【中環在線】鷹君案下周判　羅老太：唔太緊張

【蘋果日報】鷹君（041）羅家爭產案醞釀多時，最終2016年底羅鷹石遺孀羅老太（圖）入稟告滙豐信託，將家族爭拗擺上法庭。兩年幾過去，呢單案將會喺本月22日判決，如果滙豐被撤換，家族信託好大機會重返羅老太手中，到時家族迎來巨大轉變；如果滙豐獲判繼續做委託人，相信家族心結亦難輕易解決。
華華聽聞，22號當日羅老太代表律師會到庭領取判詞及宣讀，然後迅速通知羅老太判詞內容。羅老太會靜心等候結果，唔會太緊張喎。咁幫阿媽打官司搏到盡嘅六子羅啟瑞呢？究竟佢緊唔緊張呢？佢答華華話：「輪唔到我緊張官司的結果，我已經盡力而為。我其實只緊張母親的感受！」
查實結果點都好，呢場名門爭拗可以話係近幾年比較矚目，華華都希望對陣雙方可以平心靜氣搵到個解決問題方法。
李華華
LiWaWa@AppleDaily.com
長青網 - 一站式長者及護老者生活資訊網站