新聞類別
財經
詳情#
【蘋果日報】「如果我仲留喺TVB，我睇唔到會買到樓、結到婚、生到仔！」許明志（Archie）在TVB做了逾十年茄喱啡，有半年月薪不足一萬元。2014年跳槽香港電視，在《警界線》終獲一個有名字的角色，以為捱出彩虹，卻開台不成，令他完全死心。不再發明星夢，腳踏實地做人，轉行做過健身教練，但仍賺不到大錢，四年前經訓練班師弟介紹轉行做地產經紀，終迎來人生大逆轉，兩年佣金收入逾百萬元，夠錢買入啟德龍譽680萬元單位做業主。
680萬買龍譽一房戶
許明志在第13期無綫電視藝員訓練班畢業，同學包括楊怡、林峯等，但許捱足逾十年就一直做臨記，「當年月入唔夠一萬，唔爆show，咬老底咪最低工資，好多個月都係咁，最長超過半年。（為了生活）搵其他嘢做（兼職）囉！」曾堅持一邊做演員一邊兼職做救生員，「叫做生存到囉，但救生員唔係一年四季有得做，得夏天做四、五個月，維持咗三、四年，因為仲想喺TVB發展」。2014年跳槽香港電視，獲安排《警界線》中有名稱的角色，惟後來開台不成，他始對娛樂圈死心。
事過境遷，如今憶述仍肉緊地說：「我連三四線、四五線、五六線都未跳到上去，就覺得唔想再嘥時間。」曾奢望做明星，後來醒覺腳踏實地，考牌做健身教練，四年前由訓練班師弟介紹做地產經紀。他由基本做起，包括cold call、單位開放日，慢慢儲客，第二年有收成，食正新盤熱潮，一二手樣樣做，佣金收入過百萬元，2017年遂以680萬元買入啟德龍譽一個一房單位，「好多人講過乜嘢係買樓最好時間，其實冇，只要你手頭上有資金，覺得許可，就係投資時間」。目前單位叫租1.5萬元，冀有2.6厘回報。
長青網 - 一站式長者及護老者生活資訊網站
680萬買龍譽一房戶
許明志在第13期無綫電視藝員訓練班畢業，同學包括楊怡、林峯等，但許捱足逾十年就一直做臨記，「當年月入唔夠一萬，唔爆show，咬老底咪最低工資，好多個月都係咁，最長超過半年。（為了生活）搵其他嘢做（兼職）囉！」曾堅持一邊做演員一邊兼職做救生員，「叫做生存到囉，但救生員唔係一年四季有得做，得夏天做四、五個月，維持咗三、四年，因為仲想喺TVB發展」。2014年跳槽香港電視，獲安排《警界線》中有名稱的角色，惟後來開台不成，他始對娛樂圈死心。
事過境遷，如今憶述仍肉緊地說：「我連三四線、四五線、五六線都未跳到上去，就覺得唔想再嘥時間。」曾奢望做明星，後來醒覺腳踏實地，考牌做健身教練，四年前由訓練班師弟介紹做地產經紀。他由基本做起，包括cold call、單位開放日，慢慢儲客，第二年有收成，食正新盤熱潮，一二手樣樣做，佣金收入過百萬元，2017年遂以680萬元買入啟德龍譽一個一房單位，「好多人講過乜嘢係買樓最好時間，其實冇，只要你手頭上有資金，覺得許可，就係投資時間」。目前單位叫租1.5萬元，冀有2.6厘回報。
長青網 - 一站式長者及護老者生活資訊網站
回應 (0)
