港女福田置業「生活空間大過香港」

【蘋果日報】深圳政府力谷GDP，雖然治安、食物安全為人詬病，但對部份港人來說，仍是個居住舒適、快樂指數高的城市。
指街道衞生差
90後Emily每周末都會返回位於福田的物業，她指一年前以400萬元人民幣買到一個市中心的500方呎單位，生活空間遠比香港大，而且生活非常方便，「生果有人洗完送上門，打邊爐都可以叫外賣，第二日有人嚟收。我試過夜晚11點要買指甲油，竟然落單半個鐘就有人送到」。她認為唯一不足的，是街道衞生差。
以往長居內地做生意的游女士近年回流，她指內地老闆出手比香港老闆闊綽，認為因深圳發展速度快。她認為，深圳民眾的生活質素不斷改善，笑容比香港人燦爛，「不過20幾歲嘅新一代，冇40歲個代咁勤力，因為佢哋唔使捱苦，動力較低」。
至於內地的食物安全，游女士指內地小農戶的產品無農藥及激素，質素比大批量進口香港的更高，活雞更鮮味。港人感覺內地治安較差，她稱過往住的地區治安不錯，「喺香港，你住深水埗都會覺得雜，但你住太古城唔會覺得治安唔好」。不過因身邊朋友在港居住，故她較多時間留在香港。
游女士表示，往日內地人雖然比較笨，做事沒有計劃，但比較單純，現時則有部份人「太精」，利益計到盡。
在她眼中，內地人不習慣付出，「香港人唔習慣每次都要對方請客，我接觸嘅人唔會唔好意思。我開始有教育吓親戚，話不如今餐你畀，等佢哋習慣吓」。她指過去50年內地人一直接受香港的饋贈，故不習慣付出。
長青網 - 一站式長者及護老者生活資訊網站