新聞類別
港聞
詳情#
【蘋果日報】【今日反惡法】
《十年》這部電影，三年前或有人覺得情節荒謬，但今天政府推出較23條更惡毒的《逃犯條例》修訂，提早令兩地司法接軌，現實似乎已比電影更加荒謬。歐文傑是《十年》五名導演之一，他說在未有《逃犯條例》時，電影業的自我審查已越來越嚴重，對《十年》上映及獲頒最佳電影存有很多恐懼，一旦通過引渡惡法，恐懼只會有增無減，更隨時「以電影入罪」。但歐文傑坦言問心無愧，對此沒有任何恐懼。
記者：鍾耀恆 李嘉茹
歐文傑不能確定自己是否犯了內地法，但肯定自己的工作都合乎香港法律。「《十年》喺內地角度會唔會係一個挑釁？或者已係一個顛覆國家嘅罪名呢？」
煽動顛覆國家罪在中國是重罪，劉曉波被以言入罪，重判11年，最後在獄中逝世。拍攝《十年》本來並無煽動港獨的意圖，但卻被標籤為港獨電影，《環球時報》更批評《十年》為一套宣揚絕望的病毒電影，在全中國被封殺。
坦言問心無愧無懼引渡
「一部作品無論《十年》或《樹大招風》，每個觀眾都有權利去解讀，譬如一個警察追賊，落緊雨有人擔遮，係咪就叫做雨傘電影呢？」歐文傑認為《逃犯條例》修訂只會令香港電影工作者活在惶恐之下，縮窄電影人的創作空間。
香港電影圈與中國關係密切，到內地拍攝就要「入鄉隨俗」，接受潛規則，墮入犯法陷阱，「你話係咪要飲酒、送禮，或者去畀錢，我都時有聽聞，甚至聽啲副導講，上到去啲演員為咗cast中角色，會畀紅包」。他雖沒有親身遇過，但明白這可能是在內地發展的生存之道。
「范冰冰風波會出現，呢個就係內地政治生態，好似《十年》咁，一句話就會突然轉變晒，呢樣係我哋控制唔到。我相信嘅一國兩制係可以保護到我哋，但我唔知之後嘅一國兩制係咪仲可以保護到我哋。」
歐文傑坦言對修例沒有恐懼，因為自己問心無愧，就算真的被引渡到內地要坐監，就豁然當成是人生體驗，「其實佢要話你有罪，點都會令你有罪，佢話你冇罪，你點都會冇罪」。
歐文傑的作品奪得兩屆香港電影金像獎最佳電影，原本前途無可限量，但因電影題材觸碰到中共紅線，條路變得非常難行，「仲好記得當《十年》攞完獎後，有個電影監製前輩有套戲上，我被邀請出席放映，跟住影相，個監製話『可唔可以幫我打格仔？』 等佢唔好同我有張合照，佢真係咁講」。
這三年多的日子，歐文傑沒有大製作電影拍，又曾經試過被朋友要求在拍攝計劃除名，避免作品遭封殺，但他自言目前仍過得很好，可在香港拍小型又具社會意義的作品。
歐文傑反而更同情那班活於恐懼下的電影人，「我好輕鬆，乜恐懼都冇，做乜都得，佢哋就乜都唔講得，戰戰兢兢。就算畀你搵到再多錢，有再多成就，但你要終日惶恐去生活，其實又代表啲乜呢？」
《樹大招風》訴說香港過去，《十年》則預視香港的未來，到了這一刻，歐文傑又會怎樣形容？「我諗係一個風好大，逆風嘅時候，《逃犯條例》（修訂）大家好似阻止唔到，但我記得李麗珊講過，滑浪風帆比賽嘅致勝位，係逆風時點樣掌控個帆。我哋作為一個香港市民，究竟有冇睿智去掌握到逆風嘅時候？呢個係需要人有睿智亦有勇氣嘅時候，缺一不可」。
林建明：幾清白都難有保障
歐文傑無想過離開香港，如果人人都放棄，香港就會散，他期待香港每人都不會只顧自己，要顧及整個社會。
藝人林建明昨晚在社交網站亦表明反對修例，呼籲港人今日站出來。林指修例衝擊所有香港人，甚至任何過境的人，一落機已有機會被抓捕，「大陸法變了在香港可以執行，就算你有幾清白，香港的最後防線在新修訂條例後，技術上已攻破，人身自由及財產再難以100%有保障」。
長青網 - 一站式長者及護老者生活資訊網站
《十年》這部電影，三年前或有人覺得情節荒謬，但今天政府推出較23條更惡毒的《逃犯條例》修訂，提早令兩地司法接軌，現實似乎已比電影更加荒謬。歐文傑是《十年》五名導演之一，他說在未有《逃犯條例》時，電影業的自我審查已越來越嚴重，對《十年》上映及獲頒最佳電影存有很多恐懼，一旦通過引渡惡法，恐懼只會有增無減，更隨時「以電影入罪」。但歐文傑坦言問心無愧，對此沒有任何恐懼。
記者：鍾耀恆 李嘉茹
歐文傑不能確定自己是否犯了內地法，但肯定自己的工作都合乎香港法律。「《十年》喺內地角度會唔會係一個挑釁？或者已係一個顛覆國家嘅罪名呢？」
煽動顛覆國家罪在中國是重罪，劉曉波被以言入罪，重判11年，最後在獄中逝世。拍攝《十年》本來並無煽動港獨的意圖，但卻被標籤為港獨電影，《環球時報》更批評《十年》為一套宣揚絕望的病毒電影，在全中國被封殺。
坦言問心無愧無懼引渡
「一部作品無論《十年》或《樹大招風》，每個觀眾都有權利去解讀，譬如一個警察追賊，落緊雨有人擔遮，係咪就叫做雨傘電影呢？」歐文傑認為《逃犯條例》修訂只會令香港電影工作者活在惶恐之下，縮窄電影人的創作空間。
香港電影圈與中國關係密切，到內地拍攝就要「入鄉隨俗」，接受潛規則，墮入犯法陷阱，「你話係咪要飲酒、送禮，或者去畀錢，我都時有聽聞，甚至聽啲副導講，上到去啲演員為咗cast中角色，會畀紅包」。他雖沒有親身遇過，但明白這可能是在內地發展的生存之道。
「范冰冰風波會出現，呢個就係內地政治生態，好似《十年》咁，一句話就會突然轉變晒，呢樣係我哋控制唔到。我相信嘅一國兩制係可以保護到我哋，但我唔知之後嘅一國兩制係咪仲可以保護到我哋。」
歐文傑坦言對修例沒有恐懼，因為自己問心無愧，就算真的被引渡到內地要坐監，就豁然當成是人生體驗，「其實佢要話你有罪，點都會令你有罪，佢話你冇罪，你點都會冇罪」。
歐文傑的作品奪得兩屆香港電影金像獎最佳電影，原本前途無可限量，但因電影題材觸碰到中共紅線，條路變得非常難行，「仲好記得當《十年》攞完獎後，有個電影監製前輩有套戲上，我被邀請出席放映，跟住影相，個監製話『可唔可以幫我打格仔？』 等佢唔好同我有張合照，佢真係咁講」。
這三年多的日子，歐文傑沒有大製作電影拍，又曾經試過被朋友要求在拍攝計劃除名，避免作品遭封殺，但他自言目前仍過得很好，可在香港拍小型又具社會意義的作品。
歐文傑反而更同情那班活於恐懼下的電影人，「我好輕鬆，乜恐懼都冇，做乜都得，佢哋就乜都唔講得，戰戰兢兢。就算畀你搵到再多錢，有再多成就，但你要終日惶恐去生活，其實又代表啲乜呢？」
《樹大招風》訴說香港過去，《十年》則預視香港的未來，到了這一刻，歐文傑又會怎樣形容？「我諗係一個風好大，逆風嘅時候，《逃犯條例》（修訂）大家好似阻止唔到，但我記得李麗珊講過，滑浪風帆比賽嘅致勝位，係逆風時點樣掌控個帆。我哋作為一個香港市民，究竟有冇睿智去掌握到逆風嘅時候？呢個係需要人有睿智亦有勇氣嘅時候，缺一不可」。
林建明：幾清白都難有保障
歐文傑無想過離開香港，如果人人都放棄，香港就會散，他期待香港每人都不會只顧自己，要顧及整個社會。
藝人林建明昨晚在社交網站亦表明反對修例，呼籲港人今日站出來。林指修例衝擊所有香港人，甚至任何過境的人，一落機已有機會被抓捕，「大陸法變了在香港可以執行，就算你有幾清白，香港的最後防線在新修訂條例後，技術上已攻破，人身自由及財產再難以100%有保障」。
長青網 - 一站式長者及護老者生活資訊網站
回應 (0)
