新聞類別
港聞
詳情#
【蘋果日報】【漫長康復路】
你有否想過做全身按摩，希望舒筋活絡，結果竟被按傷胸椎，致雙腳癱瘓？一夜間被自己的身體困着，動彈不得，與太太手挽手受訪，好好先生朱政有的經歷，驚心動魄。體現人生無常的，還有51歲的姚雲龍，熱愛足球的他，一次救波與後衞碰撞，傷及頸椎致全身癱瘓。根據港大矯型及創傷外科學系最新研究顯示，香港每年約200宗創傷性脊髓損傷新增個案，他們都是復康路漫漫的「孤兒病人」，學系新近引進機械腳先導計劃，助大部份需長期卧床的嚴重脊癱病人再站起來，在漫長的康復路上，邁出逆轉人生的重要一小步。
記者：呂麗嬋
位於薄扶林的麥理浩復康院，庭院深深，大部份留醫的，都是重症復康病人，人人愁眉苦面，惟獨坐在輪椅上、讓太太推進病房的朱政有神態自若，臉上掛着禮貌微笑，但其實過去一年，他經歷了人生最大的一場災難。「我喺銀行教咗30年培訓，教人危機處理，到自己，都用到幾招嘅。」他苦笑。2018年5月11日，是他人生的轉捩點，即將到北京出差，放工後與太太到深水埗全身按摩鬆一鬆，幫襯了一年半的小店、總是閒話家常的按摩師，一如以往在他身上按摩，那想到卻是惡夢的開始。
「7點開始，7點15分已出事，嗰時面向床，由頸開始做，佢雙手按，同之前一樣，摸到腰啪一聲，我話：唔得，有聲，佢話無嘢仲按多一下，感覺背脊好似觸電，走到落腳指尾……」按摩師在床邊猛話無事，但觸電感覺並無散去，面向按摩床的朱政有，仍然動彈不得。擾攘45分鐘，同行的太太決定報警，未及救傷車到達，他已在按摩床上失禁，被送往最近的明愛醫院急症室，通宵檢查至凌晨送上病房，結果是翌日清晨，醫生向他報告了一個發夢都無想過的檢查結果。
「肚臍打下冇晒感覺」
「佢話胸椎T11、T12受壓，情況嚴重，建議我立即做手術，放鬆受壓的地方，當時好徬徨，未遇過咁嘅情況，只知道自己下半身由肚臍打下冇晒感覺……」說到這裏，坐在身邊的太太早泣不成聲。「當日下午做手術，之後住咗幾日ICU，喺明愛嗰18日，基本上全時間卧床，只沖過一次涼。」多年在商場馳騁見慣風浪，那一個月混混噩噩晨昏顛倒，上落床都要用吊臂，留醫三星期，後轉到麥理浩康復院，重新學坐、學沖涼，學大小便，甚至學着褲除褲，做回他口中的「BB仔」。
「好難過，冇諗過去舒筋活絡會搞成咁。」朱政有自言是謹慎的人：「以前一年去幾次曼谷，都會去做按摩，一早已講明唔lock頸同踩背，呢個按摩師仲要係熟人介紹，幫我按咗年半。」出事至今10個月，他揚言已接受殘酷現實：「希望往前看，努力諗辦法康復……」他說：「出事咁耐無喺人前流過一滴眼淚……要流都會係夜晚靜靜雞，流眼淚唔係為自己，係為太太，佢無論在明愛定呢度，朝早7點就嚟，直至晚上8點先走……」這對結婚37年的恩愛夫妻，中三做童軍結緣相戀，突遇無妄之災，朱政有說向來小鳥依人的太太表現堅強，反倒他有時會忍不住胡思亂想。
謝太太不離不棄照顧
「佢每朝早揸車嚟，7點半未到，我就會諗會唔會有事？遲咗WhatsApp我，我會諗到咗屋企未呢？如果佢有事，我又喺醫院，無人可以照顧到佢咁點算？」說起意外，朱政有一直侃侃而談，冷靜又有條理，唯每次說到太太，總是難過又感觸：「因為對腳行唔到，所以要坐便椅推入廁所，每日4至6次，一日就要抬12次，係好辛苦太太。」人生多磨難，16歲時維園泳池游水遇溺，喉嚨開洞，住了ICU兩星期，已經歷過一次死過翻生，「嗰時後生唔識死，今次推入手術室，係好驚。」人生無常，每天都可以是人生最後一天，他已交代身後事，戶口早悉數轉名給太太，讓自己少一點後顧之憂。
「其實手術後我仲好牙擦：呢啲嘢點難到我？四星期我就可以行出去，但四個月都唔得，因為脊椎神經，唔係你可以控制，唔係傷口，你睇到有進展，下星期就會好。」按摩師出事後只來過醫院一次就失了蹤，由驚訝、憤怒，到慢慢接受，不排除興訟的他說再沒憤恨，也不在乎賠償，只是希望「佢知道我現在嘅情況」。人生被迫慢下來，意外後第一個農曆年，意外後第一個生日，他都記得清清楚楚：「我同個女都係11月生日，我問佢有咩願望？佢話希望Daddy快啲康復……」
說着，這個鐵漢忍不住哽咽：「女兒好似我，好硬淨，但內心好柔軟……之前留醫，個女同太太每日嚟幫我按摩對腳，保持肌肉有血液流通，等神經感覺有朝一日返嚟，亦有足夠承托。」不斷調整期望但保持鬥志，難度極高，這個大半生在商場馳騁的CEO，努力保持樂觀，也慶幸被揀選，成為首批接受機械腳訓練的病人，形容重新「站起來」的感覺，讓他飄飄然：「有幾個月未落過地，第一次可以自己企起身，雖然係機械帶動我行，但感受到自己左腳接右腳咁行，一路做，覺得關節鬆咗、有力咗。」
珍惜每次機械腳訓練
由手術後床過輪椅要用吊臂，在床邊東歪西倒坐不穩，到後來可平衡身體；又由卧床長期插便袋，到接受訓練後可自己大小便，康復期漫漫，一步一腳印。「留醫期間一星期操足5日，由最初肚臍對下無感覺，到 依家膝頭對上開始有感覺，針灸也知針那個位。」出院後已逐步回復正常工作，現在由太太管接管送，返工前同事先清通道，確保電動輪椅可以出入。「我係好彩，同事老闆都好好。」由銀行櫃位員做起，總遇伯樂，周遊列國培訓高級行政人員，在越南開荒建立培訓部門，現在是長青集團行政總裁的他，辦公室一面牆掛滿拉頭馬的相片，他說期待馬照跑，可惜事與願違。
訪問前的周三，坐在輪椅上的他，在出事後首次再入馬場，「出唔到露台，好多禁區，感觸好大但都冇辦法……」意外後翌日原擬入馬場，之後飛北京公幹，一切，因為一次按摩而改寫。「2月25日嘅女皇杯，你識唔識美麗傳承？馬王嚟，好厲害」。說起馬，精神了，那是意外前最後一次落草地，見證拉頭馬。「好珍惜每次機械腳訓練，幾辛苦幾痛都會做……」肚臍以下開始有感覺，針灸時會分到左右，更期待的，是每一次再站起來的感覺。「怨天尤人都改變唔到件事，惟有努力啲做運動，耐心等活動神經醒來……」摸着石頭過河，盡力而為，挽着太太的朱政有說。
你有否想過做全身按摩，希望舒筋活絡，結果竟被按傷胸椎，致雙腳癱瘓？一夜間被自己的身體困着，動彈不得，與太太手挽手受訪，好好先生朱政有的經歷，驚心動魄。體現人生無常的，還有51歲的姚雲龍，熱愛足球的他，一次救波與後衞碰撞，傷及頸椎致全身癱瘓。根據港大矯型及創傷外科學系最新研究顯示，香港每年約200宗創傷性脊髓損傷新增個案，他們都是復康路漫漫的「孤兒病人」，學系新近引進機械腳先導計劃，助大部份需長期卧床的嚴重脊癱病人再站起來，在漫長的康復路上，邁出逆轉人生的重要一小步。
記者：呂麗嬋
位於薄扶林的麥理浩復康院，庭院深深，大部份留醫的，都是重症復康病人，人人愁眉苦面，惟獨坐在輪椅上、讓太太推進病房的朱政有神態自若，臉上掛着禮貌微笑，但其實過去一年，他經歷了人生最大的一場災難。「我喺銀行教咗30年培訓，教人危機處理，到自己，都用到幾招嘅。」他苦笑。2018年5月11日，是他人生的轉捩點，即將到北京出差，放工後與太太到深水埗全身按摩鬆一鬆，幫襯了一年半的小店、總是閒話家常的按摩師，一如以往在他身上按摩，那想到卻是惡夢的開始。
「7點開始，7點15分已出事，嗰時面向床，由頸開始做，佢雙手按，同之前一樣，摸到腰啪一聲，我話：唔得，有聲，佢話無嘢仲按多一下，感覺背脊好似觸電，走到落腳指尾……」按摩師在床邊猛話無事，但觸電感覺並無散去，面向按摩床的朱政有，仍然動彈不得。擾攘45分鐘，同行的太太決定報警，未及救傷車到達，他已在按摩床上失禁，被送往最近的明愛醫院急症室，通宵檢查至凌晨送上病房，結果是翌日清晨，醫生向他報告了一個發夢都無想過的檢查結果。
「肚臍打下冇晒感覺」
「佢話胸椎T11、T12受壓，情況嚴重，建議我立即做手術，放鬆受壓的地方，當時好徬徨，未遇過咁嘅情況，只知道自己下半身由肚臍打下冇晒感覺……」說到這裏，坐在身邊的太太早泣不成聲。「當日下午做手術，之後住咗幾日ICU，喺明愛嗰18日，基本上全時間卧床，只沖過一次涼。」多年在商場馳騁見慣風浪，那一個月混混噩噩晨昏顛倒，上落床都要用吊臂，留醫三星期，後轉到麥理浩康復院，重新學坐、學沖涼，學大小便，甚至學着褲除褲，做回他口中的「BB仔」。
「好難過，冇諗過去舒筋活絡會搞成咁。」朱政有自言是謹慎的人：「以前一年去幾次曼谷，都會去做按摩，一早已講明唔lock頸同踩背，呢個按摩師仲要係熟人介紹，幫我按咗年半。」出事至今10個月，他揚言已接受殘酷現實：「希望往前看，努力諗辦法康復……」他說：「出事咁耐無喺人前流過一滴眼淚……要流都會係夜晚靜靜雞，流眼淚唔係為自己，係為太太，佢無論在明愛定呢度，朝早7點就嚟，直至晚上8點先走……」這對結婚37年的恩愛夫妻，中三做童軍結緣相戀，突遇無妄之災，朱政有說向來小鳥依人的太太表現堅強，反倒他有時會忍不住胡思亂想。
謝太太不離不棄照顧
「佢每朝早揸車嚟，7點半未到，我就會諗會唔會有事？遲咗WhatsApp我，我會諗到咗屋企未呢？如果佢有事，我又喺醫院，無人可以照顧到佢咁點算？」說起意外，朱政有一直侃侃而談，冷靜又有條理，唯每次說到太太，總是難過又感觸：「因為對腳行唔到，所以要坐便椅推入廁所，每日4至6次，一日就要抬12次，係好辛苦太太。」人生多磨難，16歲時維園泳池游水遇溺，喉嚨開洞，住了ICU兩星期，已經歷過一次死過翻生，「嗰時後生唔識死，今次推入手術室，係好驚。」人生無常，每天都可以是人生最後一天，他已交代身後事，戶口早悉數轉名給太太，讓自己少一點後顧之憂。
「其實手術後我仲好牙擦：呢啲嘢點難到我？四星期我就可以行出去，但四個月都唔得，因為脊椎神經，唔係你可以控制，唔係傷口，你睇到有進展，下星期就會好。」按摩師出事後只來過醫院一次就失了蹤，由驚訝、憤怒，到慢慢接受，不排除興訟的他說再沒憤恨，也不在乎賠償，只是希望「佢知道我現在嘅情況」。人生被迫慢下來，意外後第一個農曆年，意外後第一個生日，他都記得清清楚楚：「我同個女都係11月生日，我問佢有咩願望？佢話希望Daddy快啲康復……」
說着，這個鐵漢忍不住哽咽：「女兒好似我，好硬淨，但內心好柔軟……之前留醫，個女同太太每日嚟幫我按摩對腳，保持肌肉有血液流通，等神經感覺有朝一日返嚟，亦有足夠承托。」不斷調整期望但保持鬥志，難度極高，這個大半生在商場馳騁的CEO，努力保持樂觀，也慶幸被揀選，成為首批接受機械腳訓練的病人，形容重新「站起來」的感覺，讓他飄飄然：「有幾個月未落過地，第一次可以自己企起身，雖然係機械帶動我行，但感受到自己左腳接右腳咁行，一路做，覺得關節鬆咗、有力咗。」
珍惜每次機械腳訓練
由手術後床過輪椅要用吊臂，在床邊東歪西倒坐不穩，到後來可平衡身體；又由卧床長期插便袋，到接受訓練後可自己大小便，康復期漫漫，一步一腳印。「留醫期間一星期操足5日，由最初肚臍對下無感覺，到 依家膝頭對上開始有感覺，針灸也知針那個位。」出院後已逐步回復正常工作，現在由太太管接管送，返工前同事先清通道，確保電動輪椅可以出入。「我係好彩，同事老闆都好好。」由銀行櫃位員做起，總遇伯樂，周遊列國培訓高級行政人員，在越南開荒建立培訓部門，現在是長青集團行政總裁的他，辦公室一面牆掛滿拉頭馬的相片，他說期待馬照跑，可惜事與願違。
訪問前的周三，坐在輪椅上的他，在出事後首次再入馬場，「出唔到露台，好多禁區，感觸好大但都冇辦法……」意外後翌日原擬入馬場，之後飛北京公幹，一切，因為一次按摩而改寫。「2月25日嘅女皇杯，你識唔識美麗傳承？馬王嚟，好厲害」。說起馬，精神了，那是意外前最後一次落草地，見證拉頭馬。「好珍惜每次機械腳訓練，幾辛苦幾痛都會做……」肚臍以下開始有感覺，針灸時會分到左右，更期待的，是每一次再站起來的感覺。「怨天尤人都改變唔到件事，惟有努力啲做運動，耐心等活動神經醒來……」摸着石頭過河，盡力而為，挽着太太的朱政有說。
回應 (0)
