新聞類別
財經
詳情#
【蘋果日報】
踏入五月份，相信唔少打工仔都收到綠色信封，無錯，又係報稅嘅日子，相信唔少打工仔同筆者一樣，除咗信用咭月結單之外，最唔鍾意就係見到稅單。唔鍾意還唔鍾意，但為咗盡公民義務，重點係唔想招致更大嘅損失（稅局有權罰錢，更麻煩嘅係有權告你），所以稅還是要報的。
既然避唔到，不如積極啲想辦法用盡可以扣稅嘅項目，除咗個人、供養父母、子女等免稅額，以及供樓利息扣稅之外，個人入息仲有一些項目可以扣稅，包括個人進修開支（需與現時工作有關），所以興趣班唔計；捐款（需要有單及每次超過100元），所以買旗唔計；以及強積金等等。
今年仲有一樣可以報，就係自願醫保，由於自願醫保今年四月先開始，但舊年11月就已經刊憲，而報稅表係報上個財政年度嘅收入，所以就唔會扣到稅，不過，大家都知稅務制度係有預繳，所以申報自願醫保就可以就今個年度收入扣稅。
最後，唔少人仲有炒股收入，個人入息稅，炒股收入唔使報，贏錢唔使交稅，輸錢亦都唔可以扣稅；不過，如果係開間公司炒股，就要申報，贏錢要交稅，輸錢可扣稅。
散子
http://fb.com/ 散子-257101397966975
長青網 - 一站式長者及護老者生活資訊網站
踏入五月份，相信唔少打工仔都收到綠色信封，無錯，又係報稅嘅日子，相信唔少打工仔同筆者一樣，除咗信用咭月結單之外，最唔鍾意就係見到稅單。唔鍾意還唔鍾意，但為咗盡公民義務，重點係唔想招致更大嘅損失（稅局有權罰錢，更麻煩嘅係有權告你），所以稅還是要報的。
既然避唔到，不如積極啲想辦法用盡可以扣稅嘅項目，除咗個人、供養父母、子女等免稅額，以及供樓利息扣稅之外，個人入息仲有一些項目可以扣稅，包括個人進修開支（需與現時工作有關），所以興趣班唔計；捐款（需要有單及每次超過100元），所以買旗唔計；以及強積金等等。
今年仲有一樣可以報，就係自願醫保，由於自願醫保今年四月先開始，但舊年11月就已經刊憲，而報稅表係報上個財政年度嘅收入，所以就唔會扣到稅，不過，大家都知稅務制度係有預繳，所以申報自願醫保就可以就今個年度收入扣稅。
最後，唔少人仲有炒股收入，個人入息稅，炒股收入唔使報，贏錢唔使交稅，輸錢亦都唔可以扣稅；不過，如果係開間公司炒股，就要申報，贏錢要交稅，輸錢可扣稅。
散子
http://fb.com/ 散子-257101397966975
長青網 - 一站式長者及護老者生活資訊網站
回應 (0)
