【中環在線】內地投資者來港抗議「霍氏」

【蘋果日報】霍英東二房長子霍文芳係名門之後，不過2016年佢捲入咗一單詐騙糾紛，話說當年佢間內地基金六寶懷疑欠債，事件久久未平息，一團15人嘅內地投資者近日仲特登嚟香港，到上環信德中心抗議，而呢個維權行動已經係第13日，不過唔多見途人關心。
維權人士之一蔡女士話，六寶基金2015年倒閉，主要涉事人士逃到香港，自己俾人呃嗰10萬人仔仲未拎得返，當年佢因為霍氏家族名譽投資，但霍氏集團覆佢就話唔關佢哋事，只係涉事人士嘅「個人行為」，蔡女士就好不服，「如果他們不打着霍氏家族的名譽，我們不會上當的，他就是霍氏家族」。
跳水王子田亮被騙
另一名投資者蔡先生就話呢個係騙局，收咗錢之後就人去樓空，被呃嘅投資者近2,000人，涉資20億人仔，當中包括內地跳水王子田亮都被呃7,000萬人幣，仲有一齊維權，但佢個人唔方便出面。
當年霍文芳嘅內地代表律師就回應話：「有人冒名成立六寶基金，借霍氏名義集資，已報警追究。」唔知件事幾時先真正解決呢？
李華華
LiWaWa@AppleDaily.com
長青網 - 一站式長者及護老者生活資訊網站