林鄭拱手獻權「中央表態好合理」

【蘋果日報】上任之初曾豪言自己毋須中聯辦幫助拉票的林鄭月娥，企硬堅持修例鬧出軒然大波，換來港澳辦、中聯辦先後表態支持修例，西環更盛傳下令把法案直上大會。不願跟西環「行埋」的林鄭，昨日就拱手獻權，認為「中央表個態好合理」，又點名批評民主派阻礙審議：「邊個有權制訂修訂法例？係立法會」，希望立法會履行責任。
再以立會作擋箭牌
林鄭月娥昨日在廣州出席粵港合作聯席會議後會見傳媒，回應港澳辦及中聯辦先後高調表態支持修例。她附和西環說：「你話做呢件事有冇完善一國兩制的落實？當然有喇！」又指如中央對特區政府主導的工作符合《基本法》，有助落實一國兩制，「表個態都好合理」，但不存在所謂「死任務」，稱「呢件事做落去有社會支持」。
對於民主派堅持要撤回修例，林鄭重申無意撤回，指自己作為香港行政機關首長，看到香港制度有不足之處，就要履行憲制責任提出解決方法，同時卸責立法會，稱如解決方法涉及法例修訂，最終權在立法會，「喺《基本法》之下，邊個有權制訂、修訂法案？係立法會。所以我哋一直希望立法會履行佢嘅憲制責任」。
今次並非林鄭首次以立法會作擋箭牌。今年初，收緊長者綜援引來爭議，林鄭便曾推諉：「（政策）是各位（議員）批准。」公民黨黨魁、立法會議員楊岳橋回應，林鄭現時明顯要中央為她收拾爛攤子，是再一次引狼入室，而中聯辦已不介意走到台前直接指揮建制派，無視修例對香港影響深遠，「係政治高於理性」。他狠批林鄭：「一面唔願撤回修例話要維持自己管治威信，唔想做跛腳鴨，但佢現時做嘅一切，為達成呢個目的，根本係先打跛自己變跛腳鴨，呢個就係所謂嘅管治新風格？」
■記者陳珏明
長青網 - 一站式長者及護老者生活資訊網站