【財經專題】阿里前員工：日做13小時

【蘋果日報】早前「996」（即朝9晚9、每周6天工作）掀起中國IT界強烈反彈，原本針對京東、有贊等電商，但之後阿里巴巴董事局主席馬雲卻在微博發文稱，「996是一種巨大的福氣」，引發全國網民強烈批評。為平息風波，他改稱「996」不是問題的關鍵，關鍵是人生的意義和奮鬥的方向。
在阿里巴巴工作六年，曾升至阿里香港業務拓展負責人，現經營電商、香港網商會副主席張群分享在阿里工作的經歷，直言：「每位一開始入去阿里嘅人都會聽過，你哋係出緊1.5個月嘅糧，但係做緊3個人嘅嘢。」
「同行競爭好激烈，鬥嘅係執行力、鬥快！」他指公司沒有明文規定要星期六上班，但他在職首三年部門所有同事星期六都會上班，更指上班時間基本上是朝10晚11。「好似sales，唔只銷售，仲要兼顧埋training、admin、搞展覽，客越多就越忙。」
他坦言，最誇張就是每年3月財政年度結束時，「試過有同事要喺公司附近租房瞓，因為要到target，佢成個月返唔到屋企嘅。」他直言即使回到家，仍在不斷工作，「凌晨個客打嚟，美國嗰邊開會都試過。」
他亦透露短短六年間公司同事不斷離開，主因是壓力太大：「頭三個月已經走三分一，五年後得番一成。」記者問到有甚麼驅使他留在公司？他坦言「由公司轉型、到香港退市到美國上市，成個過程都學到嘢，老實講係搵到錢。」至於離開的原因，他坦承因為健康明顯變差。
工作六年 獲數百萬元股權
張群更指出，「點解中國電商發展得咁快，唔係班人特別叻，係大家休息嘅時候都跑緊，好多中國公司成功，都係喺好短嘅時間做到個規模，攞條命去搏。」
記者亦問到張群，現時香港經濟不及80年代高速增長，加上樓價高企，要年輕人在看不到前景下長時間工作十分困難。他就指：「悲觀嚟睇，如果冇，我就情願唔做，係唔係返五日office hour就會好啲呢？我又覺得唔係。」
記者多番追問下，他終透露在阿里工作六年，獲得的股權以現價計，可獲數百萬元。
長青網 - 一站式長者及護老者生活資訊網站