新聞類別
財經
詳情#
【蘋果日報】【財經專訪】危機可以一觸即發，亦能瞬間受控，心境往往決定處境，禍兮福所倚，有45年金融市場經驗的八達通集團舵手張耀堂（Sunny），深有體會。他曾遇過職場生涯最難忘一役──星展香港砸爛客戶保險箱的驚世大烏龍，是張耀堂人生「第一次上A1（港聞）頭版」。
記者：劉美儀
他總結應對危機心得：「你作為上司要好鎮定處理事件，千祈唔好第一時間就追究責任，第一時間鬧；作為同事，一定要速速上報，將所有事實講出嚟，千祈唔好瞞。」
對千禧新生代，未必對2004年10月星展美孚分行，因裝修工人錯將83個放有客戶財物的保險箱，當廢物運往回收商壓毀的奇案有印象，當年事件引發本地及國際哄動，外媒如BBC也有報道。
時任星展大中華區董事總經理兼零售銀行總監的張耀堂，正是捲入宗保險箱風波的核心人物。
上司冷靜 無立即追究責任
回顧15年前往事，Sunny肉緊之情猶如昨天。要感恩的人和事很多，其中最難忘是大老闆的冷靜與鎮定，讓他上了畢生受用的一課，這位泰山崩於前而面色不變的Big Boss，是當年星展集團行政總裁戴國良。
禍從天降，往往發生在悠閒假日。Sunny回憶，「喺一個悠閒星期日下午收到個咁嘅電話（同事滙報保險箱被銷毀），你真係唔相信點解會有咁嘅問題出現。」犯下離天大錯，自己又當如何稟報？幾時講最合適呢？經過一番掙扎，最後決定「知幾多講幾多」。
一諗起要致電新加坡，跟平常開會都比較嚴肅的「戴生」滙報，已心生畏懼。手電接通後，另一端傳來晚宴前酒會的悠揚音樂背景，「似乎佢係參加緊個宴會，我就同佢滙報呢件事。」
聽畢，戴國良聲調降低了兩格，但出乎意料，老闆並無大動肝火興師問罪，反而好鎮定話，「Sunny呢件真係一件大事，我哋會即刻搵人幫你手……你有咩事繼續同我滙報，我哋會全力支持你。」
一席話令張耀堂霎時安心，不是慶幸沒被痛斥，「係溝通有咗份互信」，更一往無前全力拆彈。身兼星展香港主席的集團重量級高層黃鋼城，其後亦親身來港協助處理危機。
有錯要認，打就企定。事件縈繞了3個多月才告平息，Sunny謂最艱難是事發後一周，傳媒報道鋪天蓋地，全城指罵。
當難題來到，最重要是：「keep our heads down，耷低頭做好本份，Trust自然會返嚟。」應對八達通難關如是，渡過保險箱風波亦然。謙恭善後，當時星展租了全城數十架平治房車，分批接載苦主家庭共商對策，聆聽每個保險箱背後動人故事，「自己聽到都好感動……你就會覺得唉，自己真係抵打！」
因行方有悔意及誠意，客戶情緒逐漸降溫，願意傾談賠償。「最終解決了82個箱，只有1個搵唔到。」事件受控後，連集團高層都讚好：「好記得個場面喺董事局到，話Sunny你處理得好好，亦都當場拍手掌。」
他感激危機中日夜奮戰的同事，給予他莫大信心，有次在茶水間斟咖啡，「同事說Sunny畀心機，我哋大家都撐你，放心你一出聲我哋就會做。」
禍福相依，危可轉機。2011年張耀堂過檔八達通，接掌身陷出售客戶資料風波而要易帥的空缺，被董事局臨危受命，點解搵我？「佢哋都有講，其中就係睇見你處理星展危機時嘅表現。」
「困難是職途上重要路標」
危機可能百年一遇，但日常挑戰秒秒殺到，擺渡人要由領導做起。他特別記得花旗年代直屬巴籍上司Aziz的啟蒙，當頭棒喝令其豁然開通。
當時主管信用卡的張耀堂遇上生意低谷，Aziz笑說：「我發覺近期嚟親搵你都好似入咗殯儀館。」Sunny頹答：「我擔心業績唔達你『捽數』指標。」Aziz即點醒：「我都無鬧你仲成日鼓勵你，你作為領導要cheerful（開心）啲，唔係點鼓勵同事有信心同你一齊打仗！」
洋老闆一席話，至今仍然鏗鏘。回看職場生涯數十載，Sunny謂困難是職途上重要路標，「當你第日再去講返嘅時候，講唔到一啲特別令你深刻嘅事，其實都係一個遺憾。」
長青網 - 一站式長者及護老者生活資訊網站
記者：劉美儀
他總結應對危機心得：「你作為上司要好鎮定處理事件，千祈唔好第一時間就追究責任，第一時間鬧；作為同事，一定要速速上報，將所有事實講出嚟，千祈唔好瞞。」
對千禧新生代，未必對2004年10月星展美孚分行，因裝修工人錯將83個放有客戶財物的保險箱，當廢物運往回收商壓毀的奇案有印象，當年事件引發本地及國際哄動，外媒如BBC也有報道。
時任星展大中華區董事總經理兼零售銀行總監的張耀堂，正是捲入宗保險箱風波的核心人物。
上司冷靜 無立即追究責任
回顧15年前往事，Sunny肉緊之情猶如昨天。要感恩的人和事很多，其中最難忘是大老闆的冷靜與鎮定，讓他上了畢生受用的一課，這位泰山崩於前而面色不變的Big Boss，是當年星展集團行政總裁戴國良。
禍從天降，往往發生在悠閒假日。Sunny回憶，「喺一個悠閒星期日下午收到個咁嘅電話（同事滙報保險箱被銷毀），你真係唔相信點解會有咁嘅問題出現。」犯下離天大錯，自己又當如何稟報？幾時講最合適呢？經過一番掙扎，最後決定「知幾多講幾多」。
一諗起要致電新加坡，跟平常開會都比較嚴肅的「戴生」滙報，已心生畏懼。手電接通後，另一端傳來晚宴前酒會的悠揚音樂背景，「似乎佢係參加緊個宴會，我就同佢滙報呢件事。」
聽畢，戴國良聲調降低了兩格，但出乎意料，老闆並無大動肝火興師問罪，反而好鎮定話，「Sunny呢件真係一件大事，我哋會即刻搵人幫你手……你有咩事繼續同我滙報，我哋會全力支持你。」
一席話令張耀堂霎時安心，不是慶幸沒被痛斥，「係溝通有咗份互信」，更一往無前全力拆彈。身兼星展香港主席的集團重量級高層黃鋼城，其後亦親身來港協助處理危機。
有錯要認，打就企定。事件縈繞了3個多月才告平息，Sunny謂最艱難是事發後一周，傳媒報道鋪天蓋地，全城指罵。
當難題來到，最重要是：「keep our heads down，耷低頭做好本份，Trust自然會返嚟。」應對八達通難關如是，渡過保險箱風波亦然。謙恭善後，當時星展租了全城數十架平治房車，分批接載苦主家庭共商對策，聆聽每個保險箱背後動人故事，「自己聽到都好感動……你就會覺得唉，自己真係抵打！」
因行方有悔意及誠意，客戶情緒逐漸降溫，願意傾談賠償。「最終解決了82個箱，只有1個搵唔到。」事件受控後，連集團高層都讚好：「好記得個場面喺董事局到，話Sunny你處理得好好，亦都當場拍手掌。」
他感激危機中日夜奮戰的同事，給予他莫大信心，有次在茶水間斟咖啡，「同事說Sunny畀心機，我哋大家都撐你，放心你一出聲我哋就會做。」
禍福相依，危可轉機。2011年張耀堂過檔八達通，接掌身陷出售客戶資料風波而要易帥的空缺，被董事局臨危受命，點解搵我？「佢哋都有講，其中就係睇見你處理星展危機時嘅表現。」
「困難是職途上重要路標」
危機可能百年一遇，但日常挑戰秒秒殺到，擺渡人要由領導做起。他特別記得花旗年代直屬巴籍上司Aziz的啟蒙，當頭棒喝令其豁然開通。
當時主管信用卡的張耀堂遇上生意低谷，Aziz笑說：「我發覺近期嚟親搵你都好似入咗殯儀館。」Sunny頹答：「我擔心業績唔達你『捽數』指標。」Aziz即點醒：「我都無鬧你仲成日鼓勵你，你作為領導要cheerful（開心）啲，唔係點鼓勵同事有信心同你一齊打仗！」
洋老闆一席話，至今仍然鏗鏘。回看職場生涯數十載，Sunny謂困難是職途上重要路標，「當你第日再去講返嘅時候，講唔到一啲特別令你深刻嘅事，其實都係一個遺憾。」
長青網 - 一站式長者及護老者生活資訊網站
回應 (0)
