後日搶先開會　涂：合法合憲

【蘋果日報】民主派與建制派後日將在同一會議廳，各自召開修訂《逃犯條例》法案委員會。獲建制派及立法會秘書處「助攻」，替代涂謹申主持會議的石禮謙表明，當日會按《議事規則》行事，又不會要求立會加派保安，表明能否「上位」主持會議不是其責任，「如果個會運作唔到嘅，你叫成隊軍隊嚟都冇意義」。日前在民主派力撐下，當選法案委員會主席的涂謹申重申他是合法合憲主席，當日會如常主持會議，「其他嘢唔擔心」。
石禮謙：叫隊軍隊嚟都冇意義
過去曾主持過兩次修訂《逃犯條例》法案委員會的民主黨議員涂謹申，周一在無競爭當選委員會主席後，前日即透過個人秘書向全體委員發出文件，通知他們將於後日早上8時半召開審議修訂《逃犯條例》的草案委員會，卻遭建制派恫嚇要控告他偽造文件。
涂昨日強調自己是合法合憲選出的主席，所以「其他嘢唔擔心」。至於為何選擇在較建制派召開會的9時早半小時開會，涂指是視乎房間情況而作的安排，又指即使預期審議工作有困難都會推進審議工作。被問到若有保安阻撓他坐在主席位置，涂表示會與保安理論，指出保安不能阻止議員履行公職。
至於在建制派力撐代替涂主持委員會的石禮謙，昨被問到當日會否提早進入會議廳，以確保其主持席位時，石未有正面回應，只說：「我個命令叫我做乜就做乜，我個命令係就係（周六早上）9點開會」，稱只會跟《議事規則》做事。若涂謹申比他更早坐上主席台，他會如何處理時，石只說：「好多嘢冇如果，阿涂係一個好有資歷嘅議員，比我更加有資歷，所以佢鍾意做乜，佢覺得啱，咪去做囉。」問到會否於會前要求立會加強保安，以確保自己能登上會議主持位置時，石禮謙則說：「我冇需要咁做，到時應該要我去坐邊度就坐邊度。」他並帶笑指：「做主席我都唔想做，做主持都唔想做。」石又聲稱，要求會上加派立會保安不是他的責任，「如果個會運作唔到嘅，你叫成隊軍隊嚟都冇意義，最緊要係大家有個尊重，如果你冇咗個尊重都冇辦法」。
■記者林俊謙
長青網 - 一站式長者及護老者生活資訊網站