斥立會秘書處違中立原則

【蘋果日報】建制派立法會議員上周藉內務委員會指引，企圖DQ涂謹申主持法案委員會資格，立法會秘書處隨即發通告要求委員以書面通知是否接納，被民主派批評做法越權，偏幫建制。公務員事務局前局長王永平認為，秘書處理應拒絕建制派要求，又指今次做法有違中立和專業原則。
稱應拒代建制派發指引
王指民主派的確利用涂謹申主持會議拖延，但只要符合遊戲規則就沒問題。他以球賽為例，「有時嗰隊波贏緊，控球在腳，又係拉布。球迷支持佢就拍掌，唔支持就噓」。建制派若按遊戲規則在內會通過指引「換涂剪布」也無不妥，但指引要在會議上討論，「呢個係基本會議常規，冇話書面傳閱就簽名通過。咁唔係任何議會、會議嘅規定」。立法會秘書處亦應保持政治中立，拒絕代建制派發出指引，「冇Say No，就違反中立同專業。」
王2000至06年任公務員事務局長期間，為特首董建華推行主要官員問責制，他指當年問責制是希望鞏固公務員政治中立，令公務員毋須付上政治責任，政治責任由問責制官員承擔，但自上屆政府開始，公務員往往要以所謂「依法處理」作出政治決定。
以剝奪港獨及本土派人士參選權為例，選舉主任要負責政治審查，「特首、官員已經開晒口，話香港眾志嘅民主自決係唔通，但唔做決定，就交由公務員做決定；公務員惟有作文咁作，作幾頁紙，最後結論就係咁。其實幾荒謬，公務員唔應該做呢啲嘢」。
■記者羅繼盛
長青網 - 一站式長者及護老者生活資訊網站