黎智英籲上街：同中聯辦晒冷

【蘋果日報】各界全力呼籲市民周日參加反「送中」惡法遊行，壹傳媒創辦人黎智英昨出席民主黨前主席何俊仁主持的網台節目時，形容周日遊行「係最後一場仗，同中聯辦晒冷」，直言「黃絲、藍絲」都應團結反修例，才對得住良心和良知，呼籲港人號召更多朋友一同參加遊行。
促黃絲藍絲團結反修例
黎智英昨出席何俊仁的網台節目《細說中南海》時，指全港各界都聯署表態反修例，因今次是香港史上最嚴重，「一鑊熟㗎今次！」強調港人習慣在自由社會生活，有其國際視野和價值觀，沒有中國內地人的服從性，若修例通過，香港不但會變成內地一個城巿，政權為「洗腦」更隨時把香港變成第二個新疆集中營。黎形容周日遊行「係最後一場仗，同中聯辦晒冷，就算失敗，都係光榮嘅失敗，因為我哋喺最黑暗嘅時候，為咗公義站起來，就值得我哋活落去」。他呼籲無論「黃絲、藍絲」都應團結反對修例，才對得住良心和良知，「如果嘥三個鐘頭，都唔出嚟保護香港，我哋係冇面再見自己」。
他認為如最後有200萬人上街，政府再「狼死」亦要考慮擱置惡法，但如港人寧看着香港淪陷也不遊行發聲，便要撫心自問：「香港咁多年你安安樂樂，咁多好日子，（只是）嘥幾個鐘頭為香港最後一役嘅鬥爭，都唔肯出嚟，你對自己都應該好失望。」
■記者陳珏明
長青網 - 一站式長者及護老者生活資訊網站