新聞類別
港聞
詳情#
【蘋果日報】30年前，傅景華還是港大工程學院一年級生，他與同學在宿舍發起名為「突破新聞封鎖」的行動，利用傳真機將北京民運的消息傳到內地各省市；30年後，他回到母校，帶領研究團隊開發系統，讓在微博和微信被刪走的帖文重見天日，成為外界「認清中國真實民情」的窗口。「如果唔係六四，或者我會繼續做工程師，而唔係走去做記者，轉埋科做社會研究。」人生環環緊扣，30年過去，由熱血大學生到成為知名學者，以科技運用大數據把脈民情，讓被壓制的聲音顯影，作為經歷八九民運啟蒙的一代，他說責無旁貸。
記者︰呂麗嬋
資訊流通有多重要，港大新聞及傳播中心副教授傅景華深有體會。每逢臨近六四，禁區特別多，尤其今年30周年，不單內地的維權人士被提早軟禁，受嚴密監控的內地社交媒體，更提早「宵禁」。在微信及微博等內地最廣泛使用的平台，64、89固容不下，就是「8x8」、「5月35日」，也成引發聯想的敏感數字；坦克和燭光，甚至是梅艷芳頭像，以至空無一人的維園，也是禁忌。有人死心不息，以電腦符號砌成坦克車突破封鎖，讓網民有機會閱讀、轉發，但沒一陣，還是敵不過無處不在的網絡管理員，統統被消失。
鬥快儲存 刪帖重見天日
「周保松（中大政治及行政學系教授）係被監察嘅KOL，唔係六四嗰日，佢6月2日喺微博問：請問今天是幾月幾日？一樣冇得留低」。還有李旺陽的繩、劉曉波的空凳，一上載，就觸動敏感神經，極速消失在公眾視野。2010年，早由工程學院轉為社會科學研究的傅景華，一直關心中國事務，當年他就僅以數萬元經費，成功研發「微博視野」（WeiboScope）系統，透過程式將帖文留底及分析，除將刪帖重見天日，又附上英譯功能，供外界了解內地的真實民情，吸引外媒如《華爾街日報》及BBC等廣泛報道。
除微博，今年1月，他帶領的研究團隊，又公佈微信審查報告，發現在共收錄的104萬篇文章中，約11,000篇被屏蔽，帖子內容五花八門，由中美貿易戰、黑心疫苗，到DNA編輯嬰兒倫理風暴等不一而足。「呢種科技與媒體結合，形成巨大影響力，早二、三十年前，的確難以想像，就如當年我哋冇諗過今日大部份人可透過手機接收資訊」。2009年，微博剛興起，中國政府不容許百姓暢所欲言，但又容許表達意見，刪帖和隨之誕生的「河蟹」，成為特殊的中國現象，造就了他往後研究的方向。
「要畀人知刪咗啲咩，最直接嘅方法就係同佢鬥快，未刪前儲咗入資料庫先」。2010年正式開發系統，高峯期一年間儲下過億條帖，確定被刪的也有過千萬條。近年，大數據成新貴，他的研究亦備受關注，除了延伸至微信平台，他也發現審查機構除了「被動刪帖」，近年還「主動製造民意」：「大多針對海外華人圈子，佢哋雖身處資訊自由嘅社會，但好多人特別係中國人，多數仍然透過微信接收訊息。」只是，要抽出網絡無間道或五毛不容易。「只能係懷疑，最明顯係微信公號，每日發佈量一般有限制，若同一公號卻可一日出十個post，就好可疑」。
這種角力，無日無之。在嚴密監控下如何突破封鎖，讓訊息流通，一直是他的初心。1988年入港大，翌年北京發生八九民運，當年仍是一年級生的傅景華，不諱言六四事件對他影響深遠。「嗰時住大學堂，係宿生會主席，如果唔係六四，或者我會繼續做工程師，而唔係走去做記者，轉埋科做社會研究」。那些年，同舍堂的不是讀工科，就是醫科生。「30年前港大冇傳播系，係因為六四，令我親身體會媒體嘅影響力」。那是中國的八九民運、也是香港的八九民運，百萬人大遊行、《文匯報》歷史性開天窗，港人冒着8號風球上街，只為聲援學生。
最壞時代 港人仗義助傳訊
「喺宿舍，日日圍住電視睇新聞，追看最新消息，就是不問世事嘅同學，當時亦熱血上街……我最記得5月係大學考試季節，因為太多學生參與集會，連考試也被迫改期。」由4月15日胡耀邦逝世、學生撰寫打動人心的絕食書，到六四前夕廣場熄燈，每一個時刻，都牽動香港人的心。「有啲同學上咗北京，我哋喺香港日日睇住新聞，唔想只係坐喺度」。「好想做的嘢」，促使傅景華與同學在宿舍成立「突破新聞封鎖」的組織，將每日的民運資訊傳真到內地。
「嗰個年代，通訊冇今日咁發達，唔好話電腦，就算係傳真機，都係大公司先有，我哋一班同學，就每日將新聞排成一張A4紙，然後聯絡啲公司，希望佢哋幫忙，將呢啲民運訊息傳真畀佢哋唔同嘅客戶」。那些年，香港人無分彼此，身處最壞時代，也是最無私仗義的時代。「就算係同大陸有生意往來嘅公司，都好樂意幫手，唔覺得敏感，大家都覺得，學生嘅要求好合理，大家都好支持，希望出一分力，嗰時，內地其他省市，仲又好多人唔知北京發生咁大件事。」
儘管事隔30年，他說至今仍是刻骨銘心的記憶。那時同學分工合作，有人聯絡不同公司，要求代傳真每日新聞；有人利用宿舍內獲贊助購買的幾部傳真機，逐一傳真剪報把資訊北傳，只為突破新聞封鎖，讓更多人了解事件，作出援助，甚至電話公司也免費提供服務，無分身份、政治信仰。「今日香港社會好分化，也互相不信任，但八九民運，係今日好多人想像唔到嘅社會環境，全個社會都好齊心，我最記得8號風球，宿舍入面好多同學出去參加遊行，嗰時大風大雨，都係啲教授車我哋一齊落去。」
民運之火猛燒，一發不可收拾，當年利用傳真機山寨式突破新聞封鎖的方法，就如一粒種子，讓他感受到傳播資訊的力量，也讓他深切體會，自由資訊的可貴。「今日講好多大數據，科學同傳播結合，呢啲都係以前無法想像嘅事」。那些年突破封鎖審查，今日開發反審查系統，希望令資訊流通的空間擴闊，他形容是「一脈相通」。「對於我哋一代嚟講，由諗嘢到選擇工作，多少同六四都有關係，啟蒙嘅力量係好大，就好似我現在嘅學生，影響佢哋嘅就係雨傘運動。」
爸爸在報館任編輯，傅自小喜歡投稿，讀工程出身，笑謂自己不算典型文青：「文青喺我個年代，應該係攬住個魯迅像嗰種，我係鍾意寫吓嘢，但更鍾意拆嘢出嚟研究」。工程當年是吃香科目，難入程度堪比神科（醫科）。只是人生就是始料不及，六四後嚇怕不少港人，移民他去，留下的更關心香港前途，傅積極參與學生會工作，因出任學生會外務副會長，休學一年。
「搞學生會、入學聯，接觸好多記者，對媒體嘅影響，印象好深」。八九民運前後，香港政制發展的討論極為熾熱，雙查方案，91直選後翌年李光耀訪港，見證大時代的大學生，關心社會，希望改革，順理成章。就如他，畢業後到科大讀碩士，讀的仍是工程，1995年畢業，他卻沒選擇做電子工程師，而是跑了去做記者，以另一身份見證香港主權移交，那粒在舍堂種下的種子，原來在不知不覺間發了芽。
盼青年了解昔日港人正義感
「96年科網熱，我讀電子工程，都叫做相關，咁啱《信報》請人，就入咗去做記者，做有關科技政策嘅新聞」。其時香港正歷樓市崩潰，科網狂潮席捲，主權移交後頭數年，政府積極推行科技政策如數碼港和科學園計劃，但這股狂潮快來也快去，千禧後科網爆破，他亦重返校園，在科大轉讀社會科學系碩士，又回母校港大攻讀博士，2009年畢業，獲港大資助開發「微博視野」，正式投入大數據時代，也正式投入他的人生下半場。
只是物換星移，六四30年，今日的年輕學生說「唔關我事」，他直言感到心痛。「我明白佢哋無親身經歷過，未必好了解，但不了解甚至誤解都唔緊要，如根本不想了解，咁先最難搞，因為你連了解嘅動力都冇」。有些人甚至將「悼念六四」等同「大中華膠」，他認為是過份簡化的說法。「香港從來都好抽離，所謂嘅大中華膠，從來係少數，當年咁多香港人出嚟聲援，係純粹出於正義感，八九民運我認為更接近本土民主運動，如百萬人大遊行、《民主歌聲獻中華》，如只簡化又貪方便地將大中華膠套入去，係好唔公平」。
今年是六四30周年，這個受八九民運啟蒙的學者，直言不想港大缺席悼念，會以教職員身份，在校園籌備連串活動。「今年5月，我同另外幾個學者會去哈佛大學出席關於六四嘅研究會，不過4月15日就會喺港大先搞一場，呢一日，係胡耀邦逝世，也是運動嘅起點」。由昔日的學生，變成今日的學者，傅景華說身份不同，但心情其實沒兩樣，始終「好想做啲嘢」，「今日同當年一樣，也是無助，唔知仲可以做啲咩……」。儘管傳真機成了歷史，今日希望透過討論和大數據的研究，讓外界認清中國真實民情，喚起關注，向遺忘說不。
長青網 - 一站式長者及護老者生活資訊網站
記者︰呂麗嬋
資訊流通有多重要，港大新聞及傳播中心副教授傅景華深有體會。每逢臨近六四，禁區特別多，尤其今年30周年，不單內地的維權人士被提早軟禁，受嚴密監控的內地社交媒體，更提早「宵禁」。在微信及微博等內地最廣泛使用的平台，64、89固容不下，就是「8x8」、「5月35日」，也成引發聯想的敏感數字；坦克和燭光，甚至是梅艷芳頭像，以至空無一人的維園，也是禁忌。有人死心不息，以電腦符號砌成坦克車突破封鎖，讓網民有機會閱讀、轉發，但沒一陣，還是敵不過無處不在的網絡管理員，統統被消失。
鬥快儲存 刪帖重見天日
「周保松（中大政治及行政學系教授）係被監察嘅KOL，唔係六四嗰日，佢6月2日喺微博問：請問今天是幾月幾日？一樣冇得留低」。還有李旺陽的繩、劉曉波的空凳，一上載，就觸動敏感神經，極速消失在公眾視野。2010年，早由工程學院轉為社會科學研究的傅景華，一直關心中國事務，當年他就僅以數萬元經費，成功研發「微博視野」（WeiboScope）系統，透過程式將帖文留底及分析，除將刪帖重見天日，又附上英譯功能，供外界了解內地的真實民情，吸引外媒如《華爾街日報》及BBC等廣泛報道。
除微博，今年1月，他帶領的研究團隊，又公佈微信審查報告，發現在共收錄的104萬篇文章中，約11,000篇被屏蔽，帖子內容五花八門，由中美貿易戰、黑心疫苗，到DNA編輯嬰兒倫理風暴等不一而足。「呢種科技與媒體結合，形成巨大影響力，早二、三十年前，的確難以想像，就如當年我哋冇諗過今日大部份人可透過手機接收資訊」。2009年，微博剛興起，中國政府不容許百姓暢所欲言，但又容許表達意見，刪帖和隨之誕生的「河蟹」，成為特殊的中國現象，造就了他往後研究的方向。
「要畀人知刪咗啲咩，最直接嘅方法就係同佢鬥快，未刪前儲咗入資料庫先」。2010年正式開發系統，高峯期一年間儲下過億條帖，確定被刪的也有過千萬條。近年，大數據成新貴，他的研究亦備受關注，除了延伸至微信平台，他也發現審查機構除了「被動刪帖」，近年還「主動製造民意」：「大多針對海外華人圈子，佢哋雖身處資訊自由嘅社會，但好多人特別係中國人，多數仍然透過微信接收訊息。」只是，要抽出網絡無間道或五毛不容易。「只能係懷疑，最明顯係微信公號，每日發佈量一般有限制，若同一公號卻可一日出十個post，就好可疑」。
這種角力，無日無之。在嚴密監控下如何突破封鎖，讓訊息流通，一直是他的初心。1988年入港大，翌年北京發生八九民運，當年仍是一年級生的傅景華，不諱言六四事件對他影響深遠。「嗰時住大學堂，係宿生會主席，如果唔係六四，或者我會繼續做工程師，而唔係走去做記者，轉埋科做社會研究」。那些年，同舍堂的不是讀工科，就是醫科生。「30年前港大冇傳播系，係因為六四，令我親身體會媒體嘅影響力」。那是中國的八九民運、也是香港的八九民運，百萬人大遊行、《文匯報》歷史性開天窗，港人冒着8號風球上街，只為聲援學生。
最壞時代 港人仗義助傳訊
「喺宿舍，日日圍住電視睇新聞，追看最新消息，就是不問世事嘅同學，當時亦熱血上街……我最記得5月係大學考試季節，因為太多學生參與集會，連考試也被迫改期。」由4月15日胡耀邦逝世、學生撰寫打動人心的絕食書，到六四前夕廣場熄燈，每一個時刻，都牽動香港人的心。「有啲同學上咗北京，我哋喺香港日日睇住新聞，唔想只係坐喺度」。「好想做的嘢」，促使傅景華與同學在宿舍成立「突破新聞封鎖」的組織，將每日的民運資訊傳真到內地。
「嗰個年代，通訊冇今日咁發達，唔好話電腦，就算係傳真機，都係大公司先有，我哋一班同學，就每日將新聞排成一張A4紙，然後聯絡啲公司，希望佢哋幫忙，將呢啲民運訊息傳真畀佢哋唔同嘅客戶」。那些年，香港人無分彼此，身處最壞時代，也是最無私仗義的時代。「就算係同大陸有生意往來嘅公司，都好樂意幫手，唔覺得敏感，大家都覺得，學生嘅要求好合理，大家都好支持，希望出一分力，嗰時，內地其他省市，仲又好多人唔知北京發生咁大件事。」
儘管事隔30年，他說至今仍是刻骨銘心的記憶。那時同學分工合作，有人聯絡不同公司，要求代傳真每日新聞；有人利用宿舍內獲贊助購買的幾部傳真機，逐一傳真剪報把資訊北傳，只為突破新聞封鎖，讓更多人了解事件，作出援助，甚至電話公司也免費提供服務，無分身份、政治信仰。「今日香港社會好分化，也互相不信任，但八九民運，係今日好多人想像唔到嘅社會環境，全個社會都好齊心，我最記得8號風球，宿舍入面好多同學出去參加遊行，嗰時大風大雨，都係啲教授車我哋一齊落去。」
民運之火猛燒，一發不可收拾，當年利用傳真機山寨式突破新聞封鎖的方法，就如一粒種子，讓他感受到傳播資訊的力量，也讓他深切體會，自由資訊的可貴。「今日講好多大數據，科學同傳播結合，呢啲都係以前無法想像嘅事」。那些年突破封鎖審查，今日開發反審查系統，希望令資訊流通的空間擴闊，他形容是「一脈相通」。「對於我哋一代嚟講，由諗嘢到選擇工作，多少同六四都有關係，啟蒙嘅力量係好大，就好似我現在嘅學生，影響佢哋嘅就係雨傘運動。」
爸爸在報館任編輯，傅自小喜歡投稿，讀工程出身，笑謂自己不算典型文青：「文青喺我個年代，應該係攬住個魯迅像嗰種，我係鍾意寫吓嘢，但更鍾意拆嘢出嚟研究」。工程當年是吃香科目，難入程度堪比神科（醫科）。只是人生就是始料不及，六四後嚇怕不少港人，移民他去，留下的更關心香港前途，傅積極參與學生會工作，因出任學生會外務副會長，休學一年。
「搞學生會、入學聯，接觸好多記者，對媒體嘅影響，印象好深」。八九民運前後，香港政制發展的討論極為熾熱，雙查方案，91直選後翌年李光耀訪港，見證大時代的大學生，關心社會，希望改革，順理成章。就如他，畢業後到科大讀碩士，讀的仍是工程，1995年畢業，他卻沒選擇做電子工程師，而是跑了去做記者，以另一身份見證香港主權移交，那粒在舍堂種下的種子，原來在不知不覺間發了芽。
盼青年了解昔日港人正義感
「96年科網熱，我讀電子工程，都叫做相關，咁啱《信報》請人，就入咗去做記者，做有關科技政策嘅新聞」。其時香港正歷樓市崩潰，科網狂潮席捲，主權移交後頭數年，政府積極推行科技政策如數碼港和科學園計劃，但這股狂潮快來也快去，千禧後科網爆破，他亦重返校園，在科大轉讀社會科學系碩士，又回母校港大攻讀博士，2009年畢業，獲港大資助開發「微博視野」，正式投入大數據時代，也正式投入他的人生下半場。
只是物換星移，六四30年，今日的年輕學生說「唔關我事」，他直言感到心痛。「我明白佢哋無親身經歷過，未必好了解，但不了解甚至誤解都唔緊要，如根本不想了解，咁先最難搞，因為你連了解嘅動力都冇」。有些人甚至將「悼念六四」等同「大中華膠」，他認為是過份簡化的說法。「香港從來都好抽離，所謂嘅大中華膠，從來係少數，當年咁多香港人出嚟聲援，係純粹出於正義感，八九民運我認為更接近本土民主運動，如百萬人大遊行、《民主歌聲獻中華》，如只簡化又貪方便地將大中華膠套入去，係好唔公平」。
今年是六四30周年，這個受八九民運啟蒙的學者，直言不想港大缺席悼念，會以教職員身份，在校園籌備連串活動。「今年5月，我同另外幾個學者會去哈佛大學出席關於六四嘅研究會，不過4月15日就會喺港大先搞一場，呢一日，係胡耀邦逝世，也是運動嘅起點」。由昔日的學生，變成今日的學者，傅景華說身份不同，但心情其實沒兩樣，始終「好想做啲嘢」，「今日同當年一樣，也是無助，唔知仲可以做啲咩……」。儘管傳真機成了歷史，今日希望透過討論和大數據的研究，讓外界認清中國真實民情，喚起關注，向遺忘說不。
長青網 - 一站式長者及護老者生活資訊網站
回應 (0)
