香港眾志：從維園找到港人力量

【蘋果日報】本土學生組織杯葛六四集會之際，仍然有90後年輕人願意到維園點起燭光，讓那點平反之火繼續燃亮。六四屠城時，香港眾志主席林朗彥及眾志成員何嘉柔還未出生，兩人在中學初次接觸六四歷史，深受解放軍屠殺人民的畫面震撼；雖然不少年輕人認為六四屬「鄰國」事件，港人毋須堅持悼念，他們卻決定在六四30周年再到維園出席六四集會，「一齊搵到香港人嘅力量」，但林朗彥不忘從年輕人角度出發，指支聯會歷年舉辦的六四集會過於着重哀傷情緒，與中國亦有太強烈關係，形式有需要改變，認為悼念方式可以更加本土化。
20歲何嘉柔：係政治啟蒙
24歲的林朗彥和20歲的何嘉柔，兩人對六四的認知來自中學時期。林朗彥憶述首次接觸六四事件，「就係同同學坐喺一個禮堂，蒙住眼聽槍聲，同埋聽當時片段嘅聲音後，再一齊討論」。當年與同學爭論中國政府處理六四手法對錯，林朗彥強調對六四有極深感受：「對我嚟講，見到天安門母親嘅難屬，佢哋一啲好切身嘅遭遇，同埋至今受到嘅監控，其實喺我哋自己身上，我諗香港人都唔係冷血嘅人，都會有一個好明白嘅感受」。
何嘉柔首次接觸六四則在中一中文堂，當時老師播放《自由花》片段，「見到六四好多人死、好多血，嗰時對我嚟講係好震撼」。父母政治立場相對保守，何嘉柔不諱言自小已被灌輸「愛國」思想，母親強調國家政府會保護人民，「當第一次見到（屠城片段），原來一直以來嘅諗法可能未必係真」。她感到驚訝同時，不斷搜集六四資料，「去睇乜嘢係六四，點解會發生呢件事」，最終成為她的政治啟蒙，參加傘運又曾衝入政總反對引渡惡法：「如果我冇接觸六四呢樣嘢，雨傘運動出現嘅時候，可能嗰個（爭取民主）意識未必有咁強，因為中國呢件事好似好遠，好似係一件好舊嘅時代，但事實上呢個政權嘅操縱，到今時今日仍然收窄緊我哋嘅自由」。
近年部份有本土主張的年輕人認為毋須再悼念六四，兩人不表認同，何嘉柔指六四集會是一個很好的機會，讓香港年輕一代了解六四真相，「雖然事件可能（離大家）好遠，但當中嘅意念同價值好需要我哋秉承落去，因為呢樣嘢唔單止講緊中國或者香港，當中嘅民主精神，係好需要我哋去實踐同帶畀下一代」，她同時認為集會人數極重要，「可以令大家見到，仲有咁多人選擇唔去遺忘呢件事」。
「支聯會與中國關係太強」
林朗彥稱明白不同人士對悼念六四有不同方法，他會選擇再到維園出席六四集會，「因為我覺得八九民運同紀念六四呢件事，係一個集體、公共嘅事，喺嗰個場（維園）裏面，我哋可以一齊搵到香港人嘅力量」。港人當前面對港府硬推「送中」惡法，他認為今年再評論六四別具意義，「中國起初好想建立呢個中港引渡，就係因為黃雀行動，因為香港人挺身救咗啲民運人士到香港，先至有呢個歷史」，指港府試圖推動惡法，正正反映鎮壓從未停止，「六四其實係冇完過，只係用另一種方式發生緊」。
雖然不認同杯葛集會，林朗彥不諱言由支聯會主辦的六四集會過於着重哀傷情緒和悼念，而且與中國有強烈關係，「我自己覺得係需要改變嘅」。他指悼念六四的歌曲《自由花》有一句十分重要的歌詞「年月裏轉化為力」，「其實係從八九民運，學習佢哋點樣去抗爭、學習佢哋抗爭嘅精神，我覺得遠比平反係重要嘅」，認為悼念六四的方式必須本土化，「一定要將呢個記憶，變成我哋今日繼續抗爭嘅動力」。
■記者林俊謙
長青網 - 一站式長者及護老者生活資訊網站