黎智英籲港人上街抗爭

【蘋果日報】特區政府在一片反對聲中硬推《逃犯條例》修訂，壹傳媒創辦人黎智英（圖）出席民主黨前主席何俊仁擔任主持的網台節目《細說中南海》時指，香港金融基礎建基法治，修例卻將法治削弱到「任大陸點講」，又指很多投資者看中本港法治及安全，一旦修例通過必引致撤資，動搖樓市及金融體系。黎智英呼籲港人為今次抗爭「負少少責任」，6月9日上街抗惡法。
憂修例掀撤資潮
地產市場是本港經濟一大支柱，黎智英說：「佢哋（內地人）以前嚟（香港）買樓，附加價值就係所謂安全，（如修訂通過）樓市跌、佢啲錢要走，金融體系搖動，港幣價值都一定搖動。」他認為不論內地或外國投資者，必會在修例後撤走資金。
黎智英透露，有曾在傘運指摘他的生意人朋友，今次亦反對修例，「民建聯都希望你班友仔搞到唔過得，咁佢哋唔使孭鑊」，若反對人數夠多、例如多達逾百萬人，可帶來改變，呼籲港人6月9日上街反惡法，「每個人為最後呢個抗爭負少少責任，對香港付出少少良知，付出少少你對香港咁多年嘅感恩，行出嚟，勇敢行出嚟」。
何俊仁則分析指，林鄭月娥純粹是推動修例的「殺手」，「嗌佢操刀佢就落」，但在主管港澳事務的國務院副總理韓正、政協主席汪洋等人連日明確表態下，縱然商界大力反對，仍估計修訂勢將通過。何警告建制派注意「選舉冇運行」，「我諗左派都未見過，咁耐支持建制嘅人都反對（修訂）得咁緊要」。
■記者周婷
長青網 - 一站式長者及護老者生活資訊網站