新聞類別
財經
詳情#
【蘋果日報】居日近廿年的線上營銷公司老闆梁文彥（Daniel），受訪前放任髮尾亂翹，日籍妻子看不過眼，出盡法寶把髮型弄得貼服。㗎妹溫婉可人，Daniel在日本還自置物業、開創公司，40多歲完成哈日族的夢想，儼如人生贏家，但年少在港時，原是古惑仔一名。
「我細個嘅記憶淨係得阿爸鬧我」，嚴父張嘴罵出個「陀地」。Daniel中學跟大佬，群毆隻揪、偷竊入差館，即使陪母親到教會，轉頭又到後門煲煙，後來被送到加拿大讀書成轉捩點。在外國靜心反思後，Daniel總算改邪歸正，恰巧在咖啡室交到許多日籍朋友，萌生赴日發展的念頭。一位日籍友人更成為其太太，性格百般遷就，全因日人看重「女子力」，意指怎樣發揮女性獨有魅力對待異性。像是訪問當天，妻子早就起床化妝，「塊面咁鬼污糟核突，唔化妝可以點啊！唔係為畀老公睇，係一個基本動作。」港女這方面相形見絀。
日本職場有獨特文化
日本職場有其獨特文化。「呢度唔會炒人，只會迫你走」，皆因直接辭退員工會影響公司風評，管理層寧願曲線達到目標。Daniel還說轉工多寡亦會影響樓按息率，「如果近年有轉過工，有可能按揭利息會高好多。如果你喺大公司做得越耐就越低息」。在日打工數年後，他決定創業，如今在東京及大阪各設辦公室，企業年收入10億日圓（約7,171萬港元），文化差異感受更深。舉例開發一套軟件，當地人需時一年編寫，出品幾乎完美；香港公司則三個月起貨，「做嘢非常快，但係去到某一個程度就會停，唔會去到最好」。假如滿分100分，國際標準在70分，日產軟件初版就已經有98分，而港產作品開發到國際標準就收手。不過，力臻完美換來超長工時文化，壓力長年積累，「30個人做，可能就有1、2個有憂鬱症」。
營商多年、日語流利的Daniel，傾談生意暢順，但瑣碎事不免有阻滯，如租用辦公室時頻被拒，因對方無出租物業予外國人公司經驗，不了解就索性落閘，「畀貴啲租都唔得」。Daniel一家住在大阪府北邊一戶建，稱當地房產「冇得炒」，要東京近鐵路公寓才有升值可能。
記者：陳東陽
長青網 - 一站式長者及護老者生活資訊網站
「我細個嘅記憶淨係得阿爸鬧我」，嚴父張嘴罵出個「陀地」。Daniel中學跟大佬，群毆隻揪、偷竊入差館，即使陪母親到教會，轉頭又到後門煲煙，後來被送到加拿大讀書成轉捩點。在外國靜心反思後，Daniel總算改邪歸正，恰巧在咖啡室交到許多日籍朋友，萌生赴日發展的念頭。一位日籍友人更成為其太太，性格百般遷就，全因日人看重「女子力」，意指怎樣發揮女性獨有魅力對待異性。像是訪問當天，妻子早就起床化妝，「塊面咁鬼污糟核突，唔化妝可以點啊！唔係為畀老公睇，係一個基本動作。」港女這方面相形見絀。
日本職場有獨特文化
日本職場有其獨特文化。「呢度唔會炒人，只會迫你走」，皆因直接辭退員工會影響公司風評，管理層寧願曲線達到目標。Daniel還說轉工多寡亦會影響樓按息率，「如果近年有轉過工，有可能按揭利息會高好多。如果你喺大公司做得越耐就越低息」。在日打工數年後，他決定創業，如今在東京及大阪各設辦公室，企業年收入10億日圓（約7,171萬港元），文化差異感受更深。舉例開發一套軟件，當地人需時一年編寫，出品幾乎完美；香港公司則三個月起貨，「做嘢非常快，但係去到某一個程度就會停，唔會去到最好」。假如滿分100分，國際標準在70分，日產軟件初版就已經有98分，而港產作品開發到國際標準就收手。不過，力臻完美換來超長工時文化，壓力長年積累，「30個人做，可能就有1、2個有憂鬱症」。
營商多年、日語流利的Daniel，傾談生意暢順，但瑣碎事不免有阻滯，如租用辦公室時頻被拒，因對方無出租物業予外國人公司經驗，不了解就索性落閘，「畀貴啲租都唔得」。Daniel一家住在大阪府北邊一戶建，稱當地房產「冇得炒」，要東京近鐵路公寓才有升值可能。
記者：陳東陽
長青網 - 一站式長者及護老者生活資訊網站
回應 (0)
