示威者：被特首煽惑上街

【蘋果日報】惡法陰霾籠罩，有港人自稱「我被林鄭煽惑上街」。巿民黃女士稱被特首林鄭月娥煽惑才參與遊行，「佢話條條例係好，佢個仔都走咗去外國啦，咁好點解唔成家大細搬晒返去（內地）？咁好做，佢辭職得喇！」她又諷刺官員口不對心，「講到咁好，應該佢全家、民建聯都返晒上去（內地）啦！」
稱佔中判刑影響抗爭取態
佔中九子因煽惑罪被判刑，港人黃先生指刑期太重，有感不少人受案件觸動而參與遊行，「條條例幾百年前，我睇落就唔似（港人被煽惑）；參加過佔中嘅人都覺得佢哋呢九個人幫緊我哋坐監」。他指自己昨日絕非「被煽惑」參與遊行，「係想畀政府知道香港人嘅力量」。
馮小姐表示，眼見林榮基急於逃去台灣，深深感受到港人對修例感恐慌，因此決定上街。她以台灣太陽花運動為例，當地法官最終沒有判公民抗命（台稱公民不服從）者入獄，「所以就唔明白香港點解判咁重刑期，公民抗命定義係點樣，我都要再深究」。她指九子判刑可能會影響日後民眾參與運動取態，「如果你只可以喺制度入面抗衡其實係冇用，但當有人想做多啲、想走出嚟，就要面對坐監刑罰，會令更多人唔敢去做」。
李生及李太認為佔中九子的判決不公道，「依家香港越嚟越離譜，佢根本就唔係煽動，（港人）完全係個心跟住出嚟行」，他們指港人習慣自由，修例帶來壓迫感，「大陸係冇法治，大陸根本有佢講冇你講」。
■記者黃翠儀
長青網 - 一站式長者及護老者生活資訊網站