長做長有靠變通

【蘋果日報】木屐是萬記祖業，砧板及月餅木印及木桶等卻是其發迹之處，老闆娘姚麗嫦認為生意之道在乎靈活多變，任何木製器皿，若客人特別訂製，只要遞上設計圖樣，視乎尺寸及體積，快則一日，慢則一星期內便可出貨，務求以快靚正滿足顧客需求。「以前泰國食肆好興人手舀飯，我哋做過好多木飯桶；亦有客人話要練功，特別訂做咗一對手挽木製鎖形舉重器畀佢運動。」
以往萬記出產的砧板、做點心的按板及月餅木印模等產品，廣為百佳、惠康、佳寶超巿及奇華、美心等大型連鎖集團都採用，不過近年環保政策推行，例如馬來西亞限制原木出口到其他國家，加上內地網購盛行，批發生意不如往昔，萬記改而主攻零售巿場，只要是廚具用品，無論以木、鋼、膠造，均可在店內搜羅得到，歐太大兒子Koby及二兒子Mike學成歸家後，09年及11年先後在油麻地及灣仔開設蛋糕廚具店I Love Cake，又開班教授如何製作蛋糕，「食正」西式糕餅烘培的熱潮，生意步入穩定期，而萬記整體零售與批發生意的比例已逆轉成八二之比。
姚麗嫦笑言自己是店內的靈魂人物，主要站在前線指揮各下屬辦事，丈夫歐錦鴻充當「背後的男人」，遇有任何有關設計及製造的技術問題，由他親自解畫及建議方案，「我做門巿，買嘢遇有疑問，解釋畀老公聽，由老公直接同客戶講，量度都係由我先生去做，我負責接單。」夫婦各司其職，從未發生爭拗。
長青網 - 一站式長者及護老者生活資訊網站