新聞類別
娛樂
詳情#
【蘋果日報】
黃心穎同許志安上月中被本報獨家踢爆喺車廂偷食，形象插水，更被即時停工，心穎敗走美國進修，而安仔則留港靜思己過。噚日有報道指心穎代言嘅廣告商擬向無綫追討賠償，雖然無綫高層樂易玲曾表示心穎嘅商演工作換咗其他藝人頂替，客戶亦冇要求賠償，但有傳佢嘅廣告客戶會索償。
「安心事件」發生前，心穎人氣高企，代言嘅廣告包括服裝、內地隱形眼鏡等，但出事後即全面下架。據了解，連心穎已拍攝但未出街嘅廣告都被指違約，有傳遭廣告商索償超過1,000萬元，加上無綫早前決定重拍劇集《法證先鋒IV》同《牛下女高音》，有傳無綫會向心穎索償高達3,000萬元，有人因此考慮申請破產避債。
健仔捱義氣
其實心穎近年愛投資買「磚頭」，賣樓套現或者係減債辦法。單喺香港，佢五年內已兩度斥資近2,000萬元入市買新樓，包括六年前同家姐心美以約1,200萬元購入油塘Ocean One，翌年再以850萬元買入啟德天寰，呢個新盤最近已進行收樓程序。除咗香港，心穎同心美亦喺16年以約420萬元，喺加拿大溫哥華買入一個600呎住宅連車位，由居於當地嘅母親處理租務事宜。
至於安仔就相對比較好彩，佢原本要同張衞健一齊上郵輪開四場騷，有傳每場收100萬元歌酬，依家由健仔捱義氣單拖頂晒，免安仔要額外賠歌酬，不過安仔就復工無期。
撰文：馮仁昭
長青網 - 一站式長者及護老者生活資訊網站
黃心穎同許志安上月中被本報獨家踢爆喺車廂偷食，形象插水，更被即時停工，心穎敗走美國進修，而安仔則留港靜思己過。噚日有報道指心穎代言嘅廣告商擬向無綫追討賠償，雖然無綫高層樂易玲曾表示心穎嘅商演工作換咗其他藝人頂替，客戶亦冇要求賠償，但有傳佢嘅廣告客戶會索償。
「安心事件」發生前，心穎人氣高企，代言嘅廣告包括服裝、內地隱形眼鏡等，但出事後即全面下架。據了解，連心穎已拍攝但未出街嘅廣告都被指違約，有傳遭廣告商索償超過1,000萬元，加上無綫早前決定重拍劇集《法證先鋒IV》同《牛下女高音》，有傳無綫會向心穎索償高達3,000萬元，有人因此考慮申請破產避債。
健仔捱義氣
其實心穎近年愛投資買「磚頭」，賣樓套現或者係減債辦法。單喺香港，佢五年內已兩度斥資近2,000萬元入市買新樓，包括六年前同家姐心美以約1,200萬元購入油塘Ocean One，翌年再以850萬元買入啟德天寰，呢個新盤最近已進行收樓程序。除咗香港，心穎同心美亦喺16年以約420萬元，喺加拿大溫哥華買入一個600呎住宅連車位，由居於當地嘅母親處理租務事宜。
至於安仔就相對比較好彩，佢原本要同張衞健一齊上郵輪開四場騷，有傳每場收100萬元歌酬，依家由健仔捱義氣單拖頂晒，免安仔要額外賠歌酬，不過安仔就復工無期。
撰文：馮仁昭
長青網 - 一站式長者及護老者生活資訊網站
回應 (0)
