新聞類別
港聞
詳情#
【蘋果日報】俗語謂，最後離開的人，請關燈。
1997年6月30日，立法局主席、人稱發叔的黃宏發，臨走時，也關上了燈。這是香港150年英國殖民地議事廳的燈火。
一貫講究程序的發叔，幽默地說：「啲燈係職員熄㗎。」
回想起最後一趟主持立法局會議，發叔說：「其實官批嘅時間係到27號。臨尾幾日只係埋單計數。」當日會議完結，在場採訪的記者，窺準這個「百年不遇」的歷史「真空」，一擁而入，簇擁着「末代」立法局主席發叔，為逝去的時代來一個大合照。發叔坐在刻着皇冠的主席椅上，上方懸掛着的是，即將消失的英國皇室殖民地的徽號。
比起「末代港督」彭定康在港督府收旗離去時的哀傷，發叔顯得淡定。是因為中央所說的「明天會更好」的預言，抑或是與同鄉的候任特首董建華「有偈傾」的緣故？
撰文：黎加路 攝影：黃雲慶
六歲離開出生地上海的發叔，用上海話說他的上海話「還可以」。他說自己的老家在浦東，董先生在舟山，二人會用上海話交談。
發叔的父親是百貨商人。1949年政權易手，上海解放後不久，黃父南下，將家人安頓在香港，發叔是家中的長子。發叔至今都不明白，父親為何其後還要上廣州繼續做生意。幾年後的「三反五反」運動，公私合營的企業，陸續收歸國有，大小資本家如夢驚醒。發叔回憶稱，「真係唔知佢點解會去廣州」。結果是遇到更大的不幸，被迫放棄家財，換取全身而退的自由。
發叔說，「好似將啲相放晒喺盒入面，我唔係好鍾意諗以前嘅事情」。坐在旁邊的發嬸，忍不住提起家翁在廣州跪玻璃的際遇。發叔認為，「呢啲唔係自己親身經歷嘅事情，唔想多講」。
論送中惡法「就係唔好監粗嚟」
話題扯回全港熱論的立法會《逃犯條例》修訂的審議，鬧出法案委員會雙胞胎事件。問發叔如果政府一旦強硬通過這個條例，情況會如何？在中文大學教授公共行政學數十年的發叔，淡淡的說：「通唔通過係一回事，啱唔啱又係另一回事。」
發叔希望管治者看一下老子《道德經》六十三章「為無為」，他解釋稱，「為無為，就係唔好監粗嚟做，以為人就可以做一切嘢。無為唔係叫你唔好做嘢，係唔好過份做，更加唔好將細嘅嘢，睇成大咁去做」。
已英譯四章《道德經》的發叔慨嘆，「好似李宗吾厚黑學嘅補鑊法咁，你畀佢補鑊，佢話穿咗個窿，整整佢。但係用鐵鎚越鑿越大，然後至整番佢，補番佢，咁功勞大好多啦」。發叔警告謂「千祈唔好做呢啲嘢，因為鑿大咗之後，補唔番㗎」。
問發叔是否意有所指，他說：「咁聽者自己去體會啦。」
發叔的書齋「退一步」設在西貢市，家就在白沙灣那邊。雖然說是書齋，比起時下很多人的家居還要大。訪問完畢，隨發叔到附近海皮的餐廳，喝他喜愛的紅酒。面對明媚的西貢海景，一杯到肚，發叔說他鍾意香港多過美國。他與太太剛從華盛頓探望兩名女兒及外孫回來。時差的適應還未過，已收到媒體朋友的「急call」，要他就剛發生的立法會《逃犯條例》亂局，作個評論。識貨的資深記者都知道，在這件事上，身為1995至1997年度前立法局主席的發叔，是最有發言權的議會「球證」，也是現時少有對原有香港《立法局條例》熟悉的人。難免記者無論如何都要「等理發叔」。有記者鬼馬地說：「呢位係真發叔。」
事實上，2004年發叔淡出政壇，在海闊天空的書齋潛心唐詩、絕句的英譯之後，名字鮮有在大眾媒體出現。直至建制派發生「等埋發叔」的立法會表決「甩轆」，事件，「發叔」的名字一下子成為媒體的談資。黃宏發說，「係慘啲，佢真係唔話得。嗰單嘢真係可笑，有人話等埋發叔，仲噏咗黃宏發個名出嚟」。
談丁權覆核「原居民理據好強」
其實，兩個發叔的淵源也非比尋常。發叔打趣說，「佢被稱為發叔啦，我稱為發哥囉。但係好多記者朋友都喜歡叫我做發叔」。
在鑽石山長大的發叔，還記得就讀的小學是永康中學附小，同班的同學仔有香港電台的邵盧善。中學在聖類斯，預科在華仁就讀。其後考入香港大學修讀英國文學。除了這些日子之外，發叔人生的大半，可以說是在新界度過。發叔說，「聯合書院政治行政學系，以前在般咸道，72，73年搬入馬料水依家嘅校舍。我搬埋入大學住，因此就變成沙田人，變成新界人」。
順理成章，當時的發哥獲政府委任為沙田區議員。講起同鄉紳的交往，發叔說，「我都請過陳日新嚟聯合書院同學生講嘢」。「我同鄉議局嘅正式淵源，始於1982成為立法局議員之後，獲邀成為鄉議局嘅顧問。1989年獲任命為JP新界太平紳士，變成咗鄉議局嘅當然執委。依家數一數，都好長時間」。
講到跟另一位發叔、「新界王」鄉議局主席的交往，以為發叔會有很多話說，但他只是輕輕的說，「佢好叻，好謙虛，可以幫人嘅嘢，佢都會幫」。頗有擔任行政局議員時的保密遺風。
劉皇發過身之後，鄉議局主席由兒子劉業強接任。身為新界太平紳士的發叔，也是鄉議局的當然執委，說起近日新界丁屋丁權的司法覆核。發叔說，「個問題係相當複雜，但我覺得原居民嘅理據好強」。發叔認為，「英政府租借新界地之後，就將所有土地變成官地（Crown Land）。佢哋嘅永久業權就冇咗」。「租借地以前有大清條例規範住佢，以前你喺農地上起屋嘅話，係唔使批准嘅，之後納嘅糧高啲就可以。」
發叔說，「政府一路用懷柔政策，呢度鬆啲畀你，嗰度鬆啲畀你，呢個方法防止大嘅騷亂發生」而已。記者曾在倫敦國家檔案館遇見發叔，說是來找一些新界條例舊資料。發叔對此事似乎已忘記。
憶醉駕事件「唔怪人 只怪自己」
發叔一邊飲着紅酒，一邊打趣地說：「唔再買靚紅酒嘞，驚長命過頭。」怕日後不夠生活費。
75歲的發叔，依然背着小背囊，健步如昔。沉甸旬的背囊，裏面好像永遠有兩支紅酒似的。
2004年的醉駕事件，發叔當時出席劉皇發細仔的婚禮，餘興之後駕車回家，途中失事，人無大礙，但已成負面新聞。同年的立法會直選，發叔在新界東老巢選區落敗，淡出政壇。坦言，「我唔怪人，只怪自己。」
這個時候，發叔也「掛靴」，放棄心愛的足球運動。大學時代，曾代表港大前赴馬來西亞踢校際盃的發叔，在立法局議員足球隊也是「當然」代表。發叔抱怨說：「掛單隊長陳智思，好似錫住我咁，又驚我受傷，又驚我辛苦得滯。次次踢唔夠五分、十分鐘，就叫我休息。覺得好冇癮，唔係唔踢囉。」發叔有十一個兄弟姊妹，當中有九個是男兒，足夠組成一隊七人足球隊，還有兩人做後備。
執教鞭的發叔，開始參與論政，主持《觀點與角度》、《針鋒相對》等時事節目，最終走上從政之路。曾在著名的倫敦政治經濟學院學習的發叔，一直以無黨派的身份參政。在維基百科介紹發叔的資料中，有一句是：「唯一獲民主派支持的立法局主席。」
發叔對1997年臨時立法會一役，似乎仍未能釋懷。由於中英的爭議，導至取消政制「直通車」的安排。中央另組臨時立法會，在深圳預先展開工作，以便回歸一刻開始，取代殖民地時代的立法局地位。時任立法局主席的發叔回憶稱，「喺97年6月30日前，已成立咗一個臨時立法會。有一個紛爭，就係我都願意入呢個立法會。所以有議員動議不信任我。但係個議案係冇獲得通過」。
迷李清照詞「佢都鍾意飲酒」
發叔是相信自己可以在新的立法會中仍可主持公道，抑或是與候任特首董建華的同鄉情誼，又或者正如發叔所言，「為咗能夠過渡，即使你唔同意，你認為臨時立法會呢個做法，本身係錯誤嘅。但係嗰個係事實嚟嘅，北京已經決定咗係咁做法，咁如果我唔入嘅話呢，咁就可能好大件事情。就係，臨時立法會開會嘞，佢要職員，咁97年6月30日之前嘅現有職員，會唔會申請過去嗰邊做呢？所以，你要明白，我願意做嘅話，係可以同董生嗰邊傾傾嘅，睇吓點安排最好。我嘅安排就係借聘一啲人畀佢，喺臨時立法會嗰度。但係借聘呢樣嘢呢，都似乎喺香港有啲議員都唔贊成，所以係以休假方式。我要處理呢啲問題」。在深圳第一次舉行的臨時立法會，選出范徐麗泰為主席。發叔說，「我有參選，范徐麗泰有參選，咁選到佢囉」。
明媚的西貢海，是此刻的風景。發叔繼續喝着紅酒，下酒的是西貢名物釣筒魷魚。問發叔怕不怕膽固醇過度，他笑說，「乾炒牛河都照食」。旁邊的黃太沒有囉唆，只是抱怨好怕跟發叔斟酌唐詩英譯的用詞。曾在中大學圖書館任管理階層的黃太說，「佢為咗一個用字，可以拗足一個月」。發叔有意將多年來的英譯心血結集出版。他說最喜歡的詩人是李白。在書齋中，發叔唸了李白的《望廬山瀑布》：日照香爐生紫煙，遙看瀑布掛前川，飛流直下三千尺，疑是銀河落九天。
發叔笑言，「最近迷於譯詞，李清照嘅詞。李清照都鍾意飲酒，佢係豪放派嚟㗎」。
長青網 - 一站式長者及護老者生活資訊網站
1997年6月30日，立法局主席、人稱發叔的黃宏發，臨走時，也關上了燈。這是香港150年英國殖民地議事廳的燈火。
一貫講究程序的發叔，幽默地說：「啲燈係職員熄㗎。」
回想起最後一趟主持立法局會議，發叔說：「其實官批嘅時間係到27號。臨尾幾日只係埋單計數。」當日會議完結，在場採訪的記者，窺準這個「百年不遇」的歷史「真空」，一擁而入，簇擁着「末代」立法局主席發叔，為逝去的時代來一個大合照。發叔坐在刻着皇冠的主席椅上，上方懸掛着的是，即將消失的英國皇室殖民地的徽號。
比起「末代港督」彭定康在港督府收旗離去時的哀傷，發叔顯得淡定。是因為中央所說的「明天會更好」的預言，抑或是與同鄉的候任特首董建華「有偈傾」的緣故？
撰文：黎加路 攝影：黃雲慶
六歲離開出生地上海的發叔，用上海話說他的上海話「還可以」。他說自己的老家在浦東，董先生在舟山，二人會用上海話交談。
發叔的父親是百貨商人。1949年政權易手，上海解放後不久，黃父南下，將家人安頓在香港，發叔是家中的長子。發叔至今都不明白，父親為何其後還要上廣州繼續做生意。幾年後的「三反五反」運動，公私合營的企業，陸續收歸國有，大小資本家如夢驚醒。發叔回憶稱，「真係唔知佢點解會去廣州」。結果是遇到更大的不幸，被迫放棄家財，換取全身而退的自由。
發叔說，「好似將啲相放晒喺盒入面，我唔係好鍾意諗以前嘅事情」。坐在旁邊的發嬸，忍不住提起家翁在廣州跪玻璃的際遇。發叔認為，「呢啲唔係自己親身經歷嘅事情，唔想多講」。
論送中惡法「就係唔好監粗嚟」
話題扯回全港熱論的立法會《逃犯條例》修訂的審議，鬧出法案委員會雙胞胎事件。問發叔如果政府一旦強硬通過這個條例，情況會如何？在中文大學教授公共行政學數十年的發叔，淡淡的說：「通唔通過係一回事，啱唔啱又係另一回事。」
發叔希望管治者看一下老子《道德經》六十三章「為無為」，他解釋稱，「為無為，就係唔好監粗嚟做，以為人就可以做一切嘢。無為唔係叫你唔好做嘢，係唔好過份做，更加唔好將細嘅嘢，睇成大咁去做」。
已英譯四章《道德經》的發叔慨嘆，「好似李宗吾厚黑學嘅補鑊法咁，你畀佢補鑊，佢話穿咗個窿，整整佢。但係用鐵鎚越鑿越大，然後至整番佢，補番佢，咁功勞大好多啦」。發叔警告謂「千祈唔好做呢啲嘢，因為鑿大咗之後，補唔番㗎」。
問發叔是否意有所指，他說：「咁聽者自己去體會啦。」
發叔的書齋「退一步」設在西貢市，家就在白沙灣那邊。雖然說是書齋，比起時下很多人的家居還要大。訪問完畢，隨發叔到附近海皮的餐廳，喝他喜愛的紅酒。面對明媚的西貢海景，一杯到肚，發叔說他鍾意香港多過美國。他與太太剛從華盛頓探望兩名女兒及外孫回來。時差的適應還未過，已收到媒體朋友的「急call」，要他就剛發生的立法會《逃犯條例》亂局，作個評論。識貨的資深記者都知道，在這件事上，身為1995至1997年度前立法局主席的發叔，是最有發言權的議會「球證」，也是現時少有對原有香港《立法局條例》熟悉的人。難免記者無論如何都要「等理發叔」。有記者鬼馬地說：「呢位係真發叔。」
事實上，2004年發叔淡出政壇，在海闊天空的書齋潛心唐詩、絕句的英譯之後，名字鮮有在大眾媒體出現。直至建制派發生「等埋發叔」的立法會表決「甩轆」，事件，「發叔」的名字一下子成為媒體的談資。黃宏發說，「係慘啲，佢真係唔話得。嗰單嘢真係可笑，有人話等埋發叔，仲噏咗黃宏發個名出嚟」。
談丁權覆核「原居民理據好強」
其實，兩個發叔的淵源也非比尋常。發叔打趣說，「佢被稱為發叔啦，我稱為發哥囉。但係好多記者朋友都喜歡叫我做發叔」。
在鑽石山長大的發叔，還記得就讀的小學是永康中學附小，同班的同學仔有香港電台的邵盧善。中學在聖類斯，預科在華仁就讀。其後考入香港大學修讀英國文學。除了這些日子之外，發叔人生的大半，可以說是在新界度過。發叔說，「聯合書院政治行政學系，以前在般咸道，72，73年搬入馬料水依家嘅校舍。我搬埋入大學住，因此就變成沙田人，變成新界人」。
順理成章，當時的發哥獲政府委任為沙田區議員。講起同鄉紳的交往，發叔說，「我都請過陳日新嚟聯合書院同學生講嘢」。「我同鄉議局嘅正式淵源，始於1982成為立法局議員之後，獲邀成為鄉議局嘅顧問。1989年獲任命為JP新界太平紳士，變成咗鄉議局嘅當然執委。依家數一數，都好長時間」。
講到跟另一位發叔、「新界王」鄉議局主席的交往，以為發叔會有很多話說，但他只是輕輕的說，「佢好叻，好謙虛，可以幫人嘅嘢，佢都會幫」。頗有擔任行政局議員時的保密遺風。
劉皇發過身之後，鄉議局主席由兒子劉業強接任。身為新界太平紳士的發叔，也是鄉議局的當然執委，說起近日新界丁屋丁權的司法覆核。發叔說，「個問題係相當複雜，但我覺得原居民嘅理據好強」。發叔認為，「英政府租借新界地之後，就將所有土地變成官地（Crown Land）。佢哋嘅永久業權就冇咗」。「租借地以前有大清條例規範住佢，以前你喺農地上起屋嘅話，係唔使批准嘅，之後納嘅糧高啲就可以。」
發叔說，「政府一路用懷柔政策，呢度鬆啲畀你，嗰度鬆啲畀你，呢個方法防止大嘅騷亂發生」而已。記者曾在倫敦國家檔案館遇見發叔，說是來找一些新界條例舊資料。發叔對此事似乎已忘記。
憶醉駕事件「唔怪人 只怪自己」
發叔一邊飲着紅酒，一邊打趣地說：「唔再買靚紅酒嘞，驚長命過頭。」怕日後不夠生活費。
75歲的發叔，依然背着小背囊，健步如昔。沉甸旬的背囊，裏面好像永遠有兩支紅酒似的。
2004年的醉駕事件，發叔當時出席劉皇發細仔的婚禮，餘興之後駕車回家，途中失事，人無大礙，但已成負面新聞。同年的立法會直選，發叔在新界東老巢選區落敗，淡出政壇。坦言，「我唔怪人，只怪自己。」
這個時候，發叔也「掛靴」，放棄心愛的足球運動。大學時代，曾代表港大前赴馬來西亞踢校際盃的發叔，在立法局議員足球隊也是「當然」代表。發叔抱怨說：「掛單隊長陳智思，好似錫住我咁，又驚我受傷，又驚我辛苦得滯。次次踢唔夠五分、十分鐘，就叫我休息。覺得好冇癮，唔係唔踢囉。」發叔有十一個兄弟姊妹，當中有九個是男兒，足夠組成一隊七人足球隊，還有兩人做後備。
執教鞭的發叔，開始參與論政，主持《觀點與角度》、《針鋒相對》等時事節目，最終走上從政之路。曾在著名的倫敦政治經濟學院學習的發叔，一直以無黨派的身份參政。在維基百科介紹發叔的資料中，有一句是：「唯一獲民主派支持的立法局主席。」
發叔對1997年臨時立法會一役，似乎仍未能釋懷。由於中英的爭議，導至取消政制「直通車」的安排。中央另組臨時立法會，在深圳預先展開工作，以便回歸一刻開始，取代殖民地時代的立法局地位。時任立法局主席的發叔回憶稱，「喺97年6月30日前，已成立咗一個臨時立法會。有一個紛爭，就係我都願意入呢個立法會。所以有議員動議不信任我。但係個議案係冇獲得通過」。
迷李清照詞「佢都鍾意飲酒」
發叔是相信自己可以在新的立法會中仍可主持公道，抑或是與候任特首董建華的同鄉情誼，又或者正如發叔所言，「為咗能夠過渡，即使你唔同意，你認為臨時立法會呢個做法，本身係錯誤嘅。但係嗰個係事實嚟嘅，北京已經決定咗係咁做法，咁如果我唔入嘅話呢，咁就可能好大件事情。就係，臨時立法會開會嘞，佢要職員，咁97年6月30日之前嘅現有職員，會唔會申請過去嗰邊做呢？所以，你要明白，我願意做嘅話，係可以同董生嗰邊傾傾嘅，睇吓點安排最好。我嘅安排就係借聘一啲人畀佢，喺臨時立法會嗰度。但係借聘呢樣嘢呢，都似乎喺香港有啲議員都唔贊成，所以係以休假方式。我要處理呢啲問題」。在深圳第一次舉行的臨時立法會，選出范徐麗泰為主席。發叔說，「我有參選，范徐麗泰有參選，咁選到佢囉」。
明媚的西貢海，是此刻的風景。發叔繼續喝着紅酒，下酒的是西貢名物釣筒魷魚。問發叔怕不怕膽固醇過度，他笑說，「乾炒牛河都照食」。旁邊的黃太沒有囉唆，只是抱怨好怕跟發叔斟酌唐詩英譯的用詞。曾在中大學圖書館任管理階層的黃太說，「佢為咗一個用字，可以拗足一個月」。發叔有意將多年來的英譯心血結集出版。他說最喜歡的詩人是李白。在書齋中，發叔唸了李白的《望廬山瀑布》：日照香爐生紫煙，遙看瀑布掛前川，飛流直下三千尺，疑是銀河落九天。
發叔笑言，「最近迷於譯詞，李清照嘅詞。李清照都鍾意飲酒，佢係豪放派嚟㗎」。
長青網 - 一站式長者及護老者生活資訊網站
回應 (0)
