是歷史。
記者：許偉賢
想當年，學聯在六四事件中走在最前鋒，第一批北上支援的港人，就是學聯成員，連朱耀明都說，學聯啟發支聯會的成立。30年前血氣方剛的少年，今天已成兩鬢有點斑白的中年，邀約身在首批北上聲援人士中的林耀強在維園憶六四，天安門上的屠城景象，一言一語間，歷歷在目。
80年代中國社會對外開放，小伙子如林耀強對中國變得更加民主自由帶着憧憬，胡耀邦4.25逝世後，學生自發上街「打倒腐敗，打倒官倒」，「當時好鼓舞，希望可以幫忙」，5月15日抵京，他跟廣場上的學生一起絕食，戒嚴期間被北京學生勸說回港，待不到兩天，又帶着物資重返天安門，「當時真係冇諗過，軍隊會開槍殺人」。6月3日晚軍隊入城清場，他與戰友於紀念碑下撤退，「當時唔少學生坐喺紀念碑（石階）頂層，凌晨兩點至四點，頭上不斷有子彈聲」。
「睇住佢背脊好似開水喉咁，啲血一路流，雙眼已經反白。」
人生第一次扶起一個垂死的人，就在這年的春夏之交，「睇住佢背脊好似開水喉咁，啲血一路流，雙眼已經反白」，西單與木樨地，四處是血路，屍體無言伴隨撤離，後由三輪車老伯把他送到安全點。老伯一句叫他定必活着回港，告訴香港及全世界知道，北京發生甚麼事，成為一直支撐着他多年的信念。6月5日他在北上營救的支聯會李卓人「自首」掩護下，登機返港。
被坦克車壓碎的理想，曾令林耀強過了一段混沌日子，隨後又振作，畢竟活在中國唯一可以發聲的地方。1991年中大工管畢業，做過政務官亦做過生意，現雖為律師不在抗爭前線，「但堅持事實本身也是一種抗爭」。歷年六四維園守護真相的燭光，其中一點由他燃起；女兒於六四10周年出世後，多了一隻小手薪火相傳，當內地人民為爭取民主要作犧牲，「難道只係去堅持、去講出真相都好困難？我完全覺得我哋有呢個責任，無論對自己、對下一代或對香港都好」。
近年少了年輕人認同要悼念六四，甚至要與「鄰國的事」切割；林耀強認為中國與香港，政治上不可切割，「呢幾年睇到，中國政治上越嚟越封閉同保守，香港首當其衝受影響，我睇唔到香港可以點樣置身事外」，但他坦言一如自己六四後，由抱持希望到徹底絕望，故此理解傘運後年輕人的無力感，「你係想參與去改變封閉政制，但隨後係更多參與嘅年輕人被拘捕、要坐監……所以我好明白，點解依家好多年輕人唔見咗（不參與社運等）……面對邪惡又強大嘅一個政權，你係真係唔知可以做到乜嘢」。
林耀強認為在最低沉的時刻，更要堅持不退讓，「如果我哋習慣咗唔講真話，習慣咗好假嘅嘢都接受，由得你依附權勢，最緊要有權就得，其實我哋好快就會變到同大陸社會咁樣」。他認為「唔出聲」形同巨獸「幫兇」，「今時今日，我哋仍然有空間去講，仍然有空間去堅持乜嘢叫啱、乜嘢叫唔啱，等嗰啲亂噏一通依附權貴嘅人都仲知道，自己係有啲理屈辭窮；如果我哋都唔理嘅時候，我哋真係有少少助長咗嗰啲人囉」，他直言「真係唔知去到幾時，香港變到一個地步，講嘢都唔敢講，坦白講，到咗嗰時，我都未必有嗰個勇氣，呢個正係我對內地民運人士尊敬嘅原因」。
「其實官員少啲打壓……已經係求神拜佛。」
不是說If you can't beat them, join them？「你話我戇居都好，我真係做唔到」，踏不出埋沒良心的一步，未有變成「六四變色龍」，憤慨不少人掩眼將假當真，「有啲嘢明顯唔合理……明明你告邊個唔告邊個、需要獨立意見都唔攞，明目張膽，厚面皮到咁」，難怪不會期望官員能夠協助傳承歷史：「其實佢哋做少啲壞事，我認為已經好難得，少啲去打壓願意堅持真理、願意堅持真相嘅正義聲音，少啲打壓呢啲人，已經係求神拜佛，希望佢哋做少啲邪惡嘅事。」
長青網 - 一站式長者及護老者生活資訊網站
記者：許偉賢
想當年，學聯在六四事件中走在最前鋒，第一批北上支援的港人，就是學聯成員，連朱耀明都說，學聯啟發支聯會的成立。30年前血氣方剛的少年，今天已成兩鬢有點斑白的中年，邀約身在首批北上聲援人士中的林耀強在維園憶六四，天安門上的屠城景象，一言一語間，歷歷在目。
80年代中國社會對外開放，小伙子如林耀強對中國變得更加民主自由帶着憧憬，胡耀邦4.25逝世後，學生自發上街「打倒腐敗，打倒官倒」，「當時好鼓舞，希望可以幫忙」，5月15日抵京，他跟廣場上的學生一起絕食，戒嚴期間被北京學生勸說回港，待不到兩天，又帶着物資重返天安門，「當時真係冇諗過，軍隊會開槍殺人」。6月3日晚軍隊入城清場，他與戰友於紀念碑下撤退，「當時唔少學生坐喺紀念碑（石階）頂層，凌晨兩點至四點，頭上不斷有子彈聲」。
「睇住佢背脊好似開水喉咁，啲血一路流，雙眼已經反白。」
人生第一次扶起一個垂死的人，就在這年的春夏之交，「睇住佢背脊好似開水喉咁，啲血一路流，雙眼已經反白」，西單與木樨地，四處是血路，屍體無言伴隨撤離，後由三輪車老伯把他送到安全點。老伯一句叫他定必活着回港，告訴香港及全世界知道，北京發生甚麼事，成為一直支撐着他多年的信念。6月5日他在北上營救的支聯會李卓人「自首」掩護下，登機返港。
被坦克車壓碎的理想，曾令林耀強過了一段混沌日子，隨後又振作，畢竟活在中國唯一可以發聲的地方。1991年中大工管畢業，做過政務官亦做過生意，現雖為律師不在抗爭前線，「但堅持事實本身也是一種抗爭」。歷年六四維園守護真相的燭光，其中一點由他燃起；女兒於六四10周年出世後，多了一隻小手薪火相傳，當內地人民為爭取民主要作犧牲，「難道只係去堅持、去講出真相都好困難？我完全覺得我哋有呢個責任，無論對自己、對下一代或對香港都好」。
近年少了年輕人認同要悼念六四，甚至要與「鄰國的事」切割；林耀強認為中國與香港，政治上不可切割，「呢幾年睇到，中國政治上越嚟越封閉同保守，香港首當其衝受影響，我睇唔到香港可以點樣置身事外」，但他坦言一如自己六四後，由抱持希望到徹底絕望，故此理解傘運後年輕人的無力感，「你係想參與去改變封閉政制，但隨後係更多參與嘅年輕人被拘捕、要坐監……所以我好明白，點解依家好多年輕人唔見咗（不參與社運等）……面對邪惡又強大嘅一個政權，你係真係唔知可以做到乜嘢」。
林耀強認為在最低沉的時刻，更要堅持不退讓，「如果我哋習慣咗唔講真話，習慣咗好假嘅嘢都接受，由得你依附權勢，最緊要有權就得，其實我哋好快就會變到同大陸社會咁樣」。他認為「唔出聲」形同巨獸「幫兇」，「今時今日，我哋仍然有空間去講，仍然有空間去堅持乜嘢叫啱、乜嘢叫唔啱，等嗰啲亂噏一通依附權貴嘅人都仲知道，自己係有啲理屈辭窮；如果我哋都唔理嘅時候，我哋真係有少少助長咗嗰啲人囉」，他直言「真係唔知去到幾時，香港變到一個地步，講嘢都唔敢講，坦白講，到咗嗰時，我都未必有嗰個勇氣，呢個正係我對內地民運人士尊敬嘅原因」。
「其實官員少啲打壓……已經係求神拜佛。」
不是說If you can't beat them, join them？「你話我戇居都好，我真係做唔到」，踏不出埋沒良心的一步，未有變成「六四變色龍」，憤慨不少人掩眼將假當真，「有啲嘢明顯唔合理……明明你告邊個唔告邊個、需要獨立意見都唔攞，明目張膽，厚面皮到咁」，難怪不會期望官員能夠協助傳承歷史：「其實佢哋做少啲壞事，我認為已經好難得，少啲去打壓願意堅持真理、願意堅持真相嘅正義聲音，少啲打壓呢啲人，已經係求神拜佛，希望佢哋做少啲邪惡嘅事。」
長青網 - 一站式長者及護老者生活資訊網站
回應 (0)
