祖兒忙到病嗌停工

【蘋果日報】容祖兒將於8月舉行慶祝入行20周年的「Pretty Crazy演唱會」，昨日祖兒到尖沙嘴舉行記招並宣佈加開至18場，身穿黑白波點露肩短裙的祖兒表示，近來因工作太忙以致患感冒，接下來下月將會停工閉關為演出準備：「真係要停工啦，唔好再接嘢做，佢哋（公司）冇性㗎，唔同佢哋講明先係唔會放過任何一個機會攝啲工作落嚟，依家病咗就好啦，可以嚇一嚇佢哋，同埋依家快啲病完，演唱會就可以精精神神。」
談到今次開18場，她說：「今次最大嘅挑戰係點樣平均分配體力，唔好第一場就太開心用晒所有energy。」提到演唱會嘉賓會邀請張敬軒，對於軒仔近日惡搞她的造型，祖兒笑言：「佢都已經冇晒底線，我好擔心佢，都唔知以後條路佢點行落去。」問到可會惡搞他報仇？祖兒話：「唔會啦，我輸咗畀佢。」
採訪：曹家誠
攝影：陳慧安
長青網 - 一站式長者及護老者生活資訊網站