新聞類別
港聞
詳情#
【蘋果日報】【CASE 2】
64歲人稱「姨婆」的林珍，多年來含辛茹苦將患有輕度智障兼「小胖威利症」的姨甥孫彥仔撫養成人，日常除了悉心照顧他的飲食起居，還經常面對彥仔情緒不穩，動輒發怒；最近一次她在街上被發脾氣的彥仔追打，作為照顧者的辛酸不足為外人道。
19歲的彥仔身高5呎2吋，體重達180磅，姨婆直呼他肥仔，感情如同母子。彥仔母親是姨婆的外甥女，彥仔出世後，父母離異，之後父親不知去向，母親則另組家庭，彥仔兩歲起一直由姨婆照顧。最初姨婆不知道彥仔患病，後來經診斷患有輕度智障及小胖威利症。患者食不知飽，也會情緒不穩。
「我希望佢走先過我」
雖然彥仔可自理大小二便，但姨婆無時無刻要照顧他的生活所需，身心俱疲。「好似帶佢出街，攞人哋便利店啲嘢，佢順手攞唔識，要成日睇住佢……」彥仔食不知飽亦令姨婆大傷腦筋，「佢成日偷嘢食，依家廚房門都要鎖住……去茶樓佢仲緊張，驚啲點心去咗隔籬枱……食早餐已經問定下晝食乜嘢。」
有一次姨婆教識彥仔開門，未料彥仔一日內出走八次去找鄰居要食物，「佢話好肚餓，食咗人哋八碗飯」。當遇到彥仔情緒失控時，姨婆更是一籌莫展，「一句唔畀佢食已經可以大發雷霆，又唔知佢幾時發脾氣」。今年初彥仔獲安排到地區支援中心學習，但3月時他不知何故在中心搗亂後再沒上堂。上月底兩人到黃大仙逛街時，彥仔突然發脾氣追打她，最後要「警察嚟到佢先靜晒」，姨婆說時仍激氣得流下淚來。
姨婆透露過去因為照顧彥仔辛若而一度患上情緒病，幸求助後「諗通咗」，「唔緊要啦，人哋教一日，我教一年囉，湊吓湊吓日子就過咗。」不過隨着年紀漸長，她擔心日後難再照顧彥仔，姨婆強忍淚水說︰「我希望佢走先過我！」她說得悲觀：「小胖威利症唔會好長命，可能30幾歲就會走，仲有十幾年，咪走埋落去囉，唔好諗咁多。」
長青網 - 一站式長者及護老者生活資訊網站
64歲人稱「姨婆」的林珍，多年來含辛茹苦將患有輕度智障兼「小胖威利症」的姨甥孫彥仔撫養成人，日常除了悉心照顧他的飲食起居，還經常面對彥仔情緒不穩，動輒發怒；最近一次她在街上被發脾氣的彥仔追打，作為照顧者的辛酸不足為外人道。
19歲的彥仔身高5呎2吋，體重達180磅，姨婆直呼他肥仔，感情如同母子。彥仔母親是姨婆的外甥女，彥仔出世後，父母離異，之後父親不知去向，母親則另組家庭，彥仔兩歲起一直由姨婆照顧。最初姨婆不知道彥仔患病，後來經診斷患有輕度智障及小胖威利症。患者食不知飽，也會情緒不穩。
「我希望佢走先過我」
雖然彥仔可自理大小二便，但姨婆無時無刻要照顧他的生活所需，身心俱疲。「好似帶佢出街，攞人哋便利店啲嘢，佢順手攞唔識，要成日睇住佢……」彥仔食不知飽亦令姨婆大傷腦筋，「佢成日偷嘢食，依家廚房門都要鎖住……去茶樓佢仲緊張，驚啲點心去咗隔籬枱……食早餐已經問定下晝食乜嘢。」
有一次姨婆教識彥仔開門，未料彥仔一日內出走八次去找鄰居要食物，「佢話好肚餓，食咗人哋八碗飯」。當遇到彥仔情緒失控時，姨婆更是一籌莫展，「一句唔畀佢食已經可以大發雷霆，又唔知佢幾時發脾氣」。今年初彥仔獲安排到地區支援中心學習，但3月時他不知何故在中心搗亂後再沒上堂。上月底兩人到黃大仙逛街時，彥仔突然發脾氣追打她，最後要「警察嚟到佢先靜晒」，姨婆說時仍激氣得流下淚來。
姨婆透露過去因為照顧彥仔辛若而一度患上情緒病，幸求助後「諗通咗」，「唔緊要啦，人哋教一日，我教一年囉，湊吓湊吓日子就過咗。」不過隨着年紀漸長，她擔心日後難再照顧彥仔，姨婆強忍淚水說︰「我希望佢走先過我！」她說得悲觀：「小胖威利症唔會好長命，可能30幾歲就會走，仲有十幾年，咪走埋落去囉，唔好諗咁多。」
長青網 - 一站式長者及護老者生活資訊網站
回應 (0)
