新聞類別
港聞
詳情#
【蘋果日報】【六四30年】社工黎國傑，家中有一衣櫃的「六四戰衣」，印上「平反六四」的口號，穿在身上在城市遊走，像一幅幅另類的流動風景。黑的、白的，儘管T恤上民主女神高舉的火炬在褪色；儘管車廂內的低頭族，根本沒空看上一眼，他還是很堅持。跑步、坐港鐵，甚至和妻女去外地旅行，十多年來，無懼北風橫吹，他都穿在身上。「至少可以藉呢件衫，表達信念」。提醒自己提醒別人，不要遺忘這段30年前血染的歷史。「有啲人叫我唔好咁執着，但當權者又點解要咁執着，唔畀我哋提呢？」悼念、毋忘，可以不同方式，可以很日常，誰說只是一年一度行禮如儀？是日穿上招牌戰衣受訪的阿傑反問。
記者：呂麗嬋
「年前李克強訪港，喺麗港城有個穿上六四Tee嘅男人被警察拉走，我即時收到幾個同事嘅電話，問係咪我？我話梗唔係啦，不過可見我呢個形象，原來喺朋友圈已入心入肺。」43歲任職院舍社工的阿傑說。每年5月，支聯會都會舉辦六四長跑活動，今年就由尖沙嘴鐘樓跑到中聯辦，全長30公里。「09年開始參加，嗰時仲係20公里」。里數與周年掛鈎，一跑10年，阿傑笑說就是跑到變全馬（42公里），仍會繼續：「平反六四，係有啲遙遠，但好多年前，都冇人可以想到，有朝一日太空船可以上到月球。」
阿傑：「有啲朋友見到覺得驚，好唔自然，覺得你搞敵對，擔心你好激，總之就係異類，其實我唔打得又唔衝得，只係着住件衫以和平表達嘅方式展示我認同嘅信念，如果你有反思，呢件事就有意義。」
自言只是升斗市民，性格又內斂害羞，讓穿上戰衣成為日常，他直言初時總怕別人投以奇怪目光，成為「異類」。「唔係遊行唔係示威，最初着返工，都會擔心唔知同事點諗……」硬着頭皮繼續，說服自己等於有些人會着心口印上大個牌子的T恤，只是「呢個牌子（支聯會）唔係大家認識嘅牌子」。穿着穿着，原來沒甚麼，有時更成為與別人打開六四話盒子的契機；有時在路上跑，又會驟變為同路人的標記，互不相識點頭微笑，總讓他心頭一暖。大抵「平反六四」四個字，牽動一代人的心，可以是沉痛、可以是憤怒，甚至是尷尬，但阿傑說，請不要麻木無感。
「要記住，當年有班學生，為民主運動付出咗好多。」89年，阿傑仍只是中一學生，但他直言，六四，是最好的公民教育，是讓他對政治，對香港，對國情港情，投入關注的一粒種子。「華叔（司徒華）對我影響好大，我最記得第一年參加六四長跑，就見到華叔，當時佢已經係個老人家，佢同大家講，要跑落去，直至六四平反。」敬重華叔對民主的執着、對國家的情懷，他說：「就算係自稱左派的人，對華叔都好尊敬，欣賞佢嘅擇善固執。」自那次開始，阿傑每年都參加長跑，是對自己的承諾。
支聯會人手不足，所謂的長跑隊，基本上是「無人駕駛」的自由活動，聚集了一班喜歡馬拉松的跑友，透過手機群組相約友誼跑，左中右舉辦的跑步比賽，他們都會參加。只是物換星移，社會分裂，大氣候早改變，說起六四，昔日一同去燭光集會參加大遊行的同路人，勸他「往前看」；年輕人說是「鄰國之事」，不予理會。「佔中之後，社會壁壘分明，工聯會嘅國慶跑，我參加咗5、6 年，最近一次，都係着住件六四Tee，沿途不斷俾人指罵，話我嚟踩場，唔尊重大會……」雖是不太愉快的經驗，但他說未來仍會繼續參加，還要盡力跑，爭取好成績爭取上台領獎，讓更多人有機會看到戰衣上的訊息。
「可以的話我會想報名參加澳門馬拉松，想試吓水溫，確定一下係自己諗多咗，定係根本連入境都入唔到。」作為社工，他說初心從沒變，有些人用言語、有些人用文字，他就用一件衫、用衫上的口號，助身邊認識或不認識的人，喚回遺忘了的記憶，也許沉重，卻也卑微。
黎國傑指：「有啲朋友見到覺得驚，好唔自然，覺得你搞敵對，擔心你好激，總之就係異類，其實我唔打得又唔衝得，只係着住件衫，以和平表達嘅方式，展示我認同嘅信念，如果讓你有反思，呢件事就有意義。」
「政權用不同方法，唔想你去反思呢件事，正因如此，我覺得更應該堅持，我衫上嘅訊息，令你知道我係乜嘢人，知道我嘅堅持，我覺得係正面多於負面。」阿傑說，這件衫，就像一面照妖鏡，看到一個人的價值觀。「無力唔等於冇嘢可以做，做社工，就係想影響身邊人，至少要記住，呢啲係做人嘅基本價值。」在他心中，這從來都是大是大非。「最開心係有個朋友P咗張圖畀我，係我着住戰衣跑步，背景係萬里長城，希望真係可以見證呢一日。」阿傑說。
倫sir：「唔係參加燭光集會先係悼念，跑步就係最生活化嘅悼念，參加座談會、睇一本書甚至寫一篇文，有何不可？」
與黎國傑抱相近想法的，還包括首年參加六四長跑的社會工作者總工會會長倫智偉。月前中大跑，人稱倫sir的他就身披寫上「平反六四越走越近」口號的T恤出戰，他說戰衣由來有段古：「上年我跑咗16、17個比賽，其中一個係工聯會嘅國慶跑，剛好睇完《消失的檔案》，好氣憤，就以倫彬呢個名報名」。到現場，他乾脆將號碼布改為1967林彬，以他眼中最溫和靜態的方式表達不滿。那想到他那帶點戲謔的跑步照，竟輾轉被貼上一個「跑步谷」，在群組引起一番議論：「有人覺得跑步同政治要分開，有人覺得靜態表達，讓訊息傳達到出去係好事。」
儘管意見不同，但有討論總好過靜如死海。有六四長跑隊成員透過社交媒體說要贈他戰衣，他欣然接受，在中大舉行的馬拉松比賽中披上；今年4月更首度以社總名義參加六四長跑，將平反六四的訊息藉跑步帶進社區。「今日睇也許係越走越遠，但歷史的發展當時係預測不了，可能好遠，也可能好近，邊個講得埋？」1989年，他和黎國傑一樣，也是中一生。「死咗好多人，學校停課，老師講起都會眼濕濕。」愛寫書法的他，幫忙做過一個「冥」的壁報板，只此而已。
直至五年之後，中六那年他出任學生會會長，在儲物櫃發現一盒1989年的錄音帶，才真正認識六四。「那是六四前，喺圖書館舉行有關五四運動嘅講座，主講嘅係教我文學科老師，佢話中共不會容許咁做，會強硬鎮壓……」六四前的分析，竟出奇地應驗了，讓他明白，為何要讀歷史。「我最記得中二時西史老師問我哋點解要讀歷史，嗰時真係答唔出，文藝復興，關我乜事？香港人咁鍾意日本，點解唔讀日本歷史？因為呢盒帶，我終於知道，讀歷史唔係冇用，原來可以落地。」
相隔五年的啟蒙，讓他向文學老師主動求問，探索六四事件的前因後果。一直做青年外展工作的倫sir，明白年輕一代為何對六四「冷感」。「我係70年代出世嘅人，出席燭光集會有時都會覺得好長好悶，何況係從冇經歷過嘅新一代？」
他說不會以狹窄的民族主義角度看六四事件，但也認為絕對不是事不關己。「唔係一味只係參加燭光集會先係悼念，跑步就係最生活化嘅悼念方式，參加座談會、睇一本書，甚至寫一篇文章，有何不可？」
長青網 - 一站式長者及護老者生活資訊網站
記者：呂麗嬋
「年前李克強訪港，喺麗港城有個穿上六四Tee嘅男人被警察拉走，我即時收到幾個同事嘅電話，問係咪我？我話梗唔係啦，不過可見我呢個形象，原來喺朋友圈已入心入肺。」43歲任職院舍社工的阿傑說。每年5月，支聯會都會舉辦六四長跑活動，今年就由尖沙嘴鐘樓跑到中聯辦，全長30公里。「09年開始參加，嗰時仲係20公里」。里數與周年掛鈎，一跑10年，阿傑笑說就是跑到變全馬（42公里），仍會繼續：「平反六四，係有啲遙遠，但好多年前，都冇人可以想到，有朝一日太空船可以上到月球。」
阿傑：「有啲朋友見到覺得驚，好唔自然，覺得你搞敵對，擔心你好激，總之就係異類，其實我唔打得又唔衝得，只係着住件衫以和平表達嘅方式展示我認同嘅信念，如果你有反思，呢件事就有意義。」
自言只是升斗市民，性格又內斂害羞，讓穿上戰衣成為日常，他直言初時總怕別人投以奇怪目光，成為「異類」。「唔係遊行唔係示威，最初着返工，都會擔心唔知同事點諗……」硬着頭皮繼續，說服自己等於有些人會着心口印上大個牌子的T恤，只是「呢個牌子（支聯會）唔係大家認識嘅牌子」。穿着穿着，原來沒甚麼，有時更成為與別人打開六四話盒子的契機；有時在路上跑，又會驟變為同路人的標記，互不相識點頭微笑，總讓他心頭一暖。大抵「平反六四」四個字，牽動一代人的心，可以是沉痛、可以是憤怒，甚至是尷尬，但阿傑說，請不要麻木無感。
「要記住，當年有班學生，為民主運動付出咗好多。」89年，阿傑仍只是中一學生，但他直言，六四，是最好的公民教育，是讓他對政治，對香港，對國情港情，投入關注的一粒種子。「華叔（司徒華）對我影響好大，我最記得第一年參加六四長跑，就見到華叔，當時佢已經係個老人家，佢同大家講，要跑落去，直至六四平反。」敬重華叔對民主的執着、對國家的情懷，他說：「就算係自稱左派的人，對華叔都好尊敬，欣賞佢嘅擇善固執。」自那次開始，阿傑每年都參加長跑，是對自己的承諾。
支聯會人手不足，所謂的長跑隊，基本上是「無人駕駛」的自由活動，聚集了一班喜歡馬拉松的跑友，透過手機群組相約友誼跑，左中右舉辦的跑步比賽，他們都會參加。只是物換星移，社會分裂，大氣候早改變，說起六四，昔日一同去燭光集會參加大遊行的同路人，勸他「往前看」；年輕人說是「鄰國之事」，不予理會。「佔中之後，社會壁壘分明，工聯會嘅國慶跑，我參加咗5、6 年，最近一次，都係着住件六四Tee，沿途不斷俾人指罵，話我嚟踩場，唔尊重大會……」雖是不太愉快的經驗，但他說未來仍會繼續參加，還要盡力跑，爭取好成績爭取上台領獎，讓更多人有機會看到戰衣上的訊息。
「可以的話我會想報名參加澳門馬拉松，想試吓水溫，確定一下係自己諗多咗，定係根本連入境都入唔到。」作為社工，他說初心從沒變，有些人用言語、有些人用文字，他就用一件衫、用衫上的口號，助身邊認識或不認識的人，喚回遺忘了的記憶，也許沉重，卻也卑微。
黎國傑指：「有啲朋友見到覺得驚，好唔自然，覺得你搞敵對，擔心你好激，總之就係異類，其實我唔打得又唔衝得，只係着住件衫，以和平表達嘅方式，展示我認同嘅信念，如果讓你有反思，呢件事就有意義。」
「政權用不同方法，唔想你去反思呢件事，正因如此，我覺得更應該堅持，我衫上嘅訊息，令你知道我係乜嘢人，知道我嘅堅持，我覺得係正面多於負面。」阿傑說，這件衫，就像一面照妖鏡，看到一個人的價值觀。「無力唔等於冇嘢可以做，做社工，就係想影響身邊人，至少要記住，呢啲係做人嘅基本價值。」在他心中，這從來都是大是大非。「最開心係有個朋友P咗張圖畀我，係我着住戰衣跑步，背景係萬里長城，希望真係可以見證呢一日。」阿傑說。
倫sir：「唔係參加燭光集會先係悼念，跑步就係最生活化嘅悼念，參加座談會、睇一本書甚至寫一篇文，有何不可？」
與黎國傑抱相近想法的，還包括首年參加六四長跑的社會工作者總工會會長倫智偉。月前中大跑，人稱倫sir的他就身披寫上「平反六四越走越近」口號的T恤出戰，他說戰衣由來有段古：「上年我跑咗16、17個比賽，其中一個係工聯會嘅國慶跑，剛好睇完《消失的檔案》，好氣憤，就以倫彬呢個名報名」。到現場，他乾脆將號碼布改為1967林彬，以他眼中最溫和靜態的方式表達不滿。那想到他那帶點戲謔的跑步照，竟輾轉被貼上一個「跑步谷」，在群組引起一番議論：「有人覺得跑步同政治要分開，有人覺得靜態表達，讓訊息傳達到出去係好事。」
儘管意見不同，但有討論總好過靜如死海。有六四長跑隊成員透過社交媒體說要贈他戰衣，他欣然接受，在中大舉行的馬拉松比賽中披上；今年4月更首度以社總名義參加六四長跑，將平反六四的訊息藉跑步帶進社區。「今日睇也許係越走越遠，但歷史的發展當時係預測不了，可能好遠，也可能好近，邊個講得埋？」1989年，他和黎國傑一樣，也是中一生。「死咗好多人，學校停課，老師講起都會眼濕濕。」愛寫書法的他，幫忙做過一個「冥」的壁報板，只此而已。
直至五年之後，中六那年他出任學生會會長，在儲物櫃發現一盒1989年的錄音帶，才真正認識六四。「那是六四前，喺圖書館舉行有關五四運動嘅講座，主講嘅係教我文學科老師，佢話中共不會容許咁做，會強硬鎮壓……」六四前的分析，竟出奇地應驗了，讓他明白，為何要讀歷史。「我最記得中二時西史老師問我哋點解要讀歷史，嗰時真係答唔出，文藝復興，關我乜事？香港人咁鍾意日本，點解唔讀日本歷史？因為呢盒帶，我終於知道，讀歷史唔係冇用，原來可以落地。」
相隔五年的啟蒙，讓他向文學老師主動求問，探索六四事件的前因後果。一直做青年外展工作的倫sir，明白年輕一代為何對六四「冷感」。「我係70年代出世嘅人，出席燭光集會有時都會覺得好長好悶，何況係從冇經歷過嘅新一代？」
他說不會以狹窄的民族主義角度看六四事件，但也認為絕對不是事不關己。「唔係一味只係參加燭光集會先係悼念，跑步就係最生活化嘅悼念方式，參加座談會、睇一本書，甚至寫一篇文章，有何不可？」
長青網 - 一站式長者及護老者生活資訊網站
回應 (0)
