新聞類別
港聞
詳情#
【蘋果日報】樂隊Boyz' Reborn成員出生於千禧年前後，前年、去年兩赴維園六四集會，唱自作曲《自由之歌》，小伙子說，真的有同輩以為六四發生在1964年，除了怪罪香港高舉名利仕途、少談公義理想之風，民選議員被DQ、人大粗暴釋法的政治現實同樣不友善，冷待歷史，或是無計可施下的選擇。樂隊沒有走在社運最前線，但一直創作宣揚自由、民主信念的歌，成員視音樂為「冇乜殺傷力嘅武器」，為傳承歷史默默革命。
到學校表演禁唱六四歌
Boyz' Reborn的九名成員多數是大專學生，1988年出生的Eddie以前是帶他們玩音樂的社工，早年化身為經理人，但更貼切的角色是帶來啟蒙的大哥哥。不少成員幾年前才跟着Eddie首赴燭光集會，Eddie笑言：「我唔係一個維園阿伯，好鍾意講新聞、好鍾意講政治，跟住係咁『導』佢哋，我最由衷嘅諗法係，人唔可以只諗自己享樂，你叫我（對年輕人）講，有社會問題唔好理啦、唔好講啦，我做唔出。」
受Eddie啟蒙的包括成員Ben，「第一次去（燭光集會）係覺得壯觀，見到咁多人為呢件事紀念，以前只係用歷史角度去睇呢件事，但其實迫害到今時今日仍然延續緊，對成件事有更多不忿」。另一成員Jason從小隨父母參加集會，他承認年幼時比較懵懂，爆發雨傘運動才有切身感受，「2014年掟催淚彈一刻，諗會唔會係第二個六四，一樣係咁多民眾集會，仲見到警方舉旗，叫人迅速離開否則開槍，就諗起六四軍人用子彈、用坦克鎮壓學生」。
9.28當日，小伙子們各自在家看電視直播，隨後是零散地各自到佔領區，部份成員的父母沒有反對，但Ben透露，當年跟父母不時因此爭執。
Ben的父母不太支持他「掂政治」，「玩乜都好，點解要掂政治？」他說父母支持他玩音樂，但不喜歡音樂題材涉及社會事，「但我覺得唔應該只係關心前途，人生唔係只係為自己而活，要關心身邊嘅人」。Ben是樂隊主音之一，因為擔心家人看法，2017年Boyz' Reborn首次獲邀到燭光集會唱《自由之歌》，他選擇缺席；去年Boyz' Reborn再獲邀，他就笑言「豁出去」出席。
Boyz' Reborn形象正面，不時獲邀到學校、社區中心表演，然而「審查」無處不在，Ben透露：「有啲學校會提，（六四歌曲）最好唔好唱。」經理人Eddie補充，邀請他們的老師或社工，必定是認同樂隊理念，但也要考慮其他老師、家長及同學或有不同立場，「會揀比較軟性嘅歌，唔係咁入肉講六四」。偶爾也有令人鼓舞的例外，曾有學校專誠邀請樂隊出席早會唱《自由之歌》，表演前，校方為學生播放的是支聯會六四紀錄片。
Beyond的《海闊天空》曾經響徹佔領區，誰料之後「今天我」竟儼如諷刺人聽着歌、圍着爐取暖的一句歇後語。Jason坦言：「你唱咗首歌，然後個政權冧咗，咁當然唔會。」阿佳補充，從不奢望音樂能夠改變制度，只是當人民長期與政權有衝突，正正需要用音樂來團結人心、表達情感支持，他舉例說明：「唔會話唱完歌就變得好好，聽日就唔會有學生自殺，但至少令佢哋（例如情緒困擾者）知道，有人明白佢哋。」
■記者周 婷
長青網 - 一站式長者及護老者生活資訊網站
到學校表演禁唱六四歌
Boyz' Reborn的九名成員多數是大專學生，1988年出生的Eddie以前是帶他們玩音樂的社工，早年化身為經理人，但更貼切的角色是帶來啟蒙的大哥哥。不少成員幾年前才跟着Eddie首赴燭光集會，Eddie笑言：「我唔係一個維園阿伯，好鍾意講新聞、好鍾意講政治，跟住係咁『導』佢哋，我最由衷嘅諗法係，人唔可以只諗自己享樂，你叫我（對年輕人）講，有社會問題唔好理啦、唔好講啦，我做唔出。」
受Eddie啟蒙的包括成員Ben，「第一次去（燭光集會）係覺得壯觀，見到咁多人為呢件事紀念，以前只係用歷史角度去睇呢件事，但其實迫害到今時今日仍然延續緊，對成件事有更多不忿」。另一成員Jason從小隨父母參加集會，他承認年幼時比較懵懂，爆發雨傘運動才有切身感受，「2014年掟催淚彈一刻，諗會唔會係第二個六四，一樣係咁多民眾集會，仲見到警方舉旗，叫人迅速離開否則開槍，就諗起六四軍人用子彈、用坦克鎮壓學生」。
9.28當日，小伙子們各自在家看電視直播，隨後是零散地各自到佔領區，部份成員的父母沒有反對，但Ben透露，當年跟父母不時因此爭執。
Ben的父母不太支持他「掂政治」，「玩乜都好，點解要掂政治？」他說父母支持他玩音樂，但不喜歡音樂題材涉及社會事，「但我覺得唔應該只係關心前途，人生唔係只係為自己而活，要關心身邊嘅人」。Ben是樂隊主音之一，因為擔心家人看法，2017年Boyz' Reborn首次獲邀到燭光集會唱《自由之歌》，他選擇缺席；去年Boyz' Reborn再獲邀，他就笑言「豁出去」出席。
Boyz' Reborn形象正面，不時獲邀到學校、社區中心表演，然而「審查」無處不在，Ben透露：「有啲學校會提，（六四歌曲）最好唔好唱。」經理人Eddie補充，邀請他們的老師或社工，必定是認同樂隊理念，但也要考慮其他老師、家長及同學或有不同立場，「會揀比較軟性嘅歌，唔係咁入肉講六四」。偶爾也有令人鼓舞的例外，曾有學校專誠邀請樂隊出席早會唱《自由之歌》，表演前，校方為學生播放的是支聯會六四紀錄片。
Beyond的《海闊天空》曾經響徹佔領區，誰料之後「今天我」竟儼如諷刺人聽着歌、圍着爐取暖的一句歇後語。Jason坦言：「你唱咗首歌，然後個政權冧咗，咁當然唔會。」阿佳補充，從不奢望音樂能夠改變制度，只是當人民長期與政權有衝突，正正需要用音樂來團結人心、表達情感支持，他舉例說明：「唔會話唱完歌就變得好好，聽日就唔會有學生自殺，但至少令佢哋（例如情緒困擾者）知道，有人明白佢哋。」
■記者周 婷
長青網 - 一站式長者及護老者生活資訊網站
回應 (0)
