新聞類別
港聞
詳情#
【蘋果日報】「如果你想飲一杯理想嘅奶茶，你要畀少少耐性師傅去沖，畢竟係一種手作仔。」香港人營營役役，有幾多人有閒情逸致坐下來，慢慢細味每日為不少打工仔「招魂」的港式奶茶？67歲的錢寶信在茶餐廳沖奶茶近半世紀，曾榮獲兩屆香港金茶王冠軍寶座，教出12名徒弟，不怕後繼無人；已屆退休之齡仍未願退下來，只因仍在努力令擁有屬於自己茶檔的願景成真。眼見不少徒弟在大灣區經營茶餐廳發展不錯，但他堅持將來開茶檔定必扎根香港，因為生於斯，長於斯。
記者：張珮琪
攝影：劉柏麟
相關新聞：沖「絲襪奶茶」其實不用絲襪
錢寶信，人稱「寶師傅」，試過日沖六、七百杯奶茶仍面不改容，何謂一杯好奶茶，他說視乎個人口味，日飲兩、三杯的他，要求奶茶「有茶香、夠滑、唔䊹、溫度夠」。他習慣早餐一杯、午餐一杯，下午茶再來一杯試味，「如果你唔飲奶茶，你點知呢杯奶茶好唔好飲呢？」
沖奶茶步驟不離沖、撞、焗，唯一不同的是茶葉的配搭，粗茶香濃、幼茶顏色深出味快、中粗茶則取兩者之平衡。寶師傅的茶葉配方是一半幼茶、三成中粗茶、兩成粗茶。但茶葉每季都可能有不同，所以要不斷試味調校。「沖奶茶係一個挑戰，每日見到啲人好開心嚟飲我杯奶茶，我見到收返嚟啲杯，杯杯見底，都有種好開心嘅感覺」。
作為十兄弟姊妹的老大，六十年代已投身社會幫補家計，第一份工作是在茶餐廳送外賣，貪飲食業包住宿，憑着「聽話、肯做、企理」，由學做樓面到走入廚房水吧，當時二十出頭，「跳入水吧人工係多咗，同埋叫做有一門技術，水吧始終係出品部，要講技術」。不過，他中途曾轉行跟車，「有一次同車長食晏，一碟飯跟一杯茶，嗰杯茶可以講話難飲，先至激勵我返水吧做，我要沖好杯奶茶」。
常到內地與同行交流
多年來寶師傅在其崗位默默耕耘，直至2015年參加由香港咖啡紅茶協會舉辦的金茶王大賽，奪得香港及國際賽雙料冠軍。2017年適逢香港回歸十周年，「我想喺接近退休嗰時攞多個大獎先退休，喺人生多一個色彩」。在將近65歲之時再參賽，卻遇滑鐵盧失落國際冠軍，僅保持香港冠軍名銜，「志在參與，我都起碼攞過2015年同2017年兩屆香港冠軍，叫做不枉此生」。
康樂及文化事務署2017年公佈首份「香港非物質文化遺產代表作名錄」，港式奶茶是二十個項目之一，由殖民地時代的英式奶茶，經過百年演變而來。不過，未必人人都會認真欣賞，寶師傅慨嘆：「香港人嘅心態，覺得沖一杯奶茶唔係咁大不了，個個都識沖。」加上連部份老闆對奶茶也沒甚要求，「奶茶係做餐嘅免費贈飲，佢覺得唔需要講求你杯奶茶好唔好飲；你最緊要沖到畀個客，唔好畀佢追、唔好要佢等」。
一個銻壺的茶約沖到14杯奶茶，煲茶至少需時10多分鐘，寶師傅堅持茶葉未煲透不會奉客。摘冠後寶師傅多了機會到內地與同行交流，將沖奶茶手法傳開去，他指以前一般內地水吧沖奶茶方法錯誤，「佢哋通常沖完一壺放涼，再叮返熱，加啲奶畀客人」。
現時分別在內地經營茶餐廳的吳廸及羅勁龍，兩、三年前在交流會品嘗過寶師傅的奶茶後，向他拜師。吳廸稱，寶師傅沒有一口應承，他惟有採取「佢去邊度交流我都跟住去」的策略，積極參與以表誠意，最終經過半年，寶師傅答應教他沖奶茶，唯一要求他勿半途而廢。
堅持要在香港開茶檔
吳廸認同一般內地水吧沖奶茶「求其」，沒有標準。寶師傅指出，沖奶茶的茶葉、奶及水都很講究，因內地及澳門的貨源都不及香港，「香港嘅水質經過雙重過濾，茶葉可以百分百採用斯里蘭卡入口，奶亦用最好嘅」。因此，吳廸及羅勁龍在內地的茶餐廳，用來沖奶茶的水亦會額外過濾。
羅勁龍的茶餐廳已開業五年，他稱開業初期，一日只賣三、四十杯奶茶，周六假日只多賣約20杯；但他向寶師傅拜師學沖奶茶後，現時平日賣超過一百杯，假日高峯可賣二百至三百杯。吳廸笑說，雖然已學藝一段時間，但師傅仍不時「微服出巡」，「佢過嚟內地唔會預先講，突然之間企喺你側邊睇你點沖，突擊檢查」。
寶師傅已有12位徒弟，大部份是內地人，看到徒弟們在內地的餐飲發展不俗，記者問他有否考慮往大灣區開茶檔圓夢？「返內地發展同香港發展有好大距離，香港嘅貨源、食材、原料最優先，國內搵唔到，一定堅持要喺香港開茶檔，貨源一定係正貨」。
港故事
有些人有些事，越是美好越留不住。本土手藝、傳統行業、街頭老店，都帶給我們生活的溫度和記憶的厚度，如果你知道有這樣的故事，歡迎提供。（致電或WhatsApp 6383 6568 註明「港故事」）。
長青網 - 一站式長者及護老者生活資訊網站
記者：張珮琪
攝影：劉柏麟
相關新聞：沖「絲襪奶茶」其實不用絲襪
錢寶信，人稱「寶師傅」，試過日沖六、七百杯奶茶仍面不改容，何謂一杯好奶茶，他說視乎個人口味，日飲兩、三杯的他，要求奶茶「有茶香、夠滑、唔䊹、溫度夠」。他習慣早餐一杯、午餐一杯，下午茶再來一杯試味，「如果你唔飲奶茶，你點知呢杯奶茶好唔好飲呢？」
沖奶茶步驟不離沖、撞、焗，唯一不同的是茶葉的配搭，粗茶香濃、幼茶顏色深出味快、中粗茶則取兩者之平衡。寶師傅的茶葉配方是一半幼茶、三成中粗茶、兩成粗茶。但茶葉每季都可能有不同，所以要不斷試味調校。「沖奶茶係一個挑戰，每日見到啲人好開心嚟飲我杯奶茶，我見到收返嚟啲杯，杯杯見底，都有種好開心嘅感覺」。
作為十兄弟姊妹的老大，六十年代已投身社會幫補家計，第一份工作是在茶餐廳送外賣，貪飲食業包住宿，憑着「聽話、肯做、企理」，由學做樓面到走入廚房水吧，當時二十出頭，「跳入水吧人工係多咗，同埋叫做有一門技術，水吧始終係出品部，要講技術」。不過，他中途曾轉行跟車，「有一次同車長食晏，一碟飯跟一杯茶，嗰杯茶可以講話難飲，先至激勵我返水吧做，我要沖好杯奶茶」。
常到內地與同行交流
多年來寶師傅在其崗位默默耕耘，直至2015年參加由香港咖啡紅茶協會舉辦的金茶王大賽，奪得香港及國際賽雙料冠軍。2017年適逢香港回歸十周年，「我想喺接近退休嗰時攞多個大獎先退休，喺人生多一個色彩」。在將近65歲之時再參賽，卻遇滑鐵盧失落國際冠軍，僅保持香港冠軍名銜，「志在參與，我都起碼攞過2015年同2017年兩屆香港冠軍，叫做不枉此生」。
康樂及文化事務署2017年公佈首份「香港非物質文化遺產代表作名錄」，港式奶茶是二十個項目之一，由殖民地時代的英式奶茶，經過百年演變而來。不過，未必人人都會認真欣賞，寶師傅慨嘆：「香港人嘅心態，覺得沖一杯奶茶唔係咁大不了，個個都識沖。」加上連部份老闆對奶茶也沒甚要求，「奶茶係做餐嘅免費贈飲，佢覺得唔需要講求你杯奶茶好唔好飲；你最緊要沖到畀個客，唔好畀佢追、唔好要佢等」。
一個銻壺的茶約沖到14杯奶茶，煲茶至少需時10多分鐘，寶師傅堅持茶葉未煲透不會奉客。摘冠後寶師傅多了機會到內地與同行交流，將沖奶茶手法傳開去，他指以前一般內地水吧沖奶茶方法錯誤，「佢哋通常沖完一壺放涼，再叮返熱，加啲奶畀客人」。
現時分別在內地經營茶餐廳的吳廸及羅勁龍，兩、三年前在交流會品嘗過寶師傅的奶茶後，向他拜師。吳廸稱，寶師傅沒有一口應承，他惟有採取「佢去邊度交流我都跟住去」的策略，積極參與以表誠意，最終經過半年，寶師傅答應教他沖奶茶，唯一要求他勿半途而廢。
堅持要在香港開茶檔
吳廸認同一般內地水吧沖奶茶「求其」，沒有標準。寶師傅指出，沖奶茶的茶葉、奶及水都很講究，因內地及澳門的貨源都不及香港，「香港嘅水質經過雙重過濾，茶葉可以百分百採用斯里蘭卡入口，奶亦用最好嘅」。因此，吳廸及羅勁龍在內地的茶餐廳，用來沖奶茶的水亦會額外過濾。
羅勁龍的茶餐廳已開業五年，他稱開業初期，一日只賣三、四十杯奶茶，周六假日只多賣約20杯；但他向寶師傅拜師學沖奶茶後，現時平日賣超過一百杯，假日高峯可賣二百至三百杯。吳廸笑說，雖然已學藝一段時間，但師傅仍不時「微服出巡」，「佢過嚟內地唔會預先講，突然之間企喺你側邊睇你點沖，突擊檢查」。
寶師傅已有12位徒弟，大部份是內地人，看到徒弟們在內地的餐飲發展不俗，記者問他有否考慮往大灣區開茶檔圓夢？「返內地發展同香港發展有好大距離，香港嘅貨源、食材、原料最優先，國內搵唔到，一定堅持要喺香港開茶檔，貨源一定係正貨」。
港故事
有些人有些事，越是美好越留不住。本土手藝、傳統行業、街頭老店，都帶給我們生活的溫度和記憶的厚度，如果你知道有這樣的故事，歡迎提供。（致電或WhatsApp 6383 6568 註明「港故事」）。
長青網 - 一站式長者及護老者生活資訊網站
回應 (0)
